Jafonji 3:14 - KITAWO MALEŊ Catholic

¹⁴ Aŋeyo ni kisi gimoro je ma Were timo yindira cil gi cil, ongoye gim'inyalo medo kwoŋe, aka ongoye gim'inyalo kwanyo kwoŋe, Were otieko timo, ŋey ji jowocungi i lworo ruwaŋe.

KITAWO MALEŊ

¹⁴ Aŋeyo ni kisi gimoro je ma Were timo yindira cil gi cil, ongoye gim'inyalo medo kwoŋe, aka ongoye gim'inyalo kwanyo kwoŋe, Were otieko timo, ŋey ji jowocungi i lworo ruwaŋe.

Jafonji 3:14 ပူးပေါင်းရင်းမြစ်များ

2 Samwiri 22:31

Were me, tim pere otire, cikirok pa Rwoth tundo i kare, Go cale kwot, ri ji je ma jopondo i go.

Zabuli 33:11

To can pa Rwoth cungo cil gi cil, atoŋa pere ongoye gi gike.

Zabuli 64:9

Nyaka to ji jobedo gi lworo; jolaparo kwoŋ gima Were otieko timo, to joluwo kwoŋ tim pere.

Zabuli 76:10

Adieri, kiri keme pa dhano, timo nyaka tic ma pakin. Jono ma joboth wok i lweny, jolatimo kalima perin.

Agecin 19:21

Dhano nyalo bedo gi can kweth i cunye, to atoŋa pa Rwoth ama latundo i kare.

Agecin 21:30

Ongoye rieko, ongoye niaŋ, kosa mic rieko, manyalo loyo Rwoth.

Agecin 30:6

Ikir'imedi wac pere, kosa go lakipusa in, aka ilaŋeyo ni ibedo jatwodo.

Jafonji 12:13

Me gike ma wac, kisi gimoro je otiek winjo. Lwor Were, aka ikuri or pere, kole me gima ji je joripo timo.

Jafonji 5:6

Ikir'iyey dhokin womiy delkwoŋin wotim reco, aka iwaci ruwaŋ jamikwenda ni oyido obedo gikomo; kosa Were lamako nge gi wac perin, to reyo woko tic ma cingin.

Jafonji 5:7

Kole ka lek thoth wac nono bedo mathoth, to lwor Were.

Jafonji 7:18

Ber k'imako gimoro acel, m'ikiweyo man wokadhin, kole ri ŋata lworo Were lakadho maber i je.

Isaya 46:10

Atuco gike wok i cakirok, aka wok cene atuco gima fodi k'otimere. Awaco ni, atoŋa paran latundo i kare, aka alatimo gim'amito.

Tim pa Jomoor 2:23

Were, i mito pere gi rieko pere, onwaŋo otieko yiko con nike bino ketho Yesu me i cingi win; am'omiyo wineko go munyo wiketho ji mareco to joguro go kwoŋ musalaba.

Tim pa Jomoor 4:28

Jocokere ma timo gimoro je ma in, gi meni perin kodi mito perin, oyido itieko yiko ni d'otimere.

Tim pa Jomoor 5:39

to ka wok bongi Were wikibino nyalo geŋo jome. Winyalo poyo ni wilwenyo gi Were won.” Jopido jowinjo rieko ma Gamaliel omiyo jo.

Joroma 11:36

Kole go am'ocweyo gimoro je, aka gimoro je nitie kwoŋbedo go kodi rigo. Dwoŋ wobedi ri Were cil gi cil! Ameno.

Joefeso 3:11

Were otimo ama i can pere ma bu gike, ma go oketho i tim kwoŋ gima Wode Yesu Kristo Rwodhiwan otimo.

Kitawo mar'abic mapa Musa m'ilwoŋo ni Cik 32:4

Go tele, tic pere nitie i kare, yo pere je otire. Were ma timo adieri, m'ongoye gi banirok, go jatiro aka timo gim'otire.

Tito 1:2

m'ocungo kwoŋ geno kwo makirum. Were ma kitwodi, ociko wan kwo me con mafodi hongo k'ocakere,

Yakobo 1:17

Mic maber kodi maŋon je wok i polo; wok bongi Were Baba, jacwey lero ma polo, aka go kiwire korin gi korin pa tipo yath.

Menyirok ri Yohana 15:4

Rwoth, ŋata kilalworin, kosa kilamiyo nyingin dwoŋ? Kole in kendin am'ileŋ. Nonin je jolabino ruwaŋin to jolamin. Kole tim perin m'otire otieko nenere.”