Isaya 66:24 - KITAWO MALEŊ Catholic

²⁴ Aka ka jowok dok, jolaneno delkwoŋ ji ma jogwenyere kwoŋan. Kudin ma jocamo jo jokilatho, aka mac ma waŋo jokilaneko. Ji jokilamito kiri neno jo.

KITAWO MALEŊ

²⁴ Aka ka jowok dok, jolaneno delkwoŋ ji ma jogwenyere kwoŋan. Kudin ma jocamo jo jokilatho, aka mac ma waŋo jokilaneko. Ji jokilamito kiri neno jo.

Isaya 66:24 ပူးပေါင်းရင်းမြစ်များ

Zabuli 110:6

Go bino thumo banja ri nonin, to poŋo kalweny gi delkwoŋ ji m'otho; go bino kikengila kerin je ma piny.

Isaya 1:28

To jogwenyirok gi joreco, ilareyo woko jo kanyacel, aka jono ma jokwero Rwoth jolarere woko.

Isaya 1:31

Jameni lalokere ŋat'iywayo, aka tic pere cuk mac ma cot, jolawaŋ kanyacel gi tic pajo, m'ongoye ŋata nyalo neko.

Isaya 14:11

Dwoŋ perin odwoki i piny pa jom'otho, gi dwondi wer ma tongol perin. Kudin jolak kwoŋin, aka njoka joumin.

Isaya 24:20

Piny tangatanga paka jamero, yengere paka simba, reco mere pek kwoŋe, aka podho ma koay malo kendo.

Isaya 26:11

Awi Rwoth, cingin otiŋere malo, to jokinen. Weyi jowoneni miyirok perin ri ji perin, aka wickwot womaki jo. Weyi mac pa jokwor perin worey woko jo.

Isaya 34:10

Kilatho wor g'odieceŋ, yiro mere laduny malo cil gi cil. Wok i luse tundo i luse ladoŋ gunda, aka ongoye ŋata laluw'iye kendo.

Isaya 34:3

Ilabolo woko delkwoŋ jom'otho pajo, joriere kenyo m'otop aka maŋwe; gote lamol gi remo pajo.

Isaya 48:22

Rwoth waco ni, “Siem ongoye ri jokidakana.”

Isaya 5:25

Riameno nge pa Rwoth oliel kwoŋ ji pere, aka orieyo cinge kwoŋ jo to rwadho jo, gote joyengere, delkwoŋ jom'otho odoŋ i royo paka yuk. Kucel kiri gi gime je, Rwoth fodi nigi nge, aka fodi orieyo cinge ma miyo gir'acula.

Isaya 51:8

Kole masirigi lacamo jo paka nanga, aka kudin lacamo jo paka famba; to loyo paran labedo ma cil gi cil, kodi both paran ri luse je.

Isaya 65:15

Ŋecin paran jolaoro nyingi win ma kwoŋo, aka an, Rwoth Were alaneko win, t'amiyo ŋecin paran nyingi jo man.

Isaya 66:16

Kole Rwoth lakelo tiro g'abor pere, go laneko ji kweth ma jonwaŋere ni jobanja aka ji kweth jolatho.

Zekaria 14:12

Me labedo two nundu ma Rwoth lagoyo gine ji ma jolwenyo gi Yerusalem; delkwoŋ jo latop kareno jocungo gi tiendi jo, waŋ jo latop i kombe waŋ jo, aka lew jo latop i dhok jo.

Matayo 3:12

Go nitie g'odher pere ma yeko nyingi kal je; go bino coko kal pere ma lilo to konjo i dero pere, to waŋo woko cuŋ i mac makitho.”

Menyirok ri Yohana 21:8

To joma lwor, joma jok'oyeyo, joreco, jonek, jocot, jothieth gi yido, joma lamo cal makicar, kodi jotwodo je, kabedo pajo bino bedo wakawaka mac ma waŋ gi telin ma wodho mac kibiriti, m'obedo tho mar'ario.”