Jofilipi 2:12 - KITAWO MALEŊ Catholic

¹² Am'omiyo, wutmera, paka noknok wiwinjo or, ki nyaka ruwaŋan kende, to tektek paka onyo angoye, tiyi win ri both mewin gi lworo kodi kirin.

KITAWO MALEŊ

¹² Am'omiyo, wutmera, paka noknok wiwinjo or, ki nyaka ruwaŋan kende, to tektek paka onyo angoye, tiyi win ri both mewin gi lworo kodi kirin.

Jofilipi 2:12 ပူးပေါင်းရင်းမြစ်များ

Ezira 10:3

Onyo weyi watim cikirok gi Were mawan riemo woko mon me je gi nyithindho pajo. Walaluwo rieko ma in gi jono ma jolworo or pa Were mawan winomiy. Walatimo gima cik pa Were waco.

Zabuli 119:120

Delkwoŋan kirin ro lworo rin, aka thumo banja perin bwokan.

Zabuli 2:11

Tiyi win ri Rwoth gi lworo kodi kirin,

Agecin 10:16

Kemba pa jom'otire obedo kwo, to magowa pa jakidakana obedo reco.

Agecin 13:4

Awanya pa janyapo nitie kweth, to kilim gimoro, to jatic matek limo kisi gimoro.

Isaya 66:2

An, aŋat'acweyo gigipiny me gi cingan, aka je jobedo aparan, Rwoth waco. To me a ŋat'aladwaro, ŋata mwole aka bwonere i cuny ma kirin i wac paran.

Isaya 66:5

Winji win wac pa Rwoth, win ma wikirin i wac pere. Wutmin win ma jodak win, aka jobolo win woko ro nyingan, jowaco ni, “Weyi Rwoth omiy dwoŋ, ŋey wanyal neno kisangala perin” To jo am'ila ketho jo i wickwot.

Matayo 11:12

Wok i ndir pa Yohana Jakibatisa tundo konon, otiek monjo Ker ma polo gi maker, aka ji ma jomaker jodonj'iye gi mbaka.

Matayo 11:29

Biel win okol paran i ŋuti win aka wifonjere kwoŋan; kole abedo moth aka abwonere iy'adundo paran; aka wibino nwaŋo ywomirok i cuny win.

Tim pa Jomoor 16:29

Jakur okwayo mac, omwomere i ot, to gore piny gi kirin dho ka tiendi Paulo gi Sila.

Tim pa Jomoor 9:6

To ay malo ikidhi i tindi, kam'ibino waco rin'iye gim'inotimi”

Joroma 2:7

Ji megi hongo je jotimo gima beyo, aka jorango dwoŋ pa Were gi wor kodi kwo makirum; aka Were bino miyo jo kwo makirum.

1 Jokorintho 15:58

Am'omiyo, wutmera, cungi win matek ma wicwiny, ma wikiyengere. Yindini win ndir je i tic mewin ri Rwoth, rupiri wiŋeyo ni ongoye gima witimo i tic mewin ri Rwoth ma bu kemba.

1 Jokorintho 2:3

Am'omiyo munyo abino bongi win oyido meni oloyan kareno akirin ro lworo.

1 Jokorintho 4:14

Andiko riwin ama ki ro mito kwoto wiy win; t'atimo ama ma fonjo win paka nyithindho paran ma kacunyan.

2 Jokorintho 7:15

Aka mar ma go nitie gine riwin medere ameda ka go poyo paka wijoje wiwinjo or, gi paka wijolo go gi lworo gi kirin.

Joefeso 6:5

Ŋecin, winji win rwodhe mewin ma piny ka, gi lworo kodi kirin; aka witim tic gi cuny win acel, paŋini witimo ri Kristo won gipi.

Jofilipi 1:27

Kad'obedi nedi, bedi win gi kite ma ripo gi Wac Manyen Maber pa Kristo, ŋey kada k'anobin neno win, kosa k'awinjo awinja ayino kwoŋ win, obedi ni wicungo matek kodi atoŋa acel, aka wilwenyo kanyacel, gi paro acel kende ri yeyo ma Wac Manyen Maber kelo.

Jofilipi 1:29

Kole go otieko miyo win silwany, ki nyaka ma yeyo Kristo kende, to ma candirok rigo bende.

Jofilipi 1:5

rupiri wikonyan gi tic ri Wac Manyen Maber wok i ndelo marapena tundo konon.

Jofilipi 1:6

Am'omiyo aŋeyo gime nike: Were m'ocako tic maber i win, bino medere gine cuka orum i Ndelo pa Kristo Yesu.

Jofilipi 2:19

Ageno i Rwoth nike abino dhiro riwin Timothe mayot, ŋey alimi miseni i wac ma kwoŋ win.

Jofilipi 4:1

Am'omiyo, wutmera, amaro win swa, aka akeŋ win tektek. Ka wicungo ma wicwiny i Rwoth, merin paran, meno a kisangala paran.

Jofilipi 4:15

Aka win Jofilipi wiwegi wiŋeyo maber ni munyo aweyo Makedonia, i ndir m'acako fonj'iye win Wac Manyen Maber, win kende oyido a kitipa pa jom'oyeyo ma joriwere kodan i poko kodi jolo gimoro.

1 Jothesalonika 1:3

Kole wapoyo ruwaŋ Were mawan kodi Bawan paka wiketho yeyo mewin i tim, paka mar mewin omiyo witiyo matek, gi paka geno mewin i Rwodhiwan Yesu Kristo ocwiny.

2 Timothe 2:10

Am'omiyo aciro gimoro je ri bero pa ji pa Were m'oyer, ŋey jo bende jowonyal limo both manitie i Kristo Yesu, kanyacel gi dwoŋ ma cil gi cil.

Joebulaniya 12:1

Am'omiyo, paka onyo wanitie gi lwak jokony madwoŋ m'othoko wan ameno, onyo weyi wakwanyi woko gimoro je ma riwere riwan i royo, kodi reco ma mito moko kwoŋ wan matek,

Joebulaniya 4:1

Onyo, Were otieko weyo riwan cikirok nike wanyalo donjo i ywomirok pere. Am'omiyo, wagwokere win, aka moro kwoŋ win wokiri wokeŋ donjo i ywomirok no.

Joebulaniya 4:11

Am'omiyo, weyi watem paka wanyalo donjo i ywomirok no. Kiripi moro kwoŋ wan cayo dwondi Were paka jotimo, to wakeŋ donjo.

Joebulaniya 5:9

Aka munyo otiek lonyo go kicutho, go olokere jakeli kwo makirum ri ji je ma jomako wac pere;

1 Petero 2:11

Agoyo koko riwin jowotan, paka jowiloka i piny me, ni ŋuti win kwoŋ awanya mareco, ma ndir je lwenyo gi cuny win.

2 Petero 3:18

To medere win gi dongo i nema kodi i ŋeyo Rwoth kendo Jaboth mawan Yesu Kristo. Dwoŋ wobedi rigo, pama kodi cil gi cil. Ameno.