Jofilipi 2:26 - KITAWO MALEŊ Catholic

²⁶ Go yenyo swa neno wijoje, aka cunye ramo swa rupiri wiwinjo ni go oyido two.

KITAWO MALEŊ

²⁶ Go yenyo swa neno wijoje, aka cunye ramo swa rupiri wiwinjo ni go oyido two.

Jofilipi 2:26 ပူးပေါင်းရင်းမြစ်များ

2 Samwiri 13:39

To munyo Daudi oweyo paro kwoŋ Amnon, ocako paro kwoŋ Absalom.

2 Samwiri 24:17

Kenyo Daudi oluwo gi Rwoth munyo oneno malaika m'oyido neko ji, aka owaco ni, “Neni, atimo reco, aka atimo kidakana; to rombo me, aŋo ma jotimo? Weyi cingin, akwayin, wobedi kwoŋan gi ot pa baba.”

Yobu 9:27

K'anowaci ni, wiyan lawil gi kigeŋisa paran, alaweyo julo t'abwonjo,

Zabuli 69:20

Yet otieko turo adundo paran, aka onyo angoye gi geno. Adwaro wor, t'akinwaŋo; kodi jom'odiy cunyan t'akinwaŋo moro.

Agecin 12:25

Rembo kimiy dhano kisangala, to wac maber miyo go kisangala.

Isaya 61:3

Miyo ji ma joywak i Zayon, kisangala gi forok i kabedo pa rem, mo ma wir i kabedo pa ywak, bujwenge ma pak i kabedo ma cuny manyap. Kenyo nyaka wonyali lwoŋo jo ni olwa ka jotimo gim'otire, ma Rwoth won am'opidho, ŋey wonyali miyo go dwoŋ.

Matayo 11:28

Biye win bongan wijoje ma wiol aka wilacere i tiŋo bieto mapek, labino miyo win ywomirok.

Matayo 26:37

Go okwanyo Petero kodi wot Zebedayo jario. Gikenyo cunye ocako ramo to bedo gi rem.

Tim pa Jomoor 21:13

To go odwoko ni, “Witimo aŋo, wiywak aka wikelo ran rembo i cunyan? Kole ayikere ki nyaka ri twec kende to kiri ri tho je i Yerusalem i nyingi Rwoth Yesu.”

Joroma 1:11

Kole ayenyo swa neno win ŋey anyal poko gi win silwany ma cuny, ma medo win meni.

Joroma 12:15

Sangala win gi joma sangala, ywak win gi joma ywak.

Joroma 9:2

An gi rem kodi litho mathoth i cunyan.

1 Jokorintho 12:26

K'adec acel ma del olimo litho, adec m'odoŋ je jowinjo litho gine; k'adec acel omiy dwoŋ, wadi je josangala gine.

2 Jokorintho 9:14

Ameno, jobino kwayo riwin gi maro madwoŋ rupiri Were otieko nyutho win nema madwoŋ.

Jogalasia 6:2

Konyere win gi tiŋo bieto ma jowoti win nitie gine, rupiri ameno aka wibino mako cik pa Kristo.

Joefeso 3:13

Am'omiyo, akwayo win ni wikiri wirembi, rupiri candirok paran riwin bino kelo riwin dwoŋ.

Jofilipi 1:3

Afoyo Were paran ri wijoje ndir je ka aparo kwoŋ win;

Jofilipi 1:8

Were oŋeyo nike aluwo adieri k'awaco ni aparo kwoŋ win gi paro pa Yesu Kristo won.

Jofilipi 2:25

Odoko aparo nike ripo adhiri riwin omin wan Epafrodito bende, m'otieko tic gi lwenyo ruŋetan, aka otieko kiri tic paka jamikwenda mewin i konyan.

Jofilipi 2:27

Adieri go oyido two m'oyido cegin tho, to Were mako wor gine; aka ki gi go kende, to gi an bende, ŋey akir'abedi gi litho mathoth i cunyan.

Jofilipi 4:1

Am'omiyo, wutmera, amaro win swa, aka akeŋ win tektek. Ka wicungo ma wicwiny i Rwoth, merin paran, meno a kisangala paran.

1 Petero 1:6

Sangala win gi wac me, kad'onyo i hongo me witieko nwaŋo candirok munyo wibedo gi rem hongo macek ro tem m'omore m'obino riwin.