Isaya 66:18 - KITAWO MALEŊ Catholic

¹⁸ Kole aŋeyo tim pajo gi paro pajo, aka abino coko ji ma joluwo dhodhok m'opokere opokere gi nonin nyutho jo dwoŋ paran.

KITAWO MALEŊ

¹⁸ Kole aŋeyo tim pajo gi paro pajo, aka abino coko ji ma joluwo dhodhok m'opokere opokere gi nonin nyutho jo dwoŋ paran.

Isaya 66:18 ပူးပေါင်းရင်းမြစ်များ

Yobu 42:2

Aŋeyo ni inyalo timo kisi gimoro je, aka ongoye atoŋa perin ma kinyalere.

Zabuli 139:2

Iŋeyo k'abedo piny gi k'acungo; imenyo paro paran gi bor.

Zabuli 67:2

ŋey piny gibe wonyali ŋeyo gim'imito; ŋey nonin je jowonyal ŋeyo both perin.

Zabuli 72:11

Kerin je jolakule piny ruwaŋe, nonin je jolatic rigo.

Zabuli 72:17

Weyi nyingi kere woyindira cil gi cil, ŋeyirok pere womedere paka waŋceŋ! Weyi ji jowonwaŋ silwany pa kere, nonin je jowolwoŋ go ni jasilwany!

Zabuli 82:8

Ay, Awi Were, idhumi piny; kole nonin je jobedo aperin!

Zabuli 86:9

Nonin je m'icweyo, jolabino to jokule piny ruwaŋin Awi Rwoth, jobino miyo nyingin dwoŋ.

Zabuli 94:11

oŋeyo paro pa ji, oŋeyo nger ma paro pajo ongoye rieko.

Zabuli 97:6

Polo tuco timo gitiro pere, aka nonin je joneno dwoŋ pere.

Isaya 11:9

Jok'omiy litho kosa rerok wi got maleŋ paran je. Piny lapoŋ ŋeyo Rwoth paka pi umo nam.

Isaya 2:2

Aka latundo i kare i ndelo ma rumacen, got ma Ot pa Rwoth, ilaketho wi gote, ilatiŋo malo kalo tendere je. Nonin je jolamol'iye.

Isaya 37:28

T'aŋeyo gima mako kwoŋin je, kiri gi nger m'imako nge swa kodan.

Isaya 40:5

Kenyo dwoŋ pa Rwoth lanyuthere, aka ji je jolaneno go kanyacel, kole dhok Rwoth otieko luwo.”

Isaya 45:22

Wire win bongan aka wibothi, ji je ma piny gibe! Kole an abedo Were, aka ongoye man kendo.

Isaya 52:10

Rwoth otieko rieyo bade maleŋ, ruwaŋ nonin je, aka tielo je ma piny laneno, both pa Were mawan.

Isaya 55:8

Kole paro paran k'obedo paro mewin, aka yo paran opokere kwoŋ mewin, Rwoth waco.

Isaya 56:8

Me apaka Rwoth Were waco ama: Go ma coko kanyacel Joisiraili ma jonitie woko. Alamedo coko joman rijo, medo kwoŋ jono m'atieko coko.

Isaya 57:12

Alakedho kamaler tiro mewin gi tic mewin, to jok'okony win.

Isaya 59:7

Tiendi jo yot timo gimarac, aka joredo oyo remo pa ji ma bubanja; paro pajo obedo paro mareco, joreyo ji aka joweyo gundin i ngudin pajo madongo.

Isaya 65:2

Arieyo cingan ndelo gipi, ri ji ma jogwenyere, ma jowotho i yo ma kiber, joluwo rieko pajo wegi.

Isaya 66:10

Fore win gi Yerusalem, sangala win gi go, wijoje ma wimaro go, Fore win gi go pama, wijoje m'oyido wiywak rigo.

Yeremia 16:17

Kole acomo waŋan i tim pajo je; jok'opanere kwoŋan, kosa reco pajo k'opanere kwoŋan.

Yeremia 3:17

I hongo no ilalwoŋo Yerusalem ni kom pa Rwoth, aka nonin je jolacokere iye, i nyingi Rwoth i Yerusalem, aka gi wictek pajo jok'otimi kendo gimarac ma wegi joyero.

Ezekiel 38:10

Rwoth Were waco ama: I ndelo no paro labino i cunyin, aka ilatimo can marac.

Ezekiel 39:21

Alanyutho dwoŋ paran i dier nonin; aka nonin je jolaneno thumo banja paran m'atieko thumo, aka cingan m'atieko ketho kwoŋ jo.

Yowel 3:2

Alacoko nonin je kanyacel, t'akelo jo piny i milelo pa Yekosafat. Alathumo banja rijo kenyo, ro ji paran kodi alunja paran Isiraili, kwoŋbedo jotieko kedho jo i dier nonin, jopoko Isiraili lowo paran.

Amos 5:12

Aŋeyo reco mewin je gi dwoŋo mere. Wicando ji maber, aka wiyeyo cami nyew, to wikwero jocandi limo tiro wok i kapido.

Zekaria 14:16

Bino bedo, ma kisi dhano m'obothi wok i nonin je m'olweny gi Yerusalem, labino kisi oro lamo Kere, Rwoth pa lwak jolweny, kodi timo kalima ma Kayindi.

Malaki 1:11

Ji wok i thenge ma piny tundo i gike jomiyo nyingan dwoŋ. Kisi kamoro jowaŋo ran buban aka jomiyan cowirok t'ajolo. Joje jomiyo nyingan dwoŋ, Rwoth pa lwak jolweny waco.

Matayo 12:25

Yesu oŋeyo gim'oyido joparo to waco rijo ni, “Piny moro je ma tiakere bwora gi bwora aka wegi jolwenyo, bino podho.

Matayo 9:4

Yesu oŋeyo gim'oyido joparo to waco ni, “Raŋo ma wiparo gigipiny mareco ameno?

Luka 5:22

Munyo Yesu oniaŋ ni jogesa ameno, odwoko ni, “Raŋo ma widaŋin gi i cuny win?

Yohana 17:24

“Baba, itieko miyan jo, aka ayenyo jowobedi kodan kam'an'iye, jowonyal neno dwoŋ paran m'imiyan; kole imaran kiri mafodi k'ocwey piny.

Yohana 5:42

to aŋeyo win maber, nike wingoye kodi mar pa Were i cuny win.

Joroma 16:26

To pama adieri no otiek wodho kamaler i ndiko pa jotuci wac Were; kodi i or pa Were ma cil gi cil, ma onyo imiyo nonin je ŋeyo, aka ji je jowoŋey odoko jowowinji.

1 Jokorintho 3:20

Aka ndiko man waco ni, “Rwoth oŋeyo nike paro pa jomariek ongoye kony.”

Kitawo mar'abic mapa Musa m'ilwoŋo ni Cik 31:21

Aka ka raco kodi teko kweth otieko podho kwoŋ jo, wer me labedo jakony ma luwo adieri, kwoŋbedo kilarwenyo i dhok nyikway jo. Kole atieko ŋeyo gima joyikere timo konon mafodi akikelo jo i lowo m'aciko jo.”

Joebulaniya 4:12

Kole wac pa Were kwo aka tiyo. Bith loyo abor ma nyalewe ario. Thumo kiri kama paro kodi cuny jorom'iye, gi kama kumbo kodi more joriwer'iye. Niaŋ kwoŋ awanya kodi paro pa ji ma iy'adundo.

Menyirok ri Yohana 11:15

Gikenyo malaika mar'abirio okudho gwara pere, to dwondi nyatoro ma koko malo wok i polo, ka waco ni, “Meni Ma dhumo piny pama obedo apa Rwoth kodi Kristo pere, aka go bino dhumo cil gi cil!”

Menyirok ri Yohana 2:13

Aŋeyo ni kam'ibed'iye, a kama Sitan ojeng'iye kom pere ma dhum. T'icwire i nyingan, aka ikiweyo medirok gi yeyo perin kwoŋan kada i ndir ma Antipa, jakony paran m'ogenere onek'iye i tindi mewin kenyo kama Sitan bed'iye.

Menyirok ri Yohana 2:2

Aŋeyo tim perin, paka itiyo matek aka iciro teko ma bino rin. Aŋeyo nike ikijol ji mareco, aka itieko kikaŋasa joma ŋoyo nike jobedo jomoor kere to be, aka inwaŋo ni jobedo jotwodo.

Menyirok ri Yohana 2:9

Aŋeyo candirok kodi candi perin; aŋeyo nike ijacandi, to iy'adieri iŋaŋ! Aŋeyo reco ma joma ŋoyo nike jobedo Joyuda ma to kere jok'obedo, jotimo rin; meno joma nitie iy'acel gi Sitan!