Isaya 9:17 - KITAWO MALEŊ Catholic

¹⁷ Am'omiyo Rwoth kisangala gi nyithindho pajo, kosa maki wor gi nyithindho kic gi mon tho. Ato kisi dhano oyido bu Were aka jotimi gimarac, aka kisi dhok dhano luwo miŋo. Kucel nge pa Rwoth fodi k'orumo, aka go fodi orieyo cinge miyo gir'acula.

KITAWO MALEŊ

¹⁷ Am'omiyo Rwoth kisangala gi nyithindho pajo, kosa maki wor gi nyithindho kic gi mon tho. Ato kisi dhano oyido bu Were aka jotimi gimarac, aka kisi dhok dhano luwo miŋo. Kucel nge pa Rwoth fodi k'orumo, aka go fodi orieyo cinge miyo gir'acula.

Isaya 9:17 ပူးပေါင်းရင်းမြစ်များ

Yobu 15:34

Kole ji ma bu Were jongoye gi nyikway jo, aka mac reyo woko wema pa jocam nyew.

Zabuli 109:12

Wongoye ŋata wotim gi go wor, kosa wodew kwoŋ nyithindho kic m'owey cen.

Zabuli 147:10

Kisangala pere ongoye i meni pa kayinin, kosa i meni pa jolweny ma jomiseni,

Isaya 1:4

Awi, piny m'opoŋ gi reco, ji mareco pajo pek rijo. Kodhi ma jotimo gimarac, nyithindho ma jodakana, jotieko jwango Rwoth, jotieko cayo Were maleŋ pa Isiraili, jotieko rwenyo kicutho!

Isaya 10:2

ma wiro thumo banja pa jocandi, gi mayo jocandi tiro, ŋey jowonyaga mon tho, aka jowokwal nyithindho kic.

Isaya 10:4

Ongoye gima doŋ, to guŋo i dier jotwec, kosa podho i dier jom'onek. Kole nge fodi omako Rwoth, go fodi orieyo cinge miyo gir'acula.

Isaya 10:6

Aoro Asiria monjo piny ma bu Were, amiyo go or kwoŋ ji ma jomiyan nge, kinyaga gi kwalo, gi nyono jo piny paka cwodho ma royo.

Isaya 13:18

Atum bor pajo lathumo cwo, jo kilamako wor gi nyithindho maŋic, aka jolangoye gi wor ri nyithindho.

Isaya 14:20

Ikilariwere gi jo i yikirok, kwoŋbedo itieko reyo woko lowo perin, ineko ji perin won. Weyi nyikway joreco, wokiri wocwoki nyingi jo kendo!

Isaya 24:5

Piny oduwere, i cingi ji ma jobed'iye, joturo cik, jok'oluwo fonji, joturo cikirok m'oyido ripo bedo cil gi cil.

Isaya 27:11

Ka jangi yen jothwo, ituro, mon jobino dimo aka jomoko gine mac. Kole me ji ma jongoye gi niaŋ, riameno jacwec pajo kilamako gi jo wor, go m'ocweyo jo k'onyutho jo ŋono.

Isaya 3:8

Kole Yerusalem ocer, aka Yuda otieko opodho, kwoŋbedo luwo pajo gi tim pajo gwenyere kwoŋ Rwoth, geŋo neno madwoŋ pere.”

Isaya 31:2

Kucel Rwoth bende riek aka kelo teko, go kidwoki wac m'oluwo; to, laay malo kwoŋ ot pa joreco, gi jono ma jokonyo joma timo gimarac.

Isaya 31:3

Jomisir jobedo ji, makiweno Were, kayinin pajo jobedo del, makiweno cuny. Ka Rwoth oriey cinge, jakony lacer, aka ŋat'ikonyo lapodho, aka jolarere kanyacel.

Isaya 33:11

Tim mewin cal kanja kosa cuŋ, luya mewin obedo mac ma lareyo woko win.

Isaya 33:12

Ji je jolacale pa jowaŋ to jolokere buru, paka kudhin m'itoŋo t'iwaŋo gi mac.”

Isaya 40:30

Kiri soye je meni laloyo jo to jolacere, aka yac jolaol to jopodho piny.

Isaya 5:24

Riameno, paka lew mac reyo woko kanja, aka paka lum m'othwo munyere piny i mac maliel, ameno apaka fuc pajo latop, aka thiw joladuny paka fukefuke. Ato jokwero cik pa Rwoth pa lwak jolweny, aka jotieko cayo wac pa Were Maleŋ pa Isiraili.

Isaya 5:25

Riameno nge pa Rwoth oliel kwoŋ ji pere, aka orieyo cinge kwoŋ jo to rwadho jo, gote joyengere, delkwoŋ jom'otho odoŋ i royo paka yuk. Kucel kiri gi gime je, Rwoth fodi nigi nge, aka fodi orieyo cinge ma miyo gir'acula.

Isaya 62:5

Kole paka jayac nywomo dhako mambula, ameno apaka yac perin lanywomin. Aka paka jamweha fore gi mweha pere, ameno apaka Were perin lafore kodin.

Isaya 65:19

Alafore i Yerusalem, t'asangala i ji paran; derino ma ywak k'owinjere kendo i iye, kosa ywak ma litho.

Isaya 9:12

Siria yuwok ceŋ, Filistia yupodho ceŋ, aka jocamo Isiraili gi dhok gin m'oŋamere. Kucel nge pa Rwoth fodi k'orumo, aka fodi orieyo cinge miyo gir'acula.

Isaya 9:21

Manase omonjo Efrayim aka Efrayim omonjo Manase, aka kanyacel jomonjo Yuda. Kucel nge pa Rwoth fodi k'orumo; aka go fodi orieyo cinge miyo gir'acula.

Yeremia 18:21

Riameno weyi kec woneki nyithindho pajo; konji woko jo ri tho. Weyi mon pajo jowongoye gi nyithindho aka jowolokere mon tho. Weyi cwogi jo jowotho tho two nundu, soye pajo woneki jo g'abor kama lweny ogunj'iye.

Yeremia 5:1

Ji ma Yerusalem, ŋwec win malo gicen, ŋwec win i royin mewin, aka mondo neni win kor gi korin aka wipar kwoŋe! Woth win i katale mere je winen ka inyalo nwaŋo dhano acel ma timo gim'otire aka dwaro tiro ŋey anyal cwako Yerusalem.

Ezekiel 20:33

Paka akwo adieri, Rwoth Were waco, ka k'obedo gi cingan matek kodi meni paran, kodi i keme paran, alabedo kere mewin.

Amos 4:10

“Adhiro kwoŋ win two nundu, paka ma cango adhiro ri Misir. Aneko yac mewin gi toŋ, atiŋo woko kayina mewin, t'amiyo ŋwece ma kambi mewin donjo i ywor um win, kucel wikidwoko bongan.

Amos 8:13

I ndelo no yac gi nyir ma fodi jothindho, jobino fodirok piny ro riyo.

Mika 7:2

Joma jolworo Were jorere woko wok i piny, aka ongoye ŋat'otire kwoŋ ji; joje jokuro nekirok, aka kisi nyatoro dwaro omin gi bwo.

Zekaria 9:17

Bero mere ocale nedi! Ŋono mere ocale nedi! Ŋano kodi vini lamiyo yac kodi nyir dongo matek.

Matayo 12:34

Win nyithindhi malasaŋ! Di winyal luwo nedi wac maber ma to wireco? Kole wac ma dhano luwo meno gim'opoŋ i cunye.

Matayo 16:3

Aka odikin maŋic wiwaco ni, ‘Koth lacwe, rupiri pondeponde obokere aka piny odisa.’ Wiŋeyo tito cal pa piny gi ŋiyo pondeponde; to wikinyal tito ranyuth ma mako kwoŋ ndir ma pama!