Isaya 62:2 - KITAWO MALEŊ Catholic

² Nonin jolaneno tiro perin, aka Kerin je jolaneno dwoŋ perin. Ilalwoŋin gi nyingin manyen, ma Rwoth lacwoko gi dhoke.

KITAWO MALEŊ

² Nonin jolaneno tiro perin, aka Kerin je jolaneno dwoŋ perin. Ilalwoŋin gi nyingin manyen, ma Rwoth lacwoko gi dhoke.

Isaya 62:2 ပူးပေါင်းရင်းမြစ်များ

Cakirok 17:15

Aka Were owaco ri Abraham ni, “Paka ri Saray cegin, wok pama nyingi go obedo Sara.

Cakirok 17:5

Doko nyingin k'olwoŋ ni Abram, to ni Abraham rupiri atieko lokin ba nonin kweth.

Cakirok 32:28

Kenyo jalo owaco ni, “Nyingin doko k'olwoŋ ni Yakobo, to Isiraili. Rupiri itweyo rabok gi Were, t'iloyo.”

Zabuli 98:2

Rwoth otito loyo pere, aka onyutho meni pere ma both ri nonin.

Isaya 1:26

Aladwoko riwin jothum banja paka marapena, jomic rieko paka i cakirok. Rumacen ilalwoŋo win ni tindi madwoŋ ma timo tiro, tindi madwoŋ ma timo adieri.”

Isaya 26:2

Yaw waŋkace, ŋey piny ma timo gim'otire, aka kuro adieri wodonji.

Isaya 43:7

kisi dhano je m'ilwoŋo gi nyingan, m'acweyo ri dwoŋ paran, m'atimo t'acweyo.”

Isaya 49:23

Kerin gi nyamicalin jolabedo jonywol rin, jolakule piny rin miyin dwoŋ, jolamwole nyutho wor pajo rin, to jonaŋo fukefuke ma tiendin. Kenyo ilaŋeyo ni Abedo Rwoth, aka jono ma jokuro kony paran jok'obedi i wickwot.

Isaya 49:6

Rwoth waco ran ni, “Obedo gima sew ni iripo bedo ŋeca paran, tiŋo malo nonin pa Yakobo, gi dwoko Joisiraili ma joboth. Alamiyo in paka lero ri nonin, ŋey both paran wotundi i tielo je ma piny.”

Isaya 52:10

Rwoth otieko rieyo bade maleŋ, ruwaŋ nonin je, aka tielo je ma piny laneno, both pa Were mawan.

Isaya 56:5

alamiyo wopoy nyingi jo i ot paran, gi i dier ji paran, loyo k'oyido jonitie gi nyithindho mayac gi manyir. Alamiyo nyingi jo wopoy kicutho, ma kilarere woko.

Isaya 60:11

Waŋkace perin layawere noknok, kilacego odieceŋ gi wor, ŋey piny jowokeli rin lim pajo, ka kerin pajo jotelo jo i woth.

Isaya 60:16

Iladhotho cak pa nonin, iladhotho thundho pa kerin, aka ibino ŋeyo ni An, Rwoth abedo Jaboth perin, aka Jagony perin, Jameni pa Yakobo.

Isaya 61:11

Kole paka lowo miyo kodhi twi to dongo, paka ndelo miyo gim'ocwoy'iye twi, ameno apaka Rwoth Were lamiyo tiro gi pak kitula ruwaŋ nonin je.

Isaya 61:9

Kisi nono laŋeyo nyikway jo, aka ji jolaŋeyo nyithindho pajo. Ji je ma joneno jolaŋeyo, ni jobedo ji ma Rwoth otieko miyo silwany.

Isaya 62:12

Aka ilalwoŋo jo ni ji maleŋ mapa Were, ji ma Rwoth obotho, aka ilalwoŋin ni m'odwar, tindi madwoŋ ma k'ojwangi.

Isaya 62:4

Kilalwoŋin kendo ni m'ojwangi, kosa lowo perin ni Gunda. To ilalwoŋin ni Kisangala paran ni go, gi lowo perin ni m'onywomere. Kole Rwoth sangala kodin, aka lowo perin lanywomo.

Isaya 65:15

Ŋecin paran jolaoro nyingi win ma kwoŋo, aka an, Rwoth Were alaneko win, t'amiyo ŋecin paran nyingi jo man.

Isaya 66:11

Go lapido win to yomo cuny win, paka yok win, cuka wiyeŋ. Wilakisangala gi dwoŋ pere.

Isaya 66:12

Kole me apaka Rwoth waco, Alacoro ri Yerusalem silwany paka malawa, gi lim ma piny man paka jwom ma mol. Zayon lapido win, larendo win i tiende.

Isaya 66:19

Alaketho ranyuth i dier jo. Wok kwoŋ jo alaoro ji ma joboth i piny kweth, Tarsis, Libia, gi Lidia ma jo oro asere gi kwote, Tubal, Javan gi piny ma yuthengi nam, mafodi jok'owinjo ŋeyirok kosa neno dwoŋ paran; aka jolatuco kamaler dwoŋ paran i dier nonin.

Yeremia 33:16

I ndir no, ilabotho Yuda aka siem labedo i Yerusalem. Me a nyinge m'ilalwoŋo gine, “Rwoth, obedo tiro mawan.”

Yeremia 33:9

Tindi madwoŋ me labedo ran nyingi kisangala, pak kodi dwoŋ ruwaŋ nonin je ma i piny, ma jowinji kwoŋ bero je m'atimo rijo. Jolabedo gi lworo to jokirin kwoŋbedo bero je kodi lim m'abino miyo tindi madwoŋ me.

Mika 5:8

Aka ji pa Yakobo m'odoŋ jolabedo i dier nonin, i dier ji kweth, paka simbwor i dier ogwaŋe madudi, paka nyathi simbwor i dier sidwol rombo, ma k'oluwo i dier jo redho jo piny, aka yeco jo mathindho thindho, to ngoye ŋat'obothi jo.

Tim pa Jomoor 11:26

Munyo onwaŋo go, okelo go Antiok. I hongo ma romo oro gipi jario me joromo gi kitipa pa jom'oyeyo, to jofonjo ji madit swa. I Antiok me ama open lwoŋ'iye jofonjirok ni Jokristo.

Tim pa Jomoor 26:23

nike Kristo ripo candere, aka ka otieko bedo marapena i cerino kwoŋ jom'otho, wokel lero ma both ri Joyuda kodi Jopath.”

Tim pa Jomoor 9:15

Rwoth owaco rigo ni, “Kidhi, rupiri atieko yero go wotiy ran, ma miyo nyingan ŋeyirok bongi Jopath kodi kerin, kodi nyithindho pa Isiraili.

Jokolosia 1:23

Ato wiripo medirok gi yeyo mewin, ma wiridhere aka wicwiny, ma wikiyengere i geno ma wilimo munyo wiwinjo Wac Manyen Maber. Me a wac ma wiwinjo aka otiek fonjo dhano je i piny, ma an Paulo, alokere jatic mere.

Menyirok ri Yohana 2:17

Am'omiyo, ŋata nitie gi ithe, wowinji gima Cuny waco ri kitipin pa jom'oyeyo! Ŋata loyo karatem abino miyo go cemo m'opan m'ilwoŋo ni mana. Abino bende miyo go tele matar, m'ondik'iye nyingi jo Manyen, ma ŋat'omiy gino kende ama won ŋeyo.

Menyirok ri Yohana 3:12

Abino loko ŋat'oloy karatem siro ma Ot pa Were paran, aka go k'odoko owok i iye. Abino ndiko kwoŋe nyingi Were paran, kodi nyingi tindi pa Were paran, Yerusalem manyen, ma bino loro piny wok i polo bongi Were paran; kodi nyingan manyen won bende.