Joefeso 4:13 - KITAWO MALEŊ Catholic

¹³ Ameno aka wajoje wabino bedo i acel i yeyo mawan kodi i ŋeyo Wod Were, to wategino i cuny, ma waripo gi kwo pa Kristo m'opoŋ.

KITAWO MALEŊ

¹³ Ameno aka wajoje wabino bedo i acel i yeyo mawan kodi i ŋeyo Wod Were, to wategino i cuny, ma waripo gi kwo pa Kristo m'opoŋ.

Joefeso 4:13 ပူးပေါင်းရင်းမြစ်များ

Isaya 53:11

Rumacen ma kwo ma candirok, go laneno kisangala; go laŋeyo ni k'ocandere ma nono. Ŋeca paran m'omiyere, aka ma sangala an, latiŋo gir'acula pa ji kweth, aka ro go alacwako rijo.

Zefania 3:9

Kenyo alalonyo luwo pa nonin, ŋey jowolwoŋ nyingi Rwoth, aka jowotiy rigo iy'acel.

Zekaria 14:9

Rwoth labedo kere ma piny gibe; i ndelo no Rwoth labedo acel aka nyingi go acel.

Matayo 11:27

Baba otieko miyan gimoro je, aka onyo ongoye ŋat'oŋeyo Wode kwanyo woko Bamere, kendo ongoye ŋat'oŋeyo Bamere kwanyo woko Wode kodi joma Wode odiero nyutho jo kamaler.

Yohana 1:16

Adieri, wajoje watieko nwaŋo nema wi nema kwoŋ ŋaŋo pere.

Yohana 16:3

Jobino timo gigipiny me riwin rupiri jokuya Baba kosa an.

Yohana 17:21

Akwayo nike joje jowonyal bedo acel, Baba, paka initie i an aka anitie i in. Jo bende jowobedi i wan, ŋey piny woyeyi nike Iŋat'ioran.

Yohana 17:3

Aka me a kwo makirum: Nike ji jowoŋeyin, Were acel mar'adieri, kendo jowoŋey Yesu Kristo m'ioro.

Yohana 6:69

Aka onyo wayeyo odoko waŋeyo nike in ibedo Maleŋ m'owok bongi Were.”

Tim pa Jomoor 4:32

Kitipa pa jom'oyeyo obedo acel i paro kodi i cuny gin. Ongoye ŋat'owaco ni lim pere obedo mar'aora pere kende, to apa ji je.

1 Jokorintho 1:10

Agoyo koko riwin wutmera i nyingi Rwodhiwan Yesu Kristo: Yere win wijoje, i gima wiwaco, aka nyaka tiakirok wokiri wobedi i dier win; riwere win swa munyo winitie gi paro acel kodi atoŋa acel.

1 Jokorintho 14:20

Wikiri wibedi pa nyithindho i paro mewin, wutmera; bedi win nyithindho i gima mako kwoŋ reco, to wibedo jom'otegino i paro mewin.

1 Jokorintho 2:6

Kad'ameno, waluwo gi rieko ri joma jotegino i yeyo. To k'obedo rieko ma ndir me, kosa apa jodhum ma pama, ma jokidho rerok woko.

2 Jokorintho 4:6

Kole Were m'owaco ni, “Lero woliel wok i mudho.” Am'omiyo lero pere liel i cuny wan, ma kelo riwan niaŋ kwoŋ dwoŋ pa Were, ma nenere i waŋ Kristo.

Jogalasia 4:19

Nyithindho paran m'amaro swa, kendo ma awinjo gi jo malith pa dhako ma nyathi ramo cuka kiti Kristo wowoki kwoŋ win!

Joefeso 1:17

aka akwayo Were pa Rwodhiwan Yesu Kristo, Bawan man gi dwoŋ, ni womiy win Cuny Maleŋ, ma bino loko win mariek to nyutho win Were, nike wiŋeyi go maber.

Joefeso 1:23

m'obedo delkwoŋ Kristo, aka ago won gikululu ma poŋo kisi gimoro iye je.

Joefeso 2:15

Okwanyo woko Cik pa Joyuda gi thenethene mere gi delkwoŋe, ŋey woloki nonin ario me ji acel i go, to kelo siem.

Joefeso 4:12

Otimo ama ma yiko ji pa Were je ri tic manyakristo, ma gero delkwoŋ Kristo.

Joefeso 4:3

Tem win paka winyalo, kuro siem ma riwo win kanyacel i Cuny Maleŋ.

Joefeso 4:5

Aka Rwoth nitie acel, yeyo bende acel, batisimo bende acel;

Jofilipi 3:10

Gim'ayenyo kende a ŋeyo Kristo, gi meni ma cerino pere, kodi riwirok gi go i candirok pere, gi bedo paka go i tho pere,

Jofilipi 3:8

Ki meno kende, akwano gimoro je paka podho madwoŋ, rupiri gima diwelo m'oasere a ŋeyo Kristo Yesu Rwoth paran. Ro wac pere atieko bolo woko gimoro je; atero je paka woyo, ŋey alimi Kristo,

Jokolosia 1:28

Am'omiyo wafonjo ji je kwoŋ Kristo, ka wanyutho jo royo ma gwokirok gi rieko ma nger je, ŋey wakel dhano je ruwaŋ Were m'otieko tegino i Kristo.

Jokolosia 2:2

Atimo ameno ŋey miseni wopoŋ i cuny jo aka ŋey jowobedi kanyacel i mar to jolimo silwany ma niaŋ wac kicutho. Meno aka jobino ŋeyo nyaliŋliŋ pa Were, m'obedo Kristo won gipi.

Joebulaniya 5:14

To cemo manwaŋ, obedo apa jom'otegino ma jotieko ŋeyo poko gima beyo gi reco.

2 Petero 1:4

Ameno go omiyo wan, mic m'ociko madwoŋ swa kendo ma diwelo, ŋey ka walimo mic me wabino both kwoŋ reco manitie i piny ka ro awanya, to wadonjo i kula ma nyawerewere.

2 Petero 3:18

To medere win gi dongo i nema kodi i ŋeyo Rwoth kendo Jaboth mawan Yesu Kristo. Dwoŋ wobedi rigo, pama kodi cil gi cil. Ameno.

1 Yohana 5:20

Waŋeyo nike Wod Were otieko bino aka omiyo wan niaŋ m'omiyo waŋeyo Ŋat'obedo adieri. Kwo mawan nitie i Ŋat'obedo adieri, cungo kwoŋ Wode Yesu Kristo. Me a Were mar'adieri, won kendo a kwo makirum.