Isaya 64:8 - KITAWO MALEŊ Catholic

⁸ Kucel, Awi Rwoth, ibedo Bawan, wabedo lowo nyamasiga, aka ibedo jacwec degi, wajoje wabedo tic ma cingin.

KITAWO MALEŊ

⁸ Kucel, Awi Rwoth, ibedo Bawan, wabedo lowo nyamasiga, aka ibedo jacwec degi, wajoje wabedo tic ma cingin.

Isaya 64:8 ပူးပေါင်းရင်းမြစ်များ

Yobu 10:3

Ber rin bedo gi gero? Icayo tic m'atieko timo gi cingan, aka ithiel can pa jokidakana.

Zabuli 100:3

Ŋey win ni Rwoth obedo Were! Go ocweyo wan aka wabedo apere; wabedo ji pere, aka rombo pere.

Zabuli 119:73

Icweyan aka ikuran maber, miyan niaŋ ŋey afonjere or perin.

Zabuli 138:8

Rwoth laketho i kare atoŋa pere ran, mar perin makiwire, Awi Rwoth, bedo cil gi cil, ikir'ijwangi tic ma cingin.

Zabuli 74:1

Awi Were, raŋo ijwango wan ama cil gi cil? Raŋo nge perin oliel kwoŋ rombo m'ipidho?

Zabuli 95:6

Biye, wakule piny aka walam go, weyi wagur congi wan ruwaŋ Rwoth, jacwec mawan.

Kitawo mar'ario mapa Musa m'ilwoŋo ni Wok 32:12

Raŋo Jomisir jowowaci nike iwodho ji perin wok Misir gi atoŋa ma neko jo i gote kodi reyo jo kicutho? Wire kwoŋ keme perin aka Ikir'ikeli teko me kwoŋ ji perin.

Kitawo mar'ario mapa Musa m'ilwoŋo ni Wok 4:22

Aka iripo waco ri Farawo ni, ‘Rwoth waco, Isiraili obedo okayo paran,

Isaya 19:25

ma Rwoth pa lwak jolweny omiyo silwany ka waco ama: “Silwany wobedi ri ji paran ma Misir, Asiria tic ma cingan, kodi Isiraili alunja paran.”

Isaya 29:16

Wiwiro gigipiny nyatarotaro, jacwec dak orom gi dak? Cwec bende owaci ri jacwec mere ni, iŋat'ikicweyan? Kosa gim'oŋin bende waco ri ŋat'oŋino ni, ongoye gi niaŋ?

Isaya 43:25

Kucel, Abedo Were ma cwako reco mewin ro bero paran won, aka Ak'opoy reco mewin.

Isaya 43:7

kisi dhano je m'ilwoŋo gi nyingan, m'acweyo ri dwoŋ paran, m'atimo t'acweyo.”

Isaya 44:21

Poyi gigipiny me, awi Yakobo, gi Isiraili, kole ibedo ŋeca paran; acweyin, ibedo ŋeca paran, awi Isiraili, wiyan kinyal wil kodin.

Isaya 44:24

Rwoth, Jaboth perin waco ama, go m'ocweyin i ici. Abedo Rwoth, m'otimo gigipiny je, go kende m'orieyo polo, an m'awon ayaro piny,

Isaya 45:11

Rwoth, Were Maleŋ pa Isiraili, aka jacwec pere waco, Wilapenjan kwoŋ nyithindho paran, kosa wilamiyan or kwoŋ tic paran?

Isaya 45:9

Kidamba riwin ma widhaw gi jacwec mewin, dak bende piemo gi ŋata cweyo, Lowo nyamasiga penjo jacwec degi ni, “Icweyo aŋo?” Kosa ni, “Tic perin ongoye cinge?”

Isaya 57:16

Kole akilamedo kisegeya ji paran, kosa mako nge noknok. Kole bongan ama cuny wok'iye, aka atieko timo luya ma kwo.

Isaya 60:21

Ji perin je jolabedo jom'otire, aka jolabedo gi lowo cil gi cil. Jobedo kolo m'apidho, tic ma cingan, ŋey anyal limo dwoŋ.

Isaya 63:16

Kole in a Bawan, makada nende Abraham okuya wan, aka Isiraili kiyey wan, in, Awi Rwoth, ibedo Bawan, jaboth mawan wok cango obedo nyingin.”

Isaya 63:8

Kole go owaco ni, adieri jobedo ji paran, nyithindho ma jokinyal wondan, to go lokere jaboth pajo.

Isaya 9:6

Kole riwan, nyathi onywole! Omiy wan nyathi majayac! Dhum nitie i goke, aka ilalwoŋo go ni jadiy cuny ji ma Gir'aura, Were Majameni, bawan ma cil gi cil, Kere ma siem.

Yeremia 31:9

Joladwoko kareno joywak, aka alatelo jo dwoko k'adiyo cuny jo. Alamiyo jo woth i thengi waŋ pi, i royo m'otire ma jokinyal cer, kwoŋbedo atieko bedo ba Isiraili, Efrayim obedo okayo paran.

Hoseya 1:10

Kucel welo pa Joisiraili lacale paka kwoyo ma nam, ma kipimere kosa kwanere; aka i kabedo m'owac'iye rijo ni, “Wikibedo ji paran.” Ilalwoŋo jo ni, “Nyithindho pa Were makwo.”

Malaki 2:10

Wangoye gi bawan acel, Were acel ama k'ocweyo wan? Raŋo onyo wabedo jobanirok ri wadi wan, aka raŋo wabwono cikirok ma Were otimo gi kwarere mawan?

Yohana 8:41

Adieri witimo gima bawin otimo.” Jodwoko ni, “Wakibedo nyithindho madudi. Wanitie gi Bawan acel kende, Were won gipi.”

Jogalasia 3:26

Kole i Kristo Yesu wijoje onyo wibedo nyithindho pa Were cungo kwoŋ yeyo mewin.

Jogalasia 3:29

Ka wibedo apa Kristo, kole meno wibedo nyikway Abraham, aka wibedo musikin ma jobino lunjo lim ma Were ociko.

Joefeso 2:10

Wabedo cwec pa Were, aka ocweyo wan i Kristo Yesu, ni wabedi gi tim mabeyo, ma cango go oyiko con ni wabedi gine.

Kitawo mar'abic mapa Musa m'ilwoŋo ni Cik 32:6

Ama apaka wilaculo Rwoth? Awi ji ma jomiŋ, ma jongoye gi rieko! Kosa go k'obedo bawin, go m'ocweyo win, m'otimo win, to bedo cakirok mewin?

Kitawo mar'abic mapa Musa m'ilwoŋo ni Cik 9:29

Jobedo ji perin, alunja perin won, m'iwodho gi meni perin madwoŋ kodi cingin m'oyare.”