Jofilipi 2:7 - KITAWO MALEŊ Catholic

⁷ Kucel go oketho meni no gicen, to kwanyo kabedo pa ŋeca, munyo onywol go i cal pa dhano. Aka munyo go onwaŋere i cal pa dhano,

KITAWO MALEŊ

⁷ Kucel go oketho meni no gicen, to kwanyo kabedo pa ŋeca, munyo onywol go i cal pa dhano. Aka munyo go onwaŋere i cal pa dhano,

Jofilipi 2:7 ပူးပေါင်းရင်းမြစ်များ

Zabuli 22:6

T'onyo akical dhano kendo, acalo kudin, ma kisi nyatoro cayo aka dak!

Isaya 42:1

Neni ŋeca paran ee, m'athielo, dhano paran m'ayero, ma cunyan sangala gine, atieko ketho cuny paran kwoŋe, go lakelo tiro ri nonin.

Isaya 49:3

Go owaco ran ni, “Ibedo ŋeca paran, Isiraili, ma lakelo ran dwoŋ.”

Isaya 53:11

Rumacen ma kwo ma candirok, go laneno kisangala; go laŋeyo ni k'ocandere ma nono. Ŋeca paran m'omiyere, aka ma sangala an, latiŋo gir'acula pa ji kweth, aka ro go alacwako rijo.

Zekaria 3:8

Mondo winji, Awi Yesuwa, in kodi wadin ma jobedo ruwaŋin, jobedo cwo ma gir'aura; kole neni, acegin kelo ri ŋeca paran jange.

Zekaria 9:9

Fore swa, Awi nyar Zayon! Koki ri kisangala, Awi nyar Yerusalem! Eno, kere perin labino bongin, gi tiro kodi loyo, gi mwolo ka gweyo punda madhako, i wi nyathi punda madhako.

Matayo 12:18

“Panen jatic paran m'atieko yero m'amaro aka cunyan sangala gine. Abino ketho Cuny Maleŋ paran i go, aka go bino tuco tiro ri nonin je.

Matayo 20:28

paka Wod Dhano ma k'obino ka ni wotiy rigo, to ni wotiy ri ji gi miyo kwo pere paka cul ri ji mathoth.”

Mariko 9:12

Yesu odwoko ni, “Adieri Elia ama kutho ripo telo bino ŋey woyiki gimoro je. To raŋo ma Ndiko Maleŋ bende waco ni Wod Dhano bino limo candirok madwoŋ t'ikwero go!

Luka 22:27

Kere ŋa maloyo dwoŋ; ŋata bedo piny cemo, kosa ŋata poko cemo? Ki ŋata bedo piny be? To kole an abedo i dier win paka jatic mewin.

Yohana 1:14

Wac olokere Dhano, aka obedo gi wan, to waneno dwoŋ pere paka Wod Were acel kende, m'owok bongi Were Bawan, m'opoŋ gi nema kodi adieri.

Joroma 1:3

Me obedo Wac Manyen Maber ma mako kwoŋ Wode, Rwodhiwan Yesu Kristo, m'onywol paka nyakwar Daudi;

Joroma 15:3

Kole Kristo won k'omiyere kisangala. Kucel, obedo paka ondiki ni, “Yet ma jono joyetin gine omakan ayino.”

Joroma 15:8

Kole awaco riwin ni Kristo olokere jatic pa jom'othumere (Joyuda) ma nyutho nike Were genere, ma miyo cikirok pa Were m'otimo gi kwarere wan wotundi i kare,

Joroma 8:3

Gima Cik k'onyalo timo ro nyapo ma del pa dhano, Were onyalo timo. Othumo banja loyo gimarac ma del, munyo ooro Wode won, m'obino i cal ma del pa dhano ma jagimarac, aka wonyali reyo woko gimarac.

2 Jokorintho 13:4

Kole ogur go wi musalaba i nyapo, to gi meni pa Were go odoko kwo. Wabende wanyap i go; to gi meni pa Were wabino kwo ka watiyere gi win.

2 Jokorintho 8:9

Kole wiŋeyo nema pa Rwodhiwan Yesu Kristo ni kada go oyido oŋaŋ, olokere jacandi ri bero mewin, ŋey go woloki win jom'oŋaŋ kwoŋ candi pere.

Jogalasia 4:4

To munyo hongo m'oyik otundo, Were ooro Wode won, ma dhako won bende am'onywolo, aka obedo i Cik pa Joyuda,

Jofilipi 2:6

Kada cal pere oyido nitie i madala pa Were, go k'otemo oro meni no, kada nende go oyido rom gi Were.

Joebulaniya 12:2

wakethi win waŋ wan kwoŋ Yesu ma yeyo mawan cungo kwoŋe wok i cako tundo i gike. Go ociro musalaba ro kisangala m'onwaŋo kuro go yuwaŋe; k'oparo kwoŋ wickwot ma tho kwoŋ musalaba oyido kidho kelo rigo, kendo onyo pama obedo yuracuc ma kom ma dhum pa Were.

Joebulaniya 13:3

Poyi win joma nitie i twec paŋini winitie i twec gi jo. Poyi win joma candere, paŋini wicandere gi jo.

Joebulaniya 4:15

Jadwoŋ pa jocway ri Were i wi migam, mawan me, k'obedo ŋata kiniaŋ nyapo mawan. Kucel, wanitie gi jadwoŋ pa jocway ri Were i wi migam ma bende olimo karatem i royo je paka walimo, to k'otimo gimarac.