Joefeso 4:31 - KITAWO MALEŊ Catholic

³¹ Kwany win woko duro, gi keme, kodi nge, gi dhaw kodi nyeko nyingi wadi win.

KITAWO MALEŊ

³¹ Kwany win woko duro, gi keme, kodi nge, gi dhaw kodi nyeko nyingi wadi win.

Joefeso 4:31 ပူးပေါင်းရင်းမြစ်များ

Cakirok 27:41

To Esau dak omin go Yakobo rupiri bamere oyido omiyo Yakobo silwany. Obedo gi paro ni, “Hongo ma ywak tho pa baba cegin, kenyo alaneko Yakobo.”

Cakirok 37:21

To munyo Ruben owinjo, obotho go wok i cingi jo, ka waco ni, “Wakiri waneki win go.

Cakirok 37:4

To munyo wutmin go joneno ni bajo omaro Yozefu loyo joje, jok'omaro go, aka oyido jokiluwi gine gi siem.

Cakirok 4:8

Kayin owaco ri omin go Abel ni, “Wakadhi i ndelo.” Aka munyo jonitie i ndelo, Kayin omonjo omin to neko.

2 Samwiri 13:22

To Absalom dak Amnon swa, m'oyido kiluw kiri gine rupiri omako nyamin go Tamar gi mbaka to nindo gine.

2 Samwiri 19:27

Go otieko nyeko nyingan bongin jadwoŋ paran, to in icale malaika pa Were, riameno tim gim'otire rin.

2 Samwiri 19:43

Joisiraili jodwoko ni, “Wanitie gi atoŋa dipar loyo mewin kwoŋ kere, makada nende go obedo acel kwoŋ win. Raŋo wicayo wan? Wiy win wokiri wowil ni waŋati wabedo marapena luwo kwoŋ dwoko kere!” To wac pa cwo ma Yuda oyido gway loyo apa cwo ma Isiraili.

Zabuli 101:5

Abino reyo ŋatimoro je, ma luwo pokopoko kwoŋ ŋatiman. Akibino ciro janoro kosa jadhaw.

Zabuli 140:11

Weyi jar'awaca nyingi jokiri jowokwo i piny; weyi reco wokengila jogwayo i yoto.

Zabuli 15:3

aka kisegeya joman. Ŋata kitim gimarac ri mere pere, kosa kiywoy pokopoko kwoŋ jager pere.

Zabuli 37:8

Ikir'irembi, kosa imaki nge, gino kelo teko ayin.

Zabuli 50:20

Ibedo t'iwaco nyingi omin in, icwoko dhok wod pa yokin won.

Zabuli 64:3

Jopako lew gin paka abore, to joyiko wac mager paka aserin,

Agecin 10:12

Dakirok guro gwayo, to mari umo kibenga je.

Agecin 10:18

Dhok jo ma twodo pano dakirok, aka jamisegey obedo jamiŋo.

Agecin 14:17

Dhano ma kwako mako nge timo gimiŋo, aka dhano ma tim pere rac ji dak go.

Agecin 18:8

Wac pa jamwoŋo cale cemo mamit m'icamo gi woro, donjo i iy jo piyo.

Agecin 19:12

Nge pa kere cal simbwor ma hola, to wor pere cal thoyo i lum.

Agecin 25:23

Awaca nyingi kelo nge, Paka koyo ma yumalo kelo koth.

Agecin 26:20

Ka yen ongoye, mac tho, aka kama mwoŋo ongoy'iye, dhaw rumo.

Agecin 29:22

Ŋata mako nge jadhaw kicar, aka timo reco kweth.

Agecin 29:9

Ka jarieko osere gi jamiŋo, bed'iye nyero, koko gi yet.

Agecin 6:19

jakony ma luwo twodo, kodi ŋata cwoyo tiakirok i dier wutmere.

Jafonji 7:9

Ikir'ikwakere mako nge i cunyin, kole nge nindo i pal cuny jomamiŋ.

Yeremia 6:28

Joje jobedo joma wiy gin tek ma jogwenyirok, jolera aka joluwere kicar; wiy jo tek paka ywel kodi nyweny, joje jotimo tim ma nyew.

Yeremia 9:4

Kisi dhano ripo gwokirok kwoŋ nyawote, aka ongoye ŋata nyalo geno omin; kole kisi omin jo obedo jatwodo paka Yakobo, aka kisi dhano waco nyingi nyawote.

Tim pa Jomoor 21:30

Ruwirok olak i tindi gipi, aka ji je joringo kanyacel jomako Paulo, to jowodho go woko wok i Ot pa Were. Piyo piyo t'icego woko dhoudi je.

Joroma 3:14

Dhok jo opoŋ'iye kwoŋ makec kodi duro.

1 Jokorintho 14:20

Wikiri wibedi pa nyithindho i paro mewin, wutmera; bedi win nyithindho i gima mako kwoŋ reco, to wibedo jom'otegino i paro mewin.

1 Jokorintho 5:8

Am'omiyo onyo weyi watim kalima mawan, to ki gi mugat m'oketh'iye thow macon, mar'athuye kodi reco, to kodi mugat ma buthow, ma ditiro kodi adieri.

2 Jokorintho 12:20

Alworo ni kono kani atundo kenyo anyalo nwaŋo ni wipokere kodi paka oyido d'ayenyo wibedi, kosa kareno aŋat'apokere kodi paka di wiyenyo abedi. Alworo ni abino nwaŋo widhaw, kosa witimo nyeko, wioro nge kosa witimo mima, winyeko nyingi jowoti win kodi luwirok kicar, pakirok kodi nywowirok.

Jogalasia 5:20

i lamo cal makicar kodi yido, bedo i kwor gi dhano, laro dwoŋ, timo nyeko, mako ŋonge, gwondo, dhawirok, tiakirok,

Joefeso 4:22

Kole ofonji win ni wiboli woko kiti win macon, ma awanya mareco oyido nyeko.

Joefeso 4:25

Riameno, twodo onyo wongoye wok pama. Dhano je ripo luwo ri nyawote gir'adieri, rupiri wajoje wabedo adec m'oriw kanyacel.

Joefeso 4:26

Ka wimako nge, gino wokiri worwaki win i gimarac; aka wikiri wibedi gi nge ndelo gipi,

Jokolosia 3:19

Cwo, mari win mon mewin, aka wikiri wior liwugo rijo.

Jokolosia 3:8

To pama wiripo bolo woko kiti gigipiny ma cal meno: Nge, keme, awaca nyingi, nyeko nyingi jo, yet kodi luwo makoc.

1 Timothe 3:11

Mon pajo bende joripo bedo ji ma kiti gin otire, ma jokiwerawera gi luwo kicar; joripo bedo jom'oŋeyo kuro nge kendo joma genere i gimoro je.

1 Timothe 3:3

Kiripi bedo jamero kosa jagero, to wobedi ŋata mwol ma ki jadhaw; aka wokiri womar pesa.

1 Timothe 5:13

Medo kwoŋ meno, jonyalo fonjere nyapo gi kula ma woth i dhoudi pa ji; aka maloyo kenyo, jonyalo fonjere kiwerawera gi luwirok kicar, gi bedo mayil yil, gi luwo kwoŋ gima di kiripi jowoluwi kwoŋe.

2 Timothe 2:23

To eye kwoŋ piem ma miŋo kodi paro masisiri; at'iŋeyo nike gigipiny no kelo dhaw.

2 Timothe 3:3

Jobino bedo joma jongoye gi wor, joma jongoye gi cwaki, jowaci nyingi wadi gin, joma wany kendo mager, jobino dak gimaber.

Tito 1:7

Ato paka go nitie i tic pa Were, jadwoŋ ma kitipa ripo bedo m'ongoye gi komo moro je. Go wokiri wobedi jawinjirok, kosa jamaki nge kicar, kosa jamero, kosa ŋata ger, kosa jaworo.

Tito 2:3

Aka bende waci ri mondongo jowobedi gi kite mabeyo i leŋo. Kiri jowobedi jowaci nyingi ji, kosa joma medho odhumo; joripo fonjo gima beyo

Yakobo 1:19

Maki win wac me, wutmera. Dhano je ripo bedo mayil i winjo, ma kikwakere gi luwo, aka kimaki nge piyo.

Yakobo 3:14

To ka wipoŋ gi nyeko kodi mito ici, wikiri wipakere gine odoko wikiri wikwer adieri.

Yakobo 4:11

Wikiri wiluwere marac kwoŋ jowoti win, wutmera. Ŋata luwo marac kwoŋ omin, kosa thumo rigo banja, meno luwo marac kwoŋ Cik aka cayo Cik. K'icayo Cik, meno kere ikibedo dhano ma winjo Cik, to ijacay Cik ayino.

1 Petero 2:1

Am'omiyo, weyi win miyo jowoti win litho, kodi twodo je, kosa rendirok, kosa nyeko, kosa nyeko nyingi wadi win!

1 Yohana 3:12

Wikiri wibedi paka Kayin: Go oyido obedo apa Jaraco, aka oneko omin won. Raŋo ma Kayin oneko omin? Kwoŋbedo tim pere oyido rac, aka gigipiny m'omin otimo oyido beyo.

1 Yohana 3:15

Ŋat'odak omin meno janek; aka wiŋeyo ni janek ongoye gi kwo makirum i go.

Menyirok ri Yohana 12:10

Gikenyo awinjo dwondi nyatoro m'okoko malo i polo ka waco ni, “Pama both gi meni ma dhum kodi Ker pa Were mawan kodi adhum pa Kristo je otieko tundo! Kole jamisegey ma osa wutmin wan bongi Were, wor g'odieceŋ, otiek wito piny.