Joefeso 1:20 - KITAWO MALEŊ Catholic

²⁰ aka ama go ooro ma cerino Kristo kwoŋ jom'otho, to miyo go bedo yu cinge maracuc i polo.

KITAWO MALEŊ

²⁰ aka ama go ooro ma cerino Kristo kwoŋ jom'otho, to miyo go bedo yu cinge maracuc i polo.

Joefeso 1:20 ပူးပေါင်းရင်းမြစ်များ

Zabuli 110:1

Rwoth waco ri rwoth paran ni, “Bedi i cingan maracuc, cuka aketho jokwor perin i par tiendin.”

Matayo 26:64

Yesu odwoko go ni, “Ato eno iwaco. To awaco riwin ni rumacen wibino neno Wod Dhano munyo obedo yu cingi Jameni je maracuc, odoko wibino neno ka bino i pondeponde ma polo.”

Matayo 28:18

Yesu ocore cegin to waco rijo ni, “Otiek miyan meni i polo kodi i piny.

Mariko 14:62

Yesu odwoko ni, “A an won, aka wibino neno Wod Dhano munyo nitie yuracuc pa Jameni je, kareno dwoko i pondeponde ma polo!”

Mariko 16:19

Munyo Rwoth Yesu otieko luwo gi jo, oter go i polo to bedo yuracuc pa Were.

Yohana 10:18

Ongoye ŋata kwanyo kwoŋan kwo me. Awon arwenyo woko gi mito paran. Anitie gi meni ma rwenyo go woko, kendo anitie gi meni ma dwoko go. Me gima Baba ooran timo.”

Yohana 10:30

Aka wan kodi Baba wabedo acel.”

Tim pa Jomoor 10:40

To Were ocerino go kwoŋ jom'otho i ndelo mar'adek, to miyo go menyere ri ji.

Tim pa Jomoor 26:8

Raŋo tek riwin yeyo ni Were cerino jom'otho?”

Tim pa Jomoor 4:10

ber wijoje wiŋeyi, aka ji je ma Isiraili jowoŋey, nike ŋati me cungo ruwaŋ win m'olama adieri ro meni pa Yesu Kristo Janazareth ma wiguro kwoŋ musalaba aka Were ocerino go kwoŋ jom'otho.

Tim pa Jomoor 5:31

Were ocerino go aka oketho go yuracuc pere paka Jadhum kodi Jaboth, womiy Isiraili hongo ma ŋuto gi limo cwaki mareco pajo.

Joroma 1:4

t'inyutho ji ni go obedo Wod Were gi meni madwoŋ mapa Cuny ma kelo leŋo, munyo ocerino go kwoŋ jom'otho.

Joroma 8:34

To ŋa m'odoko othum rijo banja? Ki Kristo Yesu m'otho, kendo ma Were ocerino go kwoŋ jom'otho, aka onyo obedo yu cingi Were maracuc aka pido riwan bongi Were!

Joefeso 1:3

Were wofoy, Ba Rwodhiwan Yesu Kristo, m'omiyo wan silwany gi mic je ma cuny ma wok i polo i Kristo.

Jofilipi 3:10

Gim'ayenyo kende a ŋeyo Kristo, gi meni ma cerino pere, kodi riwirok gi go i candirok pere, gi bedo paka go i tho pere,

Jokolosia 1:16

Kole luwo kwoŋ go Were ocweyo gimoro je i polo kodi i piny gi gigipiny ma nenere kodi ma kinenere, kada kom ma dhum, kosa meni, kosa jodhum, kosa rwodhe. Were ocweyo gimoro je luwo kwoŋ go kendo rigo.

Jokolosia 3:1

Am'omiyo paka otiek cerino win i kwo gi Kristo, onyo kethi win cuny win kwoŋ gigipiny ma polo, kama Kristo niye aka obedo yuracuc pa Were.

Joebulaniya 1:3

Go obedo lero ma nyutho dwoŋ pa Were; aka go obedo cal pa Were won gi kite, kendo go ama kuro polo gi piny gi wac pere ma dimeni. Munyo go otieko kelo lonyo kwoŋ reco je, go obedo piny i polo yu cingi Jadhum Madwoŋ maracuc.

Joebulaniya 10:12

To Kristo ocwayo cowirok acel ri reco dicel kende to bedo piny yuracuc pa Were.

Joebulaniya 13:20

Onyo weyi Were ma jasiem, m'ocerino Rwodhiwan Yesu kwoŋ jom'otho, Yesu m'obedo Jakwath rombo Madwoŋ ro remo pere ma ridho cikirok makirum,

Joebulaniya 2:9

To kole waneno Yesu, ma i hongo macek oloki go ma piny loyo jomalaika, paka orwaki rigo sangaria madwoŋ gi wor rupiri ocandere i tho, ni ŋey kwoŋ nema pa Were go wonyali tho ri ji je.

1 Petero 1:3

Weyi wapaki Were Ba Rwodhiwan Yesu Kristo. Ro ŋono pere m'oasere, go omiyo wanywole i kwo manyen munyo ocerino Yesu Kristo kwoŋ jom'otho to miyo wan geno ma kwo i cuny wan,

Menyirok ri Yohana 1:17

Munyo aneno go, apodho dho i tiende pa ŋat'otho, to go ogeyan gi cinge maracuc to waco ni, “Ikir'ilwor gimoro, me an, an marapena kendo macowe odoko akwo;