21 Aka ri an, bedo gi kwo meno doŋ i Kristo, aka tho meno nwaŋo lim.
Were am'okelo win i riwirok gi Kristo Yesu, to loko Kristo bedo rieko mawan, tiro mawan gi leŋo mawan, kodi cul mareco mawan to walimo siem.
Paulo, kosa Apolo, kosa Petero, kosa piny me, kwo gi tho, kosa hongo ma pama kodi ma bino; me je mewin.
Kole waŋeyo ni ka kayindi ma wabed'iye i piny, delkwoŋ wan me, okedhi woko, Were bino miyo wan ot ma cil gi cil i polo, ma dhano ama k'ogero.
Am'omiyo hongo je wanitie gi miseni. Waŋeyo nike ka tekin waripo i del me meno wanitie bor gi Rwoth.
Awaco ni wapoŋ gi miseni, aka di wayenyi kiri weyo delkwoŋ wan to wakadho bedo gi Rwoth.
pama onyo aŋat'akikwo, to Kristo ama kwo i an. Aka kwo ma pama an gine, nitie i yeyo Wod Were m'omaran to miyo kwo pere ran.
To an, abino yumirok gi musalaba pa Rwodhiwan Yesu Kristo kende; kole gi musalaba pere aneno pa piny otho ran aka abende atho ri awanya ma piny.
Kole anitie g'awanya madwoŋ kodi geno nike wiyan k'okwoti i tic paran, to ni hongo je, makada pama won, abino bedo gi miseni madwoŋ ma kelo dwoŋ ri Kristo i del paran, kad'akwo kosa atho.
To ka amedere gi kwo i del, meno abino medo timo tic maber man; onyo akuya gima ripo ni ayer.
Atudere i dier paro ario: Ayenyo swa weyo kwo me akidhi abedi gi Kristo, m'obedo gimaber loyo;
Ŋati man je tho kwoŋ wac pere won, makiweno kwoŋ apa Kristo Yesu.
Aka ka kwo mewin, m'obedo Kristo onenere kamaler, aka nyaka wibende wibino nenere gine kanyacel i dwoŋ pere.
Gikenyo awinjo dwondi nyatoro m'owok i polo munyo waco ni, “Ndiki gime: Josilwany a joma wok pama kadho yumalo jolatho i tic pa Rwoth.” “Ey,” Cuny waco, “Jobino ywomirok kwoŋ tic pajo matek, rupiri tim pajo luwo jo.”