Joefeso 6:10 - KITAWO MALEŊ Catholic

¹⁰ Macowe, bedi win ma wicwiny i Rwoth, kanyacel gi i meni pere m'oasere.

KITAWO MALEŊ

¹⁰ Macowe, bedi win ma wicwiny i Rwoth, kanyacel gi i meni pere m'oasere.

Joefeso 6:10 ပူးပေါင်းရင်းမြစ်များ

1 Kigana kwoŋ Kerin 28:10

Gwokere pama, kole Rwoth otieko yerin geto Ot pa Were paka kalamo. Onyo tim, aka tim gi miyirok je.”

1 Kigana kwoŋ Kerin 28:20

Kere Daudi owaco ri wode Solomon ni, “Bedi matek aka jamisen. Cak tic aka wongoye gima wogeŋin, kole Rwoth Were, Were paran nitie kodin. Go kilaweyan, to labedo kodin cuka inocow tic je ma Ot pa Were.

2 Kigana kwoŋ Kerin 15:7

To win cwo ma Yuda, bedi win jomiseni! Wikiri wiyey cingin win wolokere manyap, rupiri ilamiyo win kemba i tic mewin.”

Zabuli 138:3

I ndelo m'alwoŋin, idwokan, idwoko meni ma cunyan.

Isaya 40:28

Fodi ikiŋeyo? Fodi ikiwinjo? Rwoth obedo Were ma cil gi cil, jacwec ma witum ma piny. Go kiol kosa lacere, niaŋ pere kiŋeyere.

Isaya 40:31

To jono ma jokuro Rwoth, meni pajo lalokere manyen, jolaay gi bwombin gin paka aŋo, jolaŋwec to jok'olacere, jolawoth to jok'ool.

Hagay 2:4

Kucel pama, bedi m'icwiny Zerubabel, me wac pa Rwoth, bedi m'icwiny Yesuwa wod Yehozadak, jadwoŋ pa jocway ri Were i wi migam, bedi win ma wicwiny, ji je ma lowo, me wac pa Rwoth, tiyi win, kole anitie gi win. Rwoth pa lwak jolweny waco.

Zekaria 8:13

Aka paka oyido wibedo lam i dier nonin, Awi ot pa Yuda kodi ot pa Isiraili, ameno alabotho win aka wilabedo silwany. Wikiri wibwoki, to weyi cingi win wobedi matek.

Zekaria 8:9

Rwoth pa lwak jolweny waco ama: Weyi cingi win wobedi matek, win ma wiwinjo wac m'owok i dhok jotuci wac Were i ndelo me je, wok cuka i ndelo m'ocak'iye misingi ma Ot pa Rwoth pa lwak jolweny, ŋey wonyali geto kendo Ot pa Were.

1 Jokorintho 16:13

Bedi win waŋ win, cungi win matek i yeyo, bedi win miseni, bedi win gi meni.

2 Jokorintho 13:11

Onyo jowotan, kutho win! Tir win kwo mewin; winji win gim'awaco; yere win wiwegi, bedi win i siem; aka Were ma jamar kodi siem bino bedo gi win.

Joefeso 1:19

kendo paka meni pere madwoŋ m'oasere tiyo riwan ma wayeyo. Meni no dwoŋ tektek,

Joefeso 3:16

Akwayo Were ni cungo kwoŋ dwoŋ pere m'oasere, womiy win meni i cuny win, gi meni pa Cuny Maleŋ pere.

Kitawo mar'abic mapa Musa m'ilwoŋo ni Cik 31:23

Rwoth ooro Yosuwa wod pa Nun ka waco ni, “Bedi matek, bedi jamiseni, kole ilakelo Joisiraili i lowo m'aciko jo. Alabedo kodin.”

Jofilipi 3:1

Aka macowe, wutmera, bedi win gi kisangala i Rwoth. Gik i gim'atieko ndiko con kijokan, aka meno medo gwoko win i yeyo.

Jofilipi 4:13

Anyalo timo gimoro je i Kristo ma miyan meni.

Jofilipi 4:8

Macowe, wutmera, poŋ win i paro mewin gigipiny mabeyo m'ipako me: Gigipiny mar'adieri, ma didwoŋ, m'otire, m'olony, maber amara, kodi maŋon.

Jokolosia 1:11

Weyi Were woloki win jom'otegino gi meni ma wok i dwoŋ pere m'oasere, ŋey winyal ciro gimoro je gi diyo cuny kodi kisangala.

2 Timothe 2:1

To in, wodan, bedi gi meni kwoŋ nema manitie i Kristo Yesu.

2 Timothe 4:17

To Rwoth obedo kodan aka omiyan meni, am'omiyo anyalo tuco mikwenda je ri Jopath jowowinji. Aka obothan i laki Simbwor.

Yosuwa 1:9

Pama onyo amiyin or: Bedi m'icwiny kendo jamisen; ikir'ikirini kosa ibwoki, kole Rwoth Were perin nitie kodin kisi kamoro je m'ikidh'iye.”

1 Petero 3:8

Macowe, wijoje, riwere win i cuny win, bedi win gi wor ri jowoti win, odoko mare win paka wutmere, bedi win gi dewo kodi mwolo ri jowoti win.

1 Petero 4:11

Nyatoro je ma fonjo wac pa Were ripo fonjo paŋini obedo wac pa Were won; nyatoro je ma timo tic wotim gi meni ma Were miyo go, aka ŋey i gimoro je womiy Were pak kwoŋ Yesu Kristo, madwoŋ gi meni obedo apere, cil gi cil. Ameno.

1 Petero 5:10

To ka witieko candirok mathin, Were ma nigi nema je, m'olwoŋo win ni wopok win ye dwoŋ ma cil gi cil i Kristo, won bino miyo win meni, to miyo wicungo ma wicwiny i yeyo.

1 Yohana 2:14

Andiko riwin, bacere ji, rupiri wiŋeyo go m'otieko bedo wok i cakirok. Andiko riwin, soye ma nyaka ay, rupiri winitie gi meni; wac pa Were bedo i win, aka witieko loyo Jaraco.

1 Samwiri 23:16

Yonathan wod pa Saulo oay to kidho bongi Daudi i Hores to yomo cuny Daudi, aka owaco rigo ni Were bino gwoko go.