Joefeso 3:15 - KITAWO MALEŊ Catholic

¹⁵ ma pecin je man polo kodi i piny jonwaŋ nyingi jo kwoŋe.

KITAWO MALEŊ

¹⁵ ma pecin je man polo kodi i piny jonwaŋ nyingi jo kwoŋe.

Joefeso 3:15 ပူးပေါင်းရင်းမြစ်များ

Isaya 65:15

Ŋecin paran jolaoro nyingi win ma kwoŋo, aka an, Rwoth Were alaneko win, t'amiyo ŋecin paran nyingi jo man.

Yeremia 33:16

I ndir no, ilabotho Yuda aka siem labedo i Yerusalem. Me a nyinge m'ilalwoŋo gine, “Rwoth, obedo tiro mawan.”

Tim pa Jomoor 11:26

Munyo onwaŋo go, okelo go Antiok. I hongo ma romo oro gipi jario me joromo gi kitipa pa jom'oyeyo, to jofonjo ji madit swa. I Antiok me ama open lwoŋ'iye jofonjirok ni Jokristo.

Joefeso 1:10

Can pa Were ma go bino cowo timo ka ndir otundo, ma kelo cwec je kanyacel, gi gimoro je man polo kodi man piny, kareno Kristo a jatel mere.

Joefeso 1:21

Yesu Kristo dhumo jodhum je, jodongo, jomeni, rwodhe; aka nyinge loyo nyingi jo je m'inyalo miyo pama kodi i ndir ma bino je.

Joefeso 3:14

Riameno, aguro congan i nyim Baba,

Joefeso 3:16

Akwayo Were ni cungo kwoŋ dwoŋ pere m'oasere, womiy win meni i cuny win, gi meni pa Cuny Maleŋ pere.

Jokolosia 1:20

Am'omiyo, kwoŋ Wode, Were otieko dwoko cwec je bonge, manitie i polo kodi i piny je, munyo kelo siem gi remo pa Wode m'ocwer wi musalaba.

Menyirok ri Yohana 2:17

Am'omiyo, ŋata nitie gi ithe, wowinji gima Cuny waco ri kitipin pa jom'oyeyo! Ŋata loyo karatem abino miyo go cemo m'opan m'ilwoŋo ni mana. Abino bende miyo go tele matar, m'ondik'iye nyingi jo Manyen, ma ŋat'omiy gino kende ama won ŋeyo.

Menyirok ri Yohana 3:12

Abino loko ŋat'oloy karatem siro ma Ot pa Were paran, aka go k'odoko owok i iye. Abino ndiko kwoŋe nyingi Were paran, kodi nyingi tindi pa Were paran, Yerusalem manyen, ma bino loro piny wok i polo bongi Were paran; kodi nyingan manyen won bende.