Joefeso 1:19 - KITAWO MALEŊ Catholic

¹⁹ kendo paka meni pere madwoŋ m'oasere tiyo riwan ma wayeyo. Meni no dwoŋ tektek,

KITAWO MALEŊ

¹⁹ kendo paka meni pere madwoŋ m'oasere tiyo riwan ma wayeyo. Meni no dwoŋ tektek,

Joefeso 1:19 ပူးပေါင်းရင်းမြစ်များ

Isaya 53:1

Ŋa m'oyeyo gima watieko winjo? Aka ri ŋa ma cingi Rwoth otieko menyirok?

Yohana 3:6

Gima del onywolo bedo ma del, aka gima Cuny onywolo bende bedo ma cuny.

Tim pa Jomoor 26:18

ni iyaw waŋ jo jowonyal wirok wok i mudho donjo i lero kodi wok i meni pa Sitan bino bongi Were, ŋey jowonyal limo cwaki kwoŋ reco pajo to jolimo kabedo i dier joma Were oyero munyo joyeyan.’ ”

Joroma 1:16

Kole ageno swa Wac Manyen Maber, rupiri obedo meni pa Were ma botho ji je ma joyeyo, marapena Joyuda, aka nyaka Jopath bende.

2 Jokorintho 4:7

To wan ma wanitie gi ŋaŋo ma cuny me wacale degi ma lowo, ma nyutho nike meni m'oasere me wok bongi Were ayin makiweno bongi wan.

2 Jokorintho 5:17

Am'omiyo ka moro nitie i Kristo, go obedo cwec manyen: Gima con okadho woko, manyen ama obino.

Joefeso 2:10

Wabedo cwec pa Were, aka ocweyo wan i Kristo Yesu, ni wabedi gi tim mabeyo, ma cango go oyiko con ni wabedi gine.

Joefeso 3:20

Onyo ŋata nigi meni ma tiyo i wan nyalo timo gim'oasere ma kalo ma wakwayo kosa waparo.

Joefeso 3:7

Abedo jafonji Wac Manyen Maber me ro nema pa Were m'omiyan kareno meni pere tiyo i an.

Joefeso 6:10

Macowe, bedi win ma wicwiny i Rwoth, kanyacel gi i meni pere m'oasere.

Jofilipi 2:13

Kole Were ama tiyo i win, ma miyo wiyeyi aka winyal timo atoŋa pere.

Jofilipi 3:21

Go bino wiro delkwoŋ wan manyap ma tho me, to loko ma cale gi delkwoŋe won ma didwoŋ, kareno oro meni ma go nyalo kelo gine gigipiny je i dhum pere.

Jokolosia 1:29

Am'omiyo atiyo tektek munyo aoro meni m'oasere ma Kristo poko, ma tiyo i an.

Jokolosia 2:12

Kole munyo wilimo batisimo, meno kareno oyiki win gi Kristo, aka bende wicerino gi go ro yeyo mewin i meni pa Were ma tic, m'ocerino go kwoŋ jom'otho.

1 Jothesalonika 1:5

Kole Wac Manyen Maber ma wakelo riwin, k'obino nyaka i wac kende, to obino i meni kodi i Cuny Maleŋ, gi ridho kicutho kwoŋ adieri mere. Wiŋeyo paka kwo mawan obedo munyo oyido wanigi win kenyo; aka obedo ri bero mewin won.

2 Jothesalonika 1:11

Me am'omiyo wakwayo riwin noknok, ni Were mawan wokonyi win winyal ripo gi kwo m'olwoŋ'iye win. Aka gi meni pere, woyeŋi cuny win iy'atoŋa maber ma winigine, kodi tic ma witimo wok kwoŋ yeyo.

Yakobo 1:18

I mito pere won, go onywolo wan manyen gi wac pere mar'adieri, ŋey wabedi paka olemo pere m'onyak marapena kwoŋ cwec pere je.

1 Petero 4:11

Nyatoro je ma fonjo wac pa Were ripo fonjo paŋini obedo wac pa Were won; nyatoro je ma timo tic wotim gi meni ma Were miyo go, aka ŋey i gimoro je womiy Were pak kwoŋ Yesu Kristo, madwoŋ gi meni obedo apere, cil gi cil. Ameno.