Isaya 63:4 - KITAWO MALEŊ Catholic

⁴ Kole ndelo ma culo kwor oyido nitie iy'adundo paran, aka oro paran ma both otieko bino.

KITAWO MALEŊ

⁴ Kole ndelo ma culo kwor oyido nitie iy'adundo paran, aka oro paran ma both otieko bino.

Isaya 63:4 ပူးပေါင်းရင်းမြစ်များ

Zabuli 107:2

Weyi jom'oyeyo i Rwoth jowowaci ameno, jono ma go obotho wok i teko,

Isaya 1:24

Riameno, Rwoth pa lwak jolweny, Jameni je pa Isiraili waco ni, “Ey, alakonjo keme paran kwoŋ jokwor paran, alaculo kwor kwoŋ jokwor paran!

Isaya 1:27

Zayon laboth gi tiro, aka jono ma jobed'iye ma joŋuti reco, gi timo gim'otire.

Isaya 13:6

Ywak win, kole ndelo pa Rwoth cegin, labino paka rerok wok bongi Jameni je!

Isaya 13:9

Neni, ndelo pa Rwoth bino, mager, gi keme kodi nge ma kelo lworo, loko piny abar, reyo woko joreco wok'iye.

Isaya 34:8

Kole Rwoth nigi ndelo ri Zayon, ma culo kwor kwoŋ jokwor pere.

Isaya 35:4

Waci ri jono ma cuny jo lwor ni, “Bedi win jomeni, wikiri wilwor! Were mewin ee, go bino botho win, go bino miyo jokwor mewin gir'acula.”

Isaya 35:9

Simbwor kilabedo kenyo, kosa ogwaŋ mager kilaluwo royo no jok'onwaŋere kenyo, to joma Rwoth otieko botho, ama jolawoth kenyo.

Isaya 47:3

Kinyoro mewin ibino yawo, t'ineno wickwot mewin. Alaculo kwor kwoŋ win, aka ongoye ŋat'alaweyo.

Isaya 52:3

Kole me apaka Rwoth waco, “Otana win m'ongoye cul, aka ilabotho win m'ongoye pesa.

Isaya 61:2

Go ooran tito oro ma Rwoth nyutho ji pere wor, gi ndelo ma culo kwor pa Were mawan, kodi yomo cuny ji je ma joywak.

Yeremia 50:15

Koki win kwoŋ Babilon i thenge je, kole go otieko tiŋo cinge malo, cel pere otieko podho, aka orwadhi piny. Kole me culo kwor pa Rwoth, cul win kwor kwoŋ go, tim win rigo paka go bende otimo.

Yeremia 51:6

Ngoye win woko i Babilon, kisi dhano wobothi kwo pere! Wikiri wirere ro reco pere, kwoŋbedo me hongo ma Rwoth cul'iye kwor kwoŋ Babilon, aka miyo go gir'acula ma ripo gine.

Ezekiel 25:14

Alaketho culo kwor paran kwoŋ Edom gi cingi ji paran Isiraili; aka jolatic kwoŋ Edom cungo kwoŋ keme paran. Jolaŋeyo culo kwor paran, apaka Rwoth Were waco.

Zekaria 3:8

Mondo winji, Awi Yesuwa, in kodi wadin ma jobedo ruwaŋin, jobedo cwo ma gir'aura; kole neni, acegin kelo ri ŋeca paran jange.

Luka 21:22

Kole me obedo, ndelo ma gir'acula m'amiyo gimoro je ma Ndiko Maleŋ oluwo kwoŋe wotimere.

Menyirok ri Yohana 11:13

I hongo no won, yengirok madwoŋ ma piny otimere. Acel kwoŋ apar ma tindi oŋinyere woko, aka ji ma romo gana abirio jotho i yengirok ma piny no. Ji m'odoŋ jobwok to jopako dwoŋ pa Were ma polo.

Menyirok ri Yohana 18:20

Sangala ro podho pere, a polo! Sangala win, ji maleŋ pa Were kodi jomoor kodi jotuci wac Were pere! Kole Were otieko thumo banja rigo ro gima go oyido timo riwin!