Isaya 65:2 - KITAWO MALEŊ Catholic

² Arieyo cingan ndelo gipi, ri ji ma jogwenyere, ma jowotho i yo ma kiber, joluwo rieko pajo wegi.

KITAWO MALEŊ

² Arieyo cingan ndelo gipi, ri ji ma jogwenyere, ma jowotho i yo ma kiber, joluwo rieko pajo wegi.

Isaya 65:2 ပူးပေါင်းရင်းမြစ်များ

Cakirok 6:5

Rwoth oneno ni kidakana pa ji oyido dwoŋ i piny, aka kiri paro ma cuny jo je omedere bedo marac.

Zabuli 36:4

Jotimo can marac gi kanindo pajo, ongoye gimaber ma jotimi, aka jokikwer gimarac.

Zabuli 36:5

Awi Rwoth, mar perin makiwire tundo i polo, adieri perin yware kiri i pondeponde.

Agecin 1:24

Kwoŋbedo atieko lwoŋo win to wikwero, atieko yaro cingan to ngoye ŋat'owinjo.

Agecin 16:29

Dhano ma jagwayo wondo wadi, aka tero jo i yo ma kiber.

Isaya 1:2

Winji, awi polo, ciki ithin, awi piny, kole Rwoth otieko luwo. Nyithindho m'apidho t'adongo, jogwenyere kwoŋan.

Isaya 1:23

Jodhum perin jobedo jodudi, aka merin pa jokwo. Kisi dhano omaro cami nyew aka joredo jolo mic. Jokithiel nyithindho kic, aka jokiwinji banja pa citho.

Isaya 30:1

Kidamba ri nyithindho ma jogwenyere, Rwoth waco, ma jotimo can ma k'obedo aparan, ma jotimo cikirok, to k'owoki bongi cuny paran, medo reco i wi reco.

Isaya 30:9

Kole jobedo ji ma jogwenyere, nyithindho ma jotwodo, nyithindho ma jokiwinji, cik pa Rwoth;

Isaya 55:7

Weyi jokidakana jowojwangi yo pajo, jowowey paro pajo marac; weyi jowogiki bongi Rwoth, ŋey wonyali timo gi jo ŋono kodi bongi Were mawan, kole go lacwako i thotho.

Isaya 55:8

Kole paro paran k'obedo paro mewin, aka yo paran opokere kwoŋ mewin, Rwoth waco.

Isaya 63:10

To jogwenyere kwoŋ Rwoth, aka jomiyo cuny maleŋ pere nge. Riameno go olokere jakwor pajo, aka go won gipi olwenyo gi jo.

Isaya 66:18

Kole aŋeyo tim pajo gi paro pajo, aka abino coko ji ma joluwo dhodhok m'opokere opokere gi nonin nyutho jo dwoŋ paran.

Isaya 66:3

Ŋata thumo mirikwa cale gi ŋata neko dhano, ŋata ma miyo cowirok ma rombo, cale gi ŋata turo ŋuti gwok, ŋata miyo mic ma cemo manyinge, cale gi ŋata miyo cowirok ma remo mbiji; ŋata timo mic ma rapoy ma buban, cale ŋata miyo cal makicar silwany. Jome joyero yo pajo wegi, aka cuny gin siemere i mienirok pajo.

Isaya 66:4

An bende ayero miyo jo litho, gi kelo kwoŋ jo gima jolworo; kwoŋbedo munyo alwoŋo, ongoye ŋat'odwoko, munyo aluwo, ongoye ŋat'owinjo; to jotimo gimarac ruwaŋan to joyero gima kisangala an.

Yeremia 18:12

To jolawaco ni, “Mar'aŋo, wak'otim! Walaluwo can mawan wawegi, aka kisi dhano kwoŋ wan latimo gimoro cungo kwoŋ wictek ma gimarac ma cunye oro go.”

Yeremia 3:17

I hongo no ilalwoŋo Yerusalem ni kom pa Rwoth, aka nonin je jolacokere iye, i nyingi Rwoth i Yerusalem, aka gi wictek pajo jok'otimi kendo gimarac ma wegi joyero.

Yeremia 4:14

Awi Yerusalem, lwoki adundo perin wolony kwoŋ kidakana, ŋey inyal both. Paro ma cunyin marac odoŋ kiri keraŋo?

Yeremia 5:23

To ji me wiy gin tek; jonitie g'adundo ma gwenyirok; jotieko wire githenge to jokadho.

Yeremia 7:24

Kucel jok'owinjo kosa jok'ociko ithi jo, to i wictek ma cuny jo marac, jotimo gima wegi jomito, to joŋiyo yucen makiweno yumalo.

Kwan 15:39

Winitie kodi lwodo ŋey kis ka wineno, wibino poyo or pa Rwoth je gi timo jo, to wibedo ma wikitimo gima cunyin win wanya gi ma waŋ win oneno.

Matayo 15:19

Ato i adundo ama wok'iye paro mareco ma rwako go i nek, timo cot, kodi kidakana, kwo, roro, gi nyeko nyingi joman.

Matayo 23:37

“A ji ma Yerusalem, ma joneko jotuci wac Were m'odhir rijo aka jocadho megi gi telin! Didi m'atieko temo coko win bongan aum win pa min gweno ma umo nyithindhe i bwombe, to wikwero?

Luka 13:34

“A ji ma Yerusalem, ma joneko jotuci wac Were m'odhir rijo, aka megi jogoyo jo gi telin! Didi m'atieko temo coko win bongan aum win pa min gweno ma umo nyithindhe i bwombe, to wikwero!

Joroma 10:21

To ma mako kwoŋ Isiraili go waco ni, “Atiŋo cingan malo ndelo gipi ri ji ma jocay kendo ma jopiem.”

Joroma 2:5

To initie gi wictek aka cunyin dicay. Am'omiyo iwon imiyo gir'acula perin labedo madwoŋ swa i ndelo ma keme pa Were bino nyuther'iye ma thumo banja mar'adieri.

Kitawo mar'abic mapa Musa m'ilwoŋo ni Cik 29:19

Ŋata winjo wac ma lam me to miyere silwany, gi paro i cunye ni, ‘Siem ran alaluwo cay ma cunyan.’ (Meno nyalo kelo teko kwoŋ ji marac kodi maber je).

Kitawo mar'abic mapa Musa m'ilwoŋo ni Cik 31:27

Kole aŋeyo maber paka wi jogwenyirok kodi wictek. Ee fodi akwo gi win konon to wigwenyere kwoŋ Rwoth, t'obedi nedi k'atieko tho!

Kitawo mar'abic mapa Musa m'ilwoŋo ni Cik 9:7

Poyi win aka wicwil okir omaki win gi nger ma wikwiny'iye keme pa Rwoth Were mewin i thim; witieko gwenyirok kwoŋ Rwoth wok i ndelo ma wiwok i lowo ma Misir cuka witundo i kabedo me.