Joefeso 1:7 - KITAWO MALEŊ Catholic

⁷ Kole remo pa Kristo okelo riwan siem, kodi cwaki mareco mawan, ro nema pa Were m'oasere

KITAWO MALEŊ

⁷ Kole remo pa Kristo okelo riwan siem, kodi cwaki mareco mawan, ro nema pa Were m'oasere

Joefeso 1:7 ပူးပေါင်းရင်းမြစ်များ

Yobu 33:24

Malaika dinyo owaco i wor ni, “Both win go kadho i piny pa jom'otho, atieko nwaŋo cul ma botho go.

Zabuli 130:4

T'icwako reco, aka am'omiyo wolworin.

Zabuli 130:7

Isiraili, kethi geno i Rwoth, kwoŋbedo mar pere kiwire, aka go nitie gi meni madwoŋ ma botho.

Zabuli 86:5

Iber riwan aka icwako, ipoŋ gi mar makiwire ri jono ma jokwayin.

Kitawo mar'ario mapa Musa m'ilwoŋo ni Wok 34:7

Akuro cikirok paran ri luse ganin t'acwako raco gi reco, t'akibino weyo m'akimiyo gir'acula nyithindho gi nyikwaye tundo i luse mar'adek gi mar'aŋwen ro reco pa jonywol pajo.”

Isaya 43:25

Kucel, Abedo Were ma cwako reco mewin ro bero paran won, aka Ak'opoy reco mewin.

Yeremia 31:34

Kendo jokilafonjere kosa waco wegi gi wegi ni, “Ŋey Rwoth.” Kole jolaŋeyan, wok i mathin tundo kwoŋ madwoŋ, Rwoth waco. Alacwako reco pajo, aka akilapoyo kendo.

Yona 4:2

Go owaco ri Rwoth ni, “A Rwoth, me a gim'awaco mafodi akiay peco nike ibino timo. Am'omiyo atemo kiri ŋwec kadho i tindi Tarsis. Oyido aŋeyo paka in Were m'omaro ji aka ipoŋ gi wor. In Were ma kimaki nge piyo rupiri ipoŋ gi mar m'oasere. Inyalo wiro paro perin, t'iweyo m'ikimiyo gir'acula.

Mika 7:18

Ongoye were man ma cale in Rwoth, icwako reco pa ji perin ma joboth, ikimaki nge kicutho, t'iwinjo maber i nyutho wan mar perin makiwire.

Zekaria 13:1

I ndelo no labedo waŋ pi m'ilayawo ri ot pa Daudi kodi ji ma jobedo i Yerusalem lonyo jo kwoŋ reco kodi koco.

Zekaria 13:7

Cew, Awi abor, kwoŋ jakwath rombo paran, kwoŋ jacwo ma cungo cegin kodan, Rwoth pa lwak jolweny waco. Neki Jakwath rombo, ŋey rombo jowokedhere, aka alawiro cingan kwoŋ mathindho mere.

Zekaria 9:11

Paka ri in, ro remo ma cikirok perin, alagonyo jotwec perin wok i bur m'ongoy'iye pi.

Matayo 20:28

paka Wod Dhano ma k'obino ka ni wotiy rigo, to ni wotiy ri ji gi miyo kwo pere paka cul ri ji mathoth.”

Matayo 26:28

“Madhi win giman'iye, wijoje; rupiri vini me obedo remo paran ma ridho cikirok manyen ma Were otimo gi ji pere, m'ooy ri ji mathoth ma cwako reco.

Matayo 6:12

Cwaki riwan reco mawan; Paka wacwako ri joma timo riwan marac.

Mariko 14:24

“Me remo paran ma cikirok manyen, m'ibino oyo ri ji mathoth.

Luka 1:77

gi miyo ji pere rieko ma both ka Were ocwako reco pajo.

Luka 24:47

aka mikwenda ma ŋuto kodi ma cwako reco wotiti ri nonin je, cako Yerusalem.

Yohana 20:23

Reco pa ji ma winocwaki rijo, ibino cwako rijo; to reco pa ji ma wik'ocwaki rijo bende k'ocwaki rijo.”

Tim pa Jomoor 10:43

Jotuci wac Were je joluwo kwoŋe, munyo jowaco ni nyatoro je m'oyey go ibino cwako reco pere gi meni ma nyingi go.”

Tim pa Jomoor 2:38

Petero odwoko jo ni, “Ŋuti win reco mewin, obatisa win i nyingi Yesu Kristo, wocwaki reco mewin, aka wibino limo mic ma Cuny Maleŋ.

Tim pa Jomoor 20:28

Kure win wiwegi kodi sidwol rombo je, ma Cuny Maleŋ oketho i cingi win, ni wibedi jotel mere, ma konyo kitipa pa jom'oyeyo pa Were, ma go oloko apere gi remo pa Wode won.

Tim pa Jomoor 3:19

Am'omiyo, ŋuti win reco mewin wigik bongi Were, ŋey reco mewin worey woko, aka ŋey hongo ma kelo lothi manyen wok bongi Rwoth wobin riwin,

Joroma 2:4

Kosa miti icayo bero pere m'oasere, ka diyo cunye gi ji aka kudere. Adieri iŋeyo ni Were ber rupiri go temo tero win i ŋuto!

Joroma 3:24

pama onyo ikwanyo woko banja kwoŋ ji je ro mic ma nema pa Were kareno igonyo jo woko kwoŋ reco i Kristo Yesu

Joroma 3:25

ma Were oketho paka cowirok, ŋey gi tho pere go wolokere royo ma cwako reco pa ji cungo kwoŋ yeyo pa dhano. Were otimo ameno ma nyutho tiro pere, rupiri i ndir m'okadho, go odiyo cunye to weyo ma k'okwano reco pa ji;

Joroma 9:23

Aka iŋeyo nedi, kole ka Were otimo ameno ma mito nyutho dwoŋ pere m'oŋaŋ ri joma go kidho nyutho jo wor pere, ma go oyiko jolo i dwoŋ pere.

1 Jokorintho 1:30

Were am'okelo win i riwirok gi Kristo Yesu, to loko Kristo bedo rieko mawan, tiro mawan gi leŋo mawan, kodi cul mareco mawan to walimo siem.

2 Jokorintho 8:9

Kole wiŋeyo nema pa Rwodhiwan Yesu Kristo ni kada go oyido oŋaŋ, olokere jacandi ri bero mewin, ŋey go woloki win jom'oŋaŋ kwoŋ candi pere.

Joefeso 1:14

Cuny Maleŋ obedo ma ridho ni wabino limo gima Were otieko ciko wan, cuka ji pere jolimi both, ŋey dwoŋ pere wofoy.

Joefeso 1:18

Odoko akwayo nike paro ma cuny win woyawere ma neno lero pa Were, to wiŋeyo geno ma go olwoŋ'iye win, kodi silwany madwoŋ ma go ociko ji pere,

Joefeso 1:6

Meno aka wopak dwoŋ ma nema pere, mic pere riwan, ma go omiyo wan ma nono i Wode ma migos.

Joefeso 1:8

ma go okonjo riwan. Gi rieko je kodi niaŋ,

Joefeso 2:4

To Were m'oŋaŋ gi ŋono, i mar pere madwoŋ m'omaro gine wan,

Joefeso 2:7

Otimo ama ma nyutho nema pere m'oŋaŋ m'oasere, munyo timo riwan bero i Kristo Yesu.

Joefeso 3:16

Akwayo Were ni cungo kwoŋ dwoŋ pere m'oasere, womiy win meni i cuny win, gi meni pa Cuny Maleŋ pere.

Joefeso 3:8

Kad'oyido aŋat'aasa thin kwoŋ jomaleŋ je, omiyan nema me ma tito ri Jopath Wac Manyen Maber kwoŋ ŋaŋo pa Kristo ma bu gike.

Jofilipi 4:19

Aka Were paran bino miyo win gimoro je ma wiyenyo, wok kwoŋ ŋaŋo pere gi dwoŋ pere i Kristo Yesu,

Jokolosia 1:14

ma walimo both i go, t'icwako reco mawan.

Jokolosia 1:27

Kole Were oyiko wodho nyaliŋliŋ pere ri Jopath, jowoŋey ŋaŋo madwoŋ manitie i iye, aka manago Kristo manitie i win, ma miyo wigeno limo dwoŋ pa Were.

Jokolosia 2:13

Kad'obedo ni con oyido witho i cuny win ro reco mewin, odoko rupiri oyido wibedo Jopath, ma jokithumere, to Were ocwako riwin reco mewin je, munyo omiyo wan kwo kanyacel gi Kristo.

Jokolosia 2:2

Atimo ameno ŋey miseni wopoŋ i cuny jo aka ŋey jowobedi kanyacel i mar to jolimo silwany ma niaŋ wac kicutho. Meno aka jobino ŋeyo nyaliŋliŋ pa Were, m'obedo Kristo won gipi.

1 Timothe 2:6

m'omiyere ma botho ji je. Meno obedo gir'anena, i hongo m'otire, ni Were mito ji je jowobothi.

Tito 2:14

Yesu Kristo, m'omiyere riwan to botho wan kwoŋ reco je, to loko wan ji m'olony ma jobedo apere won aka jocowere i timo gima beyo.

Tito 3:6

Kole Were okonjo riwan Cuny Maleŋ i thotho, luwo kwoŋ Kristo Jaboth mawan,

Joebulaniya 9:22

Ato, i Cik pa Musa, cegin kisi gimoro iripo lonyo gi remo; aka reco oyido kicwaki ka remo fodi k'ooy.

1 Petero 2:24

Go won otiŋo reco mawan i delkwoŋe wi musalaba, ŋey wabedi jom'otho ri gimarac to wakwo ri tiro; cungo kwoŋ adholin pere, witieko cango.

1 Petero 3:18

Kole Kristo otho ri reco dicel kicutho, ŋataber, ri joreco, ŋey go wokel win bongi Were. Oneki go i delkwoŋe, to kareno omiy go kwo i cuny,

1 Yohana 2:12

Nyithindho paran, andiko riwin, rupiri otiek cwako reco mewin ro nyingi Kristo.

1 Yohana 2:2

Go won a cowirok ma miyo icwako reco mawan, to ki reco mawan kende, to reco pa ji je ma piny.

1 Yohana 4:10

Me a mar: Ki kwoŋbedo ni onwaŋo wamaro Were, to ni go ama omaro wan to dhiro Wode bedo cowirok ma kwanyo woko reco mawan.

Menyirok ri Yohana 14:4

Meno ji ma jokure maber ma jok'otimo cot gi mon. Joluwo Nyathi rombo kama go kidh'iye je; ogony jo wok kwoŋ ji je m'odoŋ aka jobedo pa kodhi m'onyak marapena m'omiy Were kodi Nyathi rombo.

Menyirok ri Yohana 5:9

Jowero wer manyen ni, “Iripo gi kwanyo kitawo gi halo woko gim'omwon gine. Kole onekin, aka gi remo perin, inyewo ri Were ji maleŋ, wok i nonin je, dhodhok je, piny je kodi ji ma piny gipi.