Isaya 65:12 - KITAWO MALEŊ Catholic

¹² Silwany maber mewin labedo, tho malith g'abor, kwoŋbedo munyo alwoŋo, wikidwoko, munyo aluwo, wikiwinjo, to witimo gimarac ruwaŋan, wiyero gima kisangala an.

KITAWO MALEŊ

¹² Silwany maber mewin labedo, tho malith g'abor, kwoŋbedo munyo alwoŋo, wikidwoko, munyo aluwo, wikiwinjo, to witimo gimarac ruwaŋan, wiyero gima kisangala an.

Isaya 65:12 ပူးပေါင်းရင်းမြစ်များ

Isaya 1:16

Lwokere win, lokere win m'olony, kwany win woko raco i tim mewin ruwaŋan, weyi win timo gimarac,

Isaya 1:20

To ka wikwero to wigwenyere, ilakisika win g'abor, kole dhok Rwoth otieko luwo.

Isaya 10:4

Ongoye gima doŋ, to guŋo i dier jotwec, kosa podho i dier jom'onek. Kole nge fodi omako Rwoth, go fodi orieyo cinge miyo gir'acula.

Isaya 27:1

I ndelo no Rwoth lathumo banja ri Leviathan thwol ma ringo, Leviathan thwol ma minere, g'abor mager, madwoŋ, aka matek, aka laneko bulir manitie i nam.

Isaya 3:25

Cwo mewin jolatho g'abor, aka jomeni mewin jolatho i lweny.

Isaya 34:2

Rwoth omako nge gi piny je, gi jolweny pajo je. Othumo rijo banja ma rerok.

Isaya 34:5

K'abor pa Rwoth otieko timo gima mito i polo, neni, laloro i Edom, kwoŋ ji m'atieko thumo rijo banja ma rerok.

Isaya 34:6

Rwoth nitie g'abor, oduwere gi remo, omok'iye bor, gi remo pa nyithindhi rombo gi diegi, gi bor ma rogi wot rombo. Kole Rwoth nigi cowirok i Bozra, neki madwoŋ swa i piny ma Edom.

Isaya 41:28

To k'aneno, ongoye moro, i dier jome, ongoye jamic rieko, ma k'apenjo, miyo radwok.

Isaya 50:2

Raŋo munyo abino akinwaŋo dhano? Raŋo munyo alwoŋo, ongoye ŋat'odwoko? Cingan cek ma kinyal botho? Kosa angoye gi meni ma botho? Gi or paran athwo woko nam, aloko malawin opalipat; rec pajo joŋwe ro ngoye pa pi, aka jotho ro riyo.

Isaya 59:15

Adieri ongoye, aka ŋata temo weyo gimarac lokere jabanja. Munyo Rwoth oneno ni tiro ongoye, go k'osangala.

Isaya 63:6

Anyono ji piny i nge paran, amero jo i keme paran, aka akonjo remo ma kwo pajo piny.

Isaya 65:3

Ji ma jomiyan nge, ruwaŋan radhik, jomiyo cowirok manyakafir i ndelin, aka jowaŋo buban i wi matafalere.

Isaya 66:16

Kole Rwoth lakelo tiro g'abor pere, go laneko ji kweth ma jonwaŋere ni jobanja aka ji kweth jolatho.

Yeremia 16:17

Kole acomo waŋan i tim pajo je; jok'opanere kwoŋan, kosa reco pajo k'opanere kwoŋan.

Yeremia 18:21

Riameno weyi kec woneki nyithindho pajo; konji woko jo ri tho. Weyi mon pajo jowongoye gi nyithindho aka jowolokere mon tho. Weyi cwogi jo jowotho tho two nundu, soye pajo woneki jo g'abor kama lweny ogunj'iye.

Yeremia 34:17

Riameno Rwoth waco ama: Wikiwinjan nyalo gonyo joger kodi merin mewin. Akidho gonyo win, Rwoth waco, ri abor, two nundu kodi kec. Alamiyo win bedo gi bwok ri kerin je ma i piny.

Yeremia 35:17

Riameno, me apaka Rwoth pa lwak jolweny, Were pa Isiraili waco ama: Alakelo ri Yuda kodi ji ma jobedo i Yerusalem je kisi teko m'alwoŋo kwoŋ jo, kwoŋbedo atieko luwo gi jo to jok'owinjan. Atieko lwoŋo jo, to jokiye ran.

Yeremia 7:13

Aka onyo, kwoŋbedo witieko timo gigipiny me je, Rwoth waco, munyo aluwo gi win g'amen, wikwero winjo, aka munyo alwoŋo win, wikidwoko.

Yeremia 7:27

Ameno ibino luwo wac me je rijo, to jok'owinjin. Ilalwoŋo jo to jok'odwokin.

Jolevi 26:25

Alaneko win, culo kwor ro cikirok; aka ka wicokere i tindin mewin madongo, aladhiro two nundu i dier win, t'aketho win i cingi jokwor.

Mika 5:15

Aka i nge gi keme paran, abino culo kwor, kwoŋ nonin je ma jok'owinjan.

Zekaria 7:7

K'obedo gi wac pa Rwoth m'oluwo luwo i cingi jotuci wac Were ma cango, ma Yerusalem obed'iye m'okwe, kodi tindi madongo m'othoko go, yupiny ma Kanan kodi Sefela?”

Matayo 22:3

Ooro jotic pere waco ri wendo m'olwoŋ ni jowobin i kalima; to jok'omito bino.

Matayo 22:7

Nge omako kere no swa, to oro jolweny pere to joneko woko jonek no, kiri gi waŋo tindi pajo.

Yohana 1:11

Go obino i piny pere won, to ji pere jok'ojolo go.

Kitawo mar'abic mapa Musa m'ilwoŋo ni Cik 32:25

Abor laloko win ma bu nyithindho, woko kodi i iye, lareyo woko jayac kodi nyako mambula nyathi ma dhoth kodi jalwar.