Jogalasia 2:4 - KITAWO MALEŊ Catholic

⁴ Ato jomoro, ma jorendere nike jobedo jom'oyeyo jowot wan, jodonjo i dier wan, aka oyido jomito ni wothum go. Jome oyido jolwi paka jopendo ka jomito ŋeyo ni siem aŋo ma wanigine i Kristo Yesu. Jono oyido jomito loko wan ŋecin.

KITAWO MALEŊ

⁴ Ato jomoro, ma jorendere nike jobedo jom'oyeyo jowot wan, jodonjo i dier wan, aka oyido jomito ni wothum go. Jome oyido jolwi paka jopendo ka jomito ŋeyo ni siem aŋo ma wanigine i Kristo Yesu. Jono oyido jomito loko wan ŋecin.

Jogalasia 2:4 ပူးပေါင်းရင်းမြစ်များ

Zabuli 119:45

Alawotho m'agonyere, kole atemo luwo fonji perin.

Zabuli 51:12

Dwoki ran kisangala ma both perin kendo, aka miyan adundo ma tur.

Isaya 51:23

Aka alaketho i cingi joma pilo win, jono ma jotieko waco riwin ni, “Kule win piny, ŋey wanyal kadho.” Witieko loko dieŋey win ka nyono, paka royo rijo aluwa.

Luka 5:38

Be! Medho ma vini manyen ripo kako i mugowa piendere mere manyen.

Tim pa Jomoor 15:1

Nitie jomoro ma jowok Yuda to jobino Antiok to jocako fonjo jom'oyeyo ni, “Wikinyal limo both kwanyo woko ka withumere paka Cik pa Musa waco.”

Tim pa Jomoor 15:24

Watieko winjo paka ji megi i kitipa mawan jobino koro to jokwinyo win gi luwo pajo ma to wakifonjo jo ni jowotimi ameno.

Tim pa Jomoor 20:30

Aka ndir bino tundo ma jomoro i dier win won jobino ay gi twodo ma ywayo jom'oyeyo bongi jo.

Joroma 8:15

Kole wikilimo cuny ma lokirok ŋeca ma kelo riwin lworo; to witieko limo Cuny ma loko win nyithindho pa Were, aka ka waywak ri Were ni “Aba! Baba!”

2 Jokorintho 11:13

Jono jok'obedo jomoor mar'adieri; jobedo jomoor ma twodo, ma jokethere ni jo bende jomoor pa Kristo.

2 Jokorintho 11:17

Ato wac ma aluwo me k'obedo wac ma wok bongi Rwoth; to me onyo aluwo paka ŋatamiŋ.

2 Jokorintho 11:20

Aka wiyere gimoro je ma bino miyo win or ma nger je, kosa loko win ŋecin, kosa cemo kwoŋ win, kosa limo ŋaŋo i nyapo mewin, kosa cayo win, kosa goyo lembi win adhoŋ.

2 Jokorintho 11:26

I woth paran m'omore aboth ri mikula ma jwombe, kodi jomac; aboth kwoŋ ji ma piny paran won, kodi ri Jopath; aboth i tindi, kodi i thim; aboth kwoŋ nam madongo, kodi kwoŋ jom'oyeyo ma twodo.

2 Jokorintho 3:17

Onyo Rwoth, i luwo me, obedo Cuny; aka kama Cuny pa Rwoth niye, siem bedo kenyo.

Jogalasia 1:7

ma k'obedo kiri “Wac Manyen Maber!” Nenere paka nitie jomoro ma joruwo paro mewin aka jotemo wiro woko Wac Manyen Maber pa Kristo.

Jogalasia 4:25

Hagar cungo kapa Got Sinai i piny pa Jowarabu; aka go obedo gir'anena kapa Yerusalem ma pama, m'obedo ŋeca kanyacel gi nyithindho pere.

Jogalasia 4:3

Wan bende munyo fodi wathindho i gigipiny manyacuny onwaŋo wabedo ŋecin pa cunyere ma polo gi piny.

Jogalasia 5:1

Kristo otieko gonyo wan i twec to miyo wan siem! Riameno cungi win, paka ji man siem, aka wikiri wiyey lokirok ŋecin kendo.

Jogalasia 5:10

Aka fodi aridho ni wik'obedi gi paro man m'opokere, to ŋato, kada bedi ŋa, ma ruwo wiy win no, bino wodho cul mere.

2 Timothe 3:6

Jomegi kwoŋ jo jodonjo i udi to jodiyo mon ma miŋmiŋ, ma jopoŋ gi reco aka awanya ma nger je ywayo jo.

Yakobo 1:25

To ŋata kaŋasa cik m'otire ma ketho ji i siem, aka medo ketho paro pere kwoŋe, ma kiciki ithe kende to wiye wil, to go ketho wac i tim, ŋato Were bino miyo silwany i gima go timo.

1 Petero 2:16

Kwo mewin wobedi paka apa joma ni siem; to wikiri wiloki siem mewin ma umo reco moro je; kucel kwo mewin wobedi paka apa jotic pa Were.

2 Petero 2:19

Jociko jo siem ma to wegi jobedo ŋecin pa kite mareco; ato dhano bedo ŋeca pa gima dhumo go.

1 Yohana 4:1

Jowotan ma kacunyan, wikiri wiyere gi kisi dhano ma kethere ni go nitie gi Cuny pa Were. Tem win jo ŋey winiaŋ k'adieri jowok bongi Were, rupiri jotuci wac ma twodo mathoth jotieko ywore i piny je.

Yuda 1:4

Kole jomoro m'otiek thumo rijo banja wok con, jotieko lwi to jodonjo nyaliŋliŋ i dier win ma wikineno. Jokuya Were aka jokomo fonji kwoŋ ŋono pa Were ma umo reco pajo aka jokwero Yesu Kristo, madwoŋ loyo kendo obedo Rwodhiwan.