Jafonji 7:7 - KITAWO MALEŊ Catholic

⁷ Adieri adica miŋo jarieko, aka cami nyew fuyo cuny jo.

KITAWO MALEŊ

⁷ Adieri adica miŋo jarieko, aka cami nyew fuyo cuny jo.

Jafonji 7:7 ပူးပေါင်းရင်းမြစ်များ

Kitawo mar'ario mapa Musa m'ilwoŋo ni Wok 23:8

Ikir'ijol nyew, rupiri nyew coro waŋ jo ri gim'otire aka dwanyo banja pa jom'otire.”

Agecin 17:23

Jokidakana jojolo cami nyew aponda, ma wiro yo ma tiro.

Agecin 17:8

Cami nyew cale tele ma miliel ruwaŋ jono ma jomiyo, kwoŋbedo kisi kama jowir'iye jotimo maber.

Jafonji 4:1

Kenyo awire t'aneno adica je m'itimo i pendi waŋceŋ. Aka neni, pigi waŋ jom'idiyo, m'ongoye ŋat'odiy cuny jo! Kareno joma diyo jo, jonitie gi meni, to ngoye ŋat'odiy cuny jo.

Jafonji 5:8

Ikir'ibedi gi dhier k'ineno idiyo jacandi, aka iwiro tiro gi gim'otire iy'adec. Kole kisi jatel nigi jatel malo pere ma dhumo go, aka nitie jatel madwoŋ loyo joje.

Jafonji 8:9

Atieko neno gime je, aka atieko ketho cunyan i kisi tic je ma timere i pendi waŋceŋ, kareno ŋatimoro nigi meni kwoŋ jomegi ma timo rijo gimarac.

Isaya 1:23

Jodhum perin jobedo jodudi, aka merin pa jokwo. Kisi dhano omaro cami nyew aka joredo jolo mic. Jokithiel nyithindho kic, aka jokiwinji banja pa citho.

Isaya 33:15

Jono ma jotimo gim'otire, aka joluwo adieri, jono ma jocayo cwe ma kwo, jono ma joteŋo cingi jo jolo nyew, jono ma jokimiti winjo can ma oyo remo, aka jokimiti neno ni itimo gimarac.

Kitawo mar'abic mapa Musa m'ilwoŋo ni Cik 16:19

Wikiripi wiro tiro, kosa timo nyakucel, aka wikiripi jolo nyew, kole nyew thowaŋ jomariek aka cego tiro ri joma timo gim'otire.

Kitawo mar'abic mapa Musa m'ilwoŋo ni Cik 28:65

Aka i dier nonin no, kilabedo riwin mayot, kosa wik'onwaŋ karwako tiendi win. Rwoth lamiyo cuny win wokirin, waŋ win lacor aka cuny win larembo.

1 Samwiri 12:3

To onyo pama an e segeya win an ruwaŋ Rwoth, kodi ruwaŋ kere ma go oyero: Akwalo ye dhiaŋ, kosa punda pa nyatoro moro? Nitie ŋat'atieko kwalo kosa diyo? Nitie nyatoro m'ocowo nyewan ye ma umo waŋan? Ka nitie kwoŋ gigipiny me m'atieko timo, abino dwoko gimoro je m'akwanyo.”

1 Samwiri 21:14

To Akis waco ri ŋecin pere ni, “Neni! Jal me janeko! Raŋo wikelo go bongan?

1 Samwiri 8:3

To yac me jok'oluwo royo pa bajo, oyido joworo pesa; ameno joyeyo ji nyewo jo to jothumo banjin m'ongoye tiro.