Isaya 63:9 - KITAWO MALEŊ Catholic

⁹ I litho pajo je, go olimo litho, to malaika pere botho jo. I mar pere gi wor pere, go obotho jo, otiŋo jo malo to rendo joje i hongo macene.

KITAWO MALEŊ

⁹ I litho pajo je, go olimo litho, to malaika pere botho jo. I mar pere gi wor pere, go obotho jo, otiŋo jo malo to rendo joje i hongo macene.

Isaya 63:9 ပူးပေါင်းရင်းမြစ်များ

Cakirok 48:16

Weyi malaika m'obothan wok i raco je womiy jo silwany! Weyi nyingan kodi nyingi bacere paran Abraham, kodi Isaka womedere luwo i jo! Weyi jowobedi gi nyithindho kweth, kodi nyikway jo kweth!”

Yobu 37:23

Meni pa Were dwoŋ ma wakinyali core cegin bonge, go dwoŋ i meni gi tiro, aka go otire noknok.

Zabuli 25:22

Both Isiraili, Awi Were, wok i teko pere je.

Zabuli 78:38

Kucel, cunye Were oramo ri ji pere, ocwako reco pajo, aka k'oreyo jo. Go ojuko nge pere aka k'oywoyo kwoŋ ji pere.

Kitawo mar'ario mapa Musa m'ilwoŋo ni Wok 14:19

Malaika pa Were m'oyido telo yuwiy jolweny pa Isiraili ogik yuŋey jo, aka siro ma pondeponde bende ogik yuŋey jo,

Kitawo mar'ario mapa Musa m'ilwoŋo ni Wok 15:13

Gi mar perin makiwire, itelo ji ma ibotho, gi meni perin inyutho jo yo ma kidho i lowo perin maleŋ.

Kitawo mar'ario mapa Musa m'ilwoŋo ni Wok 19:4

Wineno gima An Rwoth atimo ri Jomisir kodi nger m'atiŋo win'iye paka aŋo tiŋo nyithindhe i bwombe to akelo win ka.

Kitawo mar'ario mapa Musa m'ilwoŋo ni Wok 33:14

Rwoth odwoko Musa ni, “Abino kadho kodin, aka abino miyin loyo.”

Kitawo mar'ario mapa Musa m'ilwoŋo ni Wok 33:15

Aka Musa owaco ni, “K'ikikadhi gi wan, ikir'imiy waeye wok i kabedo me.

Isaya 43:1

T'onyo pama Rwoth waco, ŋat'ocweyin, Awi Yakobo, ŋat'otimin, Awi Isiraili. Ikir'ilwor, kole atieko bothin atieko lwoŋin gi nyingin, ibedo aparan.

Isaya 43:4

Rupiri ibedo gima diwelo ruwaŋan, aka iworin, amarin, amiyo dhano i kabedo perin, t'awilo ji gi kwo perin.

Isaya 48:20

Wok win i Babilon, ngoye win kwoŋ Jokaldin! Koki win gi wac ma kisangala, tuci win, dhiri win wac kiri witum ma piny, wac win ni, “Rwoth otieko botho Yakobo ŋeca pere!”

Isaya 51:10

Iŋat'ikithwo woko nam, pi maluth swa, t'itimo royo ri ji perin i nam, ŋey ji m'ibotho jowonyal ŋado?

Isaya 52:9

Mwoc dwondi win kanyacel gi wer, win gundin ma Yerusalem! Kole Rwoth otieko yomo cuny ji pere, go otieko botho Yerusalem.

Hoseya 1:7

To alamako wor gi ot pa Yuda, aka alabotho jo gi an Rwoth Were pajo; ak'obothi jo g'atum abor, kosa abor, kosa lweny, kosa gi kayinin, kosa gi cwo ma jogweyo kayinin.”

Yowel 2:18

Nyaka to nyeko mako Rwoth ri lowo pere, to bedo gi wor kwoŋ ji pere.

Zekaria 2:8

Kole Rwoth pa lwak jolweny waco ama; ri dwoŋ ma go ooran bongi nonin ma jonyaga win, kole ŋat'ogeyin, meno ogeyo tongi waŋan.

Malaki 3:1

Neni, adhiro jamikwenda paran yiko ran yo, aka Rwoth ma widwaro labino abwap i ot pere ma lamo. Go ma wimito neno labino tito cikirok paran.

Matayo 25:40

Kere bino dwoko jo ni, ‘Adieri awaco riwin, munyo witimo gino kada ri acel m'oasa thin kwoŋ jowotan me, meno witimo ran.’

Matayo 25:45

Gikenyo go bino dwoko jo ni, ‘Adieri awaco riwin, munyo wikitimo gino ri kad'acel m'oasa thin kwoŋ jowotan me, meno wikitimo ran.’

Luka 15:5

Aka ka otieko nwaŋo rombo no, tiŋo i goke gi kisangala.

Tim pa Jomoor 12:11

Gikenyo Petero nyaka oniaŋ kwoŋ gim'owok timirok rigo, to waco ni, “Nyaka onyo aŋeyo ni gime obedo adieri! Rwoth ooro malaika pere wobothan kwoŋ meni pa Herode kodi kwoŋ gigipiny je ma Joyuda oyido jocano timo ran.”

Tim pa Jomoor 7:38

Me a ŋata cango obedo i dier Joisiraili ma jocokere i thim kanyacel kodi kwarere wan kodi malaika m'oluwo gine wi got Sinai; aka go olimo mikwenda ma kwo mapa Were m'okelo riwan.

Tim pa Jomoor 9:4

Go ogore piny to winjo dwondi jo ma waco rigo ni, “Saulo Saulo! Raŋo m'ilwenyo kodan?”

1 Jokorintho 10:9

Wakiri watem Rwoth, paka jomegi kwoŋ jo jotimo, to thwole neko jo.

Kitawo mar'abic mapa Musa m'ilwoŋo ni Cik 1:31

kodi i thim, kama wineno paka Rwoth Were mewin otiŋo win paka dhano tiŋo nyathi pere, i royo je ma wiluw'iye cuka witundo i kabedo me.

Kitawo mar'abic mapa Musa m'ilwoŋo ni Cik 4:37

Aka kwoŋbedo go omaro kwarere mewin, oyero nyikway jo. Go owodho win wok i Misir gi bedo pere, gi meni pere madwoŋ,

Tito 2:14

Yesu Kristo, m'omiyere riwan to botho wan kwoŋ reco je, to loko wan ji m'olony ma jobedo apere won aka jocowere i timo gima beyo.

Joebulaniya 2:18

Aka go onyo pama nyalo konyo joma jolimo karatem, rupiri go won bende olimo karatem aka ocandere.

Joebulaniya 4:15

Jadwoŋ pa jocway ri Were i wi migam, mawan me, k'obedo ŋata kiniaŋ nyapo mawan. Kucel, wanitie gi jadwoŋ pa jocway ri Were i wi migam ma bende olimo karatem i royo je paka walimo, to k'otimo gimarac.

Menyirok ri Yohana 1:5

kodi ma wok bongi Yesu Kristo, jakony ma genere, Wode makayo m'otel cerino go kwoŋ jom'otho, aka obedo jadhum pa kerin je ma piny! Go omaro wan, aka gi remo pere ogonyo wan woko kwoŋ reco mawan,

Menyirok ri Yohana 5:9

Jowero wer manyen ni, “Iripo gi kwanyo kitawo gi halo woko gim'omwon gine. Kole onekin, aka gi remo perin, inyewo ri Were ji maleŋ, wok i nonin je, dhodhok je, piny je kodi ji ma piny gipi.

Jothum Banja 10:16

Ameno jokwanyo woko werin makicar je m'oyido nitie i dier jo, aka jolamo Rwoth. Kenyo Rwoth k'onyalo ciro neno Isiraili ka candere.