Isaya 62:9 - KITAWO MALEŊ Catholic

⁹ To jono ma jopidho to jokeco jolacamo, to jopako Rwoth. Jono ma jopidho to jofono vini jolamedho, i diedipo ma ot paran.”

KITAWO MALEŊ

⁹ To jono ma jopidho to jokeco jolacamo, to jopako Rwoth. Jono ma jopidho to jofono vini jolamedho, i diedipo ma ot paran.”

Isaya 62:9 ပူးပေါင်းရင်းမြစ်များ

Isaya 55:2

Raŋo wioro pesa ri gima k'obedo cemo, gi meni mewin ri gima kiyeŋ win? Winjan win maber, aka wicam gimaber, to wiyodere gi cemo ma dicwe.

Isaya 65:13

Riameno me apaka Rwoth Were waco, ŋecin paran jolacemo, to kec laneko win, ŋecin paran jolabedo gi gir'amadha, to riyo laneko win, ŋecin paran jolafore, to wilabedo giwickwot.

Isaya 65:21

Ji jolageto udi to wegi jobed'iye, jolapidho ndelo vini to jocamo olemo mere.

Isaya 65:22

Jokilageto udi to joman ama jonind'iye, jokilapidho ndelo vini to joman ama jocamo. Ji paran jolakwo to joti paka yen, aka ayera paran jolawinjo cwe ma hongo malac ma tic ma cingi jo.

Yeremia 31:5

Ilapidho ndelo vini kendo, wi got Samaria, jopidho jolapidho, aka jolacamo olemo mere.

Ezekiel 40:14

Opima bende diŋ mere, mita apar; aka thoko diŋ ma yu waŋkac onwaŋo nitie kapido.

Yowel 2:26

Wilacemo to wiyeŋ, to wipako nyingi Rwoth Were mewin, go m'otieko timo gir'aura gi win. Aka wickwot k'omaki ji paran kendo cil gi cil.

Zekaria 3:7

“Rwoth pa lwak jolweny waco ama: K'inowothi i yo paran, aka inokur fonji paran, kenyo iladhumo ot paran, aka alamiyin kapido paran bende, aka alamiyin thwolo ma donjo i dier jome ma jocungo ka.

Kitawo mar'abic mapa Musa m'ilwoŋo ni Cik 12:12

Aka wiripo forok ruwaŋ Rwoth, win, nyithindho mewin, ŋecin mewin, kodi Jolevi ma jobedo i tindin mewin paka jo jongoye g'adec kosa gir'alunja kodi win.

Kitawo mar'abic mapa Musa m'ilwoŋo ni Cik 12:7

Aka wiripo camo koro ruwaŋ Rwoth Were mewin, win kanyacel gi pecin mewin, ka wifore i tic mewin je ma Rwoth Were mewin omiyo win silwany.

Kitawo mar'abic mapa Musa m'ilwoŋo ni Cik 16:11

Wiripo kisangala ruwaŋ Rwoth Were mewin, win, nyithindho mewin, ŋecin mewin, Jolevi ma jobedo i tindin mewin, jopath, nyithindho kic kodi citho ma jobedo i dier win, i kabedo ma Rwoth Were mewin oyer paka kabedo ri nyinge.

Kitawo mar'abic mapa Musa m'ilwoŋo ni Cik 16:14

Sangala win i hongo ma kalima mewin, win, nyithindho mewin, ŋecin mewin, Jolevi, jopath, nyithindho kic, kodi citho ma jobedo i tindin mewin.