Isaya 60:16 - KITAWO MALEŊ Catholic

¹⁶ Iladhotho cak pa nonin, iladhotho thundho pa kerin, aka ibino ŋeyo ni An, Rwoth abedo Jaboth perin, aka Jagony perin, Jameni pa Yakobo.

KITAWO MALEŊ

¹⁶ Iladhotho cak pa nonin, iladhotho thundho pa kerin, aka ibino ŋeyo ni An, Rwoth abedo Jaboth perin, aka Jagony perin, Jameni pa Yakobo.

Isaya 60:16 ပူးပေါင်းရင်းမြစ်များ

Kitawo mar'ario mapa Musa m'ilwoŋo ni Wok 6:7

Abino loko win ji paran, aka abino bedo Were mewin. Wibino ŋeyo ni An Abedo Rwoth Were mewin k'anogony win wok i twec i Misir.

Isaya 1:24

Riameno, Rwoth pa lwak jolweny, Jameni je pa Isiraili waco ni, “Ey, alakonjo keme paran kwoŋ jokwor paran, alaculo kwor kwoŋ jokwor paran!

Isaya 12:6

Koki win malo, aka wer win ri kisangala ji ma Zayon, kole ŋatadwoŋ i dier win, obedo Ŋataleŋ pa Isiraili.

Isaya 19:20

Aka labedo ranyuth gi mijulisi ri Rwoth pa lwak jolweny i piny ma Misir, ka joywak ri Rwoth ro jor'adica, go laoro rijo jaboth, ma lagwoko to gonyo jo.

Isaya 25:9

Ilawaco i ndelo no ni, “Neni, me Were mawan, watieko kuro go ŋey wobothi wan. Me Rwoth ma watieko kuro; weyi wasangala aka wafore i both pere.”

Isaya 29:24

Aka jono je ma jotimo gi komo i cuny jolaniaŋ, jono je ma joŋunyaŋunya, jolayeyo fonji.

Isaya 33:22

Kole Rwoth obedo jathum banja mawan, Rwoth obedo jadhum mawan; Rwoth obedo kere mawan, go labotho wan.

Isaya 43:11

An, abedo Rwoth, aka makiweno an, ongoye jaboth.

Isaya 45:15

Adieri, ibedo Were ma panere, Awi Were pa Isiraili, Jaboth.

Isaya 45:21

Biye win wikel banja mewin i kapido, weyi jowomiyere rieko kanyacel! Ŋa m'owaco gime cango? Ŋa m'otuco con? K'obedo an, Rwoth? Ongoye were man kendo, Were ma timo gim'otire aka botho, ongoye ŋatiman kendo.

Isaya 49:23

Kerin gi nyamicalin jolabedo jonywol rin, jolakule piny rin miyin dwoŋ, jolamwole nyutho wor pajo rin, to jonaŋo fukefuke ma tiendin. Kenyo ilaŋeyo ni Abedo Rwoth, aka jono ma jokuro kony paran jok'obedi i wickwot.

Isaya 49:26

Alamiyo jono ma jodiyin camo delkwoŋ jo, aka jolamer gi remo pajo paka jomer gi vini. Kenyo ji je jolaŋeyo ni, Abedo Rwoth, Jaboth perin, aka Jagony perin, Jameni pa Yakobo.

Isaya 52:6

Riameno ji paran jolaŋeyo nyingan, i ndelo no jolaŋeyo ni an Were, aŋat'aluwo, An e.”

Isaya 59:20

Aka go labino i Zayon paka Jaboth, kodi ri nyikway Yakobo, ma joŋuto reco pajo, Rwoth waco.

Isaya 60:17

Alakelo rin zahabu i kabedo pa ywel, alakelo rin feza i kabedo pa nyweny, ywel, i kabedo pa mbawo, nyweny i kabedo pa telin. Jodhum mewin jokiladiyo win kendo; alamiyo jo dhumo gi tiro kodi siem.

Isaya 61:6

To win, ilalwoŋo win ni jocway ri Were i wi migam pa Rwoth, ilalwoŋo win ni ŋecin pa Were mawan, wilawinjo cwe ma lim pa nonin man, aka wilakwoto i ŋaŋo pajo.

Isaya 63:16

Kole in a Bawan, makada nende Abraham okuya wan, aka Isiraili kiyey wan, in, Awi Rwoth, ibedo Bawan, jaboth mawan wok cango obedo nyingin.”

Isaya 63:8

Kole go owaco ni, adieri jobedo ji paran, nyithindho ma jokinyal wondan, to go lokere jaboth pajo.

Isaya 66:14

Wilaneno gime timere, aka cuny win lafore; lamiyo win bedo matek gi kwo maber. Aka wilaŋeyo ni Rwoth, konyo jono ma jowinjo go, aka nyutho jokwor pere nge.

Yeremia 15:21

Alagonyin wok i cingi jokidakana, Rwoth waco, t'abothin wok i cingi jogwayo.”

Ezekiel 34:30

Jolaŋeyo ni An, Rwoth Were pajo, anitie gi jo, aka ni jo, ot pa Isiraili, jobedo ji paran, apaka Rwoth Were waco.

Menyirok ri Yohana 21:24

Ji ma piny jobino woth i lero pere, aka kerin ma piny jobino kelo ŋaŋo pajo i iye.

Menyirok ri Yohana 21:26

Dwoŋ kodi ŋaŋo pa nonin ibino kelo i tindi no.