Isaya 60:22 - KITAWO MALEŊ Catholic

²² Ma sisiri kwoŋ jo, lalokere nono, aka mathin loyo lalokere madwoŋ paka piny matek, An abedo Rwoth, i hongo mere, alamiyo gime wotimere piyo.

KITAWO MALEŊ

²² Ma sisiri kwoŋ jo, lalokere nono, aka mathin loyo lalokere madwoŋ paka piny matek, An abedo Rwoth, i hongo mere, alamiyo gime wotimere piyo.

Isaya 60:22 ပူးပေါင်းရင်းမြစ်များ

Isaya 10:22

Kole makada nende Joisiraili oyido jothoth paka kwoyo ma nam, nyaka ma joboth ama joladwoko. Rerok nitie ri ji, aka opoŋ de oy gi tiro.

Isaya 5:19

Jono ma jowaco ni, “Weyi Rwoth wokwakere, weyi woredi timo tic pere, ŋey wanyal neno. Weyi atoŋa pa Were Maleŋ pa Isiraili worikere, weyi wobin, ŋey wanyal ŋeyo!”

Isaya 51:2

Ŋiy win Abraham kwari win, gi Sara m'onywolo win. Kole Abraham oyido ongoye gi nyathi munyo alwoŋo go, to, amiyo go silwany gi nyithindho, aloko nyikway go kweth.

Isaya 66:8

Ŋa m'otieko winjo nger gino? Ŋa m'otieko neno nger gino? Piny bende nywole i ndelo acel? Nono bende nywole i hongo manok? Kole tekin ŋedi cako ramo Zayon, to nywolo wote.

Mika 4:7

Alaloko jor'aŋolo ji m'odoŋ, aka jom'oyido abolo woko, alaloko piny madwoŋ. Rwoth bino dhumo jo wi got Zayon, wok pama kadho yuwaŋe aka cil gi cil.

Habakuk 2:3

Kole menyirok obedo ma hongo m'oyik; to lakwakere i cowe, aka k'obedi twodo. K'ocal pa galo, kur; adieri labino, aka k'ogal.

Luka 18:7

Onyo Were ama k'oneni gir'atima ri ji pere m'oyer, ma jogoyo rigo koko wor g'odieceŋ? Wiparo ni go bino galo tektek gi konyo jo?

Tim pa Jomoor 2:41

Ameno ji mathoth ma joyeyo mikwenda pere obatisa jo; ji ma romo gana adek jomedere i kweth pajo i ndelo no.

Tim pa Jomoor 5:14

Kad'ameno welo pa cwo kodi mon ma jomedo yeyo Rwoth oidho malo mayot.

Joebulaniya 10:36

Wiripo ciro candirok, ŋey witim gima Were yenyo to wilimo gima go ociko.

2 Petero 3:8

To jowotan, wiy win wokiri wowili gi gimoro acel! Ri Were pokirok ongoye i dier ndelo acel kodi oro gana acel; rigo gigipiny me romaroma.

Menyirok ri Yohana 7:9

Gikenyo aŋiyo, t'aneno Lwak ji madwoŋ m'ongoye ŋata d'onyalo kwano jo! Jowok i piny je, i nonin gi ji ma dhodhok je, to jocungo ruwaŋ kom ma dhum mapa Nyathi rombo, kareno joruko nangin matar, aka jotiŋo thith i cingi jo.