Jafonji 2:3 - KITAWO MALEŊ Catholic

³ Arango i cunyan nger ma miyo delkwoŋan kisangala gi vini; makada nende cunyan oyido fodi telan gi rieko, nger ma kiswana miŋo, cuka alaneno ginaŋo maber ma ji jolatimo i pendi polo i hongo ma ndelo macek ma kwo pajo.

KITAWO MALEŊ

³ Arango i cunyan nger ma miyo delkwoŋan kisangala gi vini; makada nende cunyan oyido fodi telan gi rieko, nger ma kiswana miŋo, cuka alaneno ginaŋo maber ma ji jolatimo i pendi polo i hongo ma ndelo macek ma kwo pajo.

Jafonji 2:3 ပူးပေါင်းရင်းမြစ်များ

Cakirok 47:9

Yakobo odwoko ni, “Kwo paran ma woth otieko oro 130. Oro no jobedo manok to ma teko, makiweno paka oro mabor ma woth pa kwarere paran.”

Yobu 14:14

Ka dhano otho, bende kwo kendo? To alakuro ndelo paran maber, cuka teko me rumo.

Zabuli 104:15

wonyak vini ma yomo cuny jo, mo ma fotho waŋ jo, gi mugat ma miyo jo meni.

Agecin 20:1

Medho kelo minyom, aka math matek kelo dhaw. Ŋata medho rwenyo kibedi ŋatariek.

Jafonji 1:17

Aka amiyo cunyan ŋeyo rieko gi ŋeyo neko gi miŋo. Aniaŋ ni me bende obedo riemo koyo.”

Jafonji 10:19

Ji jotimo kalima ri nyero, vini miyo kwo bedo gi kisangala, aka pesa cowo teko je.

Jafonji 12:13

Me gike ma wac, kisi gimoro je otiek winjo. Lwor Were, aka ikuri or pere, kole me gima ji je joripo timo.

Jafonji 2:24

Ongoye gimaber ri dhano ma loyo cemo gi math, to nwaŋo kisangala i tic pere. Me bende, atieko neno ni wok i cingi Were.

Jafonji 5:18

Me gim'atieko neno ni ber; Obedo gima ŋon aka ma ripo ni dhano wocemi to medho to siemere won ri tic pere i pendi waŋceŋ, i hongo ma kwo macek ma Were omiyo go; kole meno obedo adec pere.

Jafonji 6:12

Rupiri ŋa m'oŋeyo gimaber ri dhano i kwo i hongo pere ma kwo ma pilok, ma dhano luw'iye paka tipo? Kole ŋa manyalo waco ri dhano gim'obedi ka go otieko ngoye i pendi waŋceŋ?

Jafonji 7:18

Ber k'imako gimoro acel, m'ikiweyo man wokadhin, kole ri ŋata lworo Were lakadho maber i je.

Jafonji 7:25

Awiro adundo paran ma ŋeyo, kikaŋasa, gi rango rieko, kodi tito paka gigipiny nitie, gi ŋeyo ni obedo miŋo bedo jakidakana aka ni obedo neko bedo jamiŋo.

Jafonji 8:15

Onyo ayere gi kisangala, rupiri ongoye gimaber ri ji i pendi waŋceŋ loyo cemo, medho gi bedo gi kisangala, kole meno labedo gi dhano i olo pere hongo je ma kwo pere ma Were miyo go i pendi waŋceŋ.

Matayo 6:24

Ongoye ŋata nyalo tiyo ri rwodhe ario; go bino maro acel to dak man, kosa nyalo tiyo ri acel to cayo man. Ikinyal tiyo ri Were kodi ri lim bende.

Joefeso 5:18

Wikiri wimer gi medho rupiri meno mienirok, to poŋ win gi Cuny Maleŋ ayin.

Jothum Banja 9:13

To yath vini dwoko jo ni, ‘Anowey nywolo vini paran ma miyo werin kodi ji yodirok, t'akadho dhumo yen.’

1 Samwiri 25:36

Abigayili odok peco to nwaŋo munyo Nabal otimo kalima madwoŋ paŋini apa kere. Nabal oyido omer aka yodere; riameno Abigayili k'owaco rigo gimoro je tundo odikin.