Jafonji 8:15 - KITAWO MALEŊ Catholic

¹⁵ Onyo ayere gi kisangala, rupiri ongoye gimaber ri ji i pendi waŋceŋ loyo cemo, medho gi bedo gi kisangala, kole meno labedo gi dhano i olo pere hongo je ma kwo pere ma Were miyo go i pendi waŋceŋ.

KITAWO MALEŊ

¹⁵ Onyo ayere gi kisangala, rupiri ongoye gimaber ri ji i pendi waŋceŋ loyo cemo, medho gi bedo gi kisangala, kole meno labedo gi dhano i olo pere hongo je ma kwo pere ma Were miyo go i pendi waŋceŋ.

Jafonji 8:15 ပူးပေါင်းရင်းမြစ်များ

Zabuli 42:8

Rwoth nyuthan mar pere makiwire odieceŋ, aka wor awero, kwayo Were ma won kwo paran.

Jafonji 2:1

Awaco iy'adundo paran ni, “Biye pama, alatemo winjo kisangala, t'asiemere.” To neni, me bende obedo pilok.

Jafonji 2:10

Kisi gimoro je ma waŋan ogomba akipano kwoŋ jo; akicero cunyan siemirok, kole cunyan onwaŋo siemirok i tic paran je, aka me obedo kemba paran wok kwoŋ tic paran je.

Jafonji 2:24

Ongoye gimaber ri dhano ma loyo cemo gi math, to nwaŋo kisangala i tic pere. Me bende, atieko neno ni wok i cingi Were.

Jafonji 2:3

Arango i cunyan nger ma miyo delkwoŋan kisangala gi vini; makada nende cunyan oyido fodi telan gi rieko, nger ma kiswana miŋo, cuka alaneno ginaŋo maber ma ji jolatimo i pendi polo i hongo ma ndelo macek ma kwo pajo.

Jafonji 3:22

T'aniaŋ nyaka ni ongoye gimaber, loyo dhano kisangala i tic pere won, kole meno obedo adec pere. Ŋa m'okel go neno gim'obedi ka go otieko tho?

Jafonji 5:18

Me gim'atieko neno ni ber; Obedo gima ŋon aka ma ripo ni dhano wocemi to medho to siemere won ri tic pere i pendi waŋceŋ, i hongo ma kwo macek ma Were omiyo go; kole meno obedo adec pere.

1 Timothe 6:17

Or jom'oŋaŋ i kwo ma piny me ni kiri jowokwoti, kosa ketho geno pajo kwoŋ gigipiny ma kigenere paka ŋaŋo, to kwoŋ Were ayino, ma poko wan gimoro je ma kisangala mawan.