Jofilipi 2:19 - KITAWO MALEŊ Catholic

¹⁹ Ageno i Rwoth nike abino dhiro riwin Timothe mayot, ŋey alimi miseni i wac ma kwoŋ win.

KITAWO MALEŊ

¹⁹ Ageno i Rwoth nike abino dhiro riwin Timothe mayot, ŋey alimi miseni i wac ma kwoŋ win.

Jofilipi 2:19 ပူးပေါင်းရင်းမြစ်များ

Yeremia 17:5

Me apaka Rwoth waco: Kwoŋ ri jono ma jogeno nyaka ji to joloko ji meni pajo, joma cuny jo bor gi Rwoth.

Matayo 12:21

Nonin je jobino ketho geno pajo i nyinge.”

Tim pa Jomoor 16:1

Paulo ocomo yu Dabe gi Listira. Jafonjirok moro ma nyinge Timothe oyido nikenyo; go oyido obedo wod pa dhakodwoŋ moro ma Jayuda m'oyeyo, to bamere oyido obedo Jagrik.

Joroma 15:12

Odoko Isaya waco ni, “Nyakwar Yese labino; Ibino tiŋo go malo wodhum Jopath, Aka Jopath jobino ketho geno pajo i go.”

Joroma 16:21

Timothe, jatic nyawotan, bende dhiro riwin moth; kanyacel gi Lukio, Yason kodi Sosipata, Joyuda jowotan.

1 Jokorintho 4:17

Atoŋa me am'omiyo adhiro riwin Timothe wodan m'amaro kendo m'ogenere i Rwoth. Go bino poyo win royo m'aluwo i Kristo Yesu, odoko m'afonjo i kweth pa jokristo iye je.

Joefeso 1:13

Wibende munyo wiwinjo wac mar'adieri, Wac Manyen Maber m'okelo riwin both, wiyeyo Kristo aka Were oketho ranyuth pere kwoŋ win, munyo miyo win Cuny Maleŋ ma go won oyido otieko ciko win.

Jofilipi 1:1

Balwa m'owok bongi Paulo kodi Timothe, jotic pa Kristo Yesu. Ri ji maleŋ pa Were je ma jobedo Filipi ma joyeyo Kristo Yesu, kanyacel kodi jotel ma kitipa pa jom'oyeyo kodi jokony.

Jofilipi 2:18

Riameno, wibende sangala win aka wipoki kodan siem mewin.

Jofilipi 2:28

Am'omiyo ayikere oro go bongi win, ŋey wisangala ka wineno go kendo, to litho ma cunyan mojere woko.

1 Jothesalonika 3:2

kareno waoro Timothe, omin wan ma tiyo kodi wan ri Were i fonjo Wac Manyen Maber kwoŋ Kristo. Waoro go bongi win womiy win miseni gi konyo yeyo mewin,

1 Jothesalonika 3:5

Meno am'omiyo, munyo akinyalo ciro kendo, adhiro Timothe bino ŋeyo gima tho kwoŋ yeyo mewin. Oyido alworo ni ipoyo jakeli karatem otieko temo win, aka tic mawan onyo otho nono!

2 Jothesalonika 1:3

Waripo foyo Were riwin hongo je, wutmin wan! Obedo riwan gim'otire timo ameno, rupiri yeyo mewin medo dongo swa aka mar ma kisi dhano kwoŋ win nitie gine ri nyawote onyo medere.

2 Timothe 1:12

meno am'omiyo acandere ama. To kad'ameno wiyan kikwoti, rupiri aŋeyo ŋat'ayeyo kwoŋe, aka aridho ni go nyalo kuro gim'atieko miyo go cuka Ndelo no tundo.

Yakobo 4:15

Kucel, d'onyo wiwaco ni, “Ka Rwoth oyeyo, wabino bedo makwo, to watimo gime gi meca.”

1 Petero 1:21

I go wiyeyo Were, m'ocerino go kwoŋ jom'otho to miyo go dwoŋ, m'omiyo yeyo kodi geno mewin nitie kwoŋ Were.