Isaya 60:14 - KITAWO MALEŊ Catholic

¹⁴ Nyikway jono ma cango jodiyin jolabino bwonirok ruwaŋin, aka jono ma jocayin, jolaguro rin congi gin. Jolalwoŋin Tindi madwoŋ pa Rwoth, Zayon, tindi madwoŋ pa Were ma Leŋ pa Isiraili.

KITAWO MALEŊ

¹⁴ Nyikway jono ma cango jodiyin jolabino bwonirok ruwaŋin, aka jono ma jocayin, jolaguro rin congi gin. Jolalwoŋin Tindi madwoŋ pa Rwoth, Zayon, tindi madwoŋ pa Were ma Leŋ pa Isiraili.

Isaya 60:14 ပူးပေါင်းရင်းမြစ်များ

Cakirok 27:29

Weyi ji jowobedi ŋecin perin aka nonin jowokule rin piny. Bedi rwoth pa wutmin in, aka weyi wot yokin jowokule rin piny. Lam ri kisi ŋata lamin, aka silwany ri kisi ŋata miyin silwany!

Cakirok 42:6

Onyo Yozefu am'oyido gavana ma lowo ma Misir. Go am'oyido tana ŋano ri ji wok i piny je. Ameno wutmin Yozefu jobino to jokule ruwaŋ go gi nyim gin piny i lowo.

Zabuli 46:4

Nitie malawa ma kelo siem i tindi madwoŋ pa Were, i ot maleŋ pa Were madwoŋ loyo.

Zabuli 48:2

Zayon, oŋawere maŋon, obedo kisangala pa piny gibe, tindi madwoŋ pa kere madwoŋ.

Zabuli 87:3

Iluwo kwoŋin gigipiny madongo, Awi tindi madwoŋ pa Were.

Agecin 14:19

Joreco jobino miyo jomabeyo dwoŋ, aka jokidakana jolabedo i waŋkac pa jom'otire.

Isaya 1:26

Aladwoko riwin jothum banja paka marapena, jomic rieko paka i cakirok. Rumacen ilalwoŋo win ni tindi madwoŋ ma timo tiro, tindi madwoŋ ma timo adieri.”

Isaya 45:14

Rwoth waco ri Isiraili ni Lim ma Misir gi Ethopiya labedo mewin, aka cwo maboyo ma Seba jolabedo ŋecin mewin, jolaluwo win i lijegere, to jokule riwin piny ka jotuco ni, Were nigi win, aka ongoye man, ongoye were man kendo.

Isaya 45:23

An won atieko kwoŋirok, aka atuco gi dhokan gim'otire, wac ma kilawire ni, “Kisi nyatoro laguro ran conge, to tuco gi lewe ni An abedo Rwoth.”

Isaya 49:23

Kerin gi nyamicalin jolabedo jonywol rin, jolakule piny rin miyin dwoŋ, jolamwole nyutho wor pajo rin, to jonaŋo fukefuke ma tiendin. Kenyo ilaŋeyo ni Abedo Rwoth, aka jono ma jokuro kony paran jok'obedi i wickwot.

Isaya 62:12

Aka ilalwoŋo jo ni ji maleŋ mapa Were, ji ma Rwoth obotho, aka ilalwoŋin ni m'odwar, tindi madwoŋ ma k'ojwangi.

Yeremia 16:19

Awi Rwoth, meni paran gi cel paran, kapondo paran i hongo ma teko, nonin je jolabino bongin wok i tielo gi tielo ma piny to jowaco ni: Kwarere mawan jok'olunjo gimoro kwanyowoko twodo, gigipiny masisiri m'ongoye iye magowa.

Ezekiel 36:15

Wik'owinji kendo yet pa nonin, wik'obiel kendo wickwot pa ji. Wik'omiy piny mewin kitangatanga kendo, Rwoth Were waco.

Ezekiel 39:7

Alamiyo nyingan woŋeyere i dier ji paran Isiraili; aka ak'oyey nyingan wokoc kendo; aka nonin jobino ŋeyo ni An Abedo Rwoth, Ŋataleŋ pa Isiraili.

Yowel 3:8

Alakitana wot win kodi nyiki win, luwo i cingi ji ma Yuda, aka jolakitana jo ri Josabin, ri nono mabor koro, kole Rwoth otieko luwo.

Zefania 3:19

Kole i hongo no alamiyo gir'acula, ri jono ma jodiyin, alabotho jom'oŋol, t'acoko jono ma jongoye gi peco, alaloko wickwot pajo bedo pak, aka jolaŋeyere i piny gibe.

Zekaria 8:23

Rwoth pa lwak jolweny waco ama: I ndelo no je, cwo apar wok i dhodhok kweth ma nonin jolamako rinda pa Jayuda ka jowaco ni, “Weyi wakadhi kodin, kole watieko winjo nike Were nitie kodin.”

Joebulaniya 12:22

Kucel, wibino wi Got Zayon kodi i tindi pa Were makwo, Yerusalem manyapolo, gi jomalaika mere gana gi gana.

Menyirok ri Yohana 14:1

Gikenyo aŋiyo, t'aneno Nyathi rombo ruwaŋan, munyo ocungo wi got Zayon. Bonge, oyido nitie ji gana miya acel piero aŋwen g'aŋwen (144,000) ma nyinge kodi nyingi Bamere ondiki ruwaŋ jo.

Menyirok ri Yohana 3:12

Abino loko ŋat'oloy karatem siro ma Ot pa Were paran, aka go k'odoko owok i iye. Abino ndiko kwoŋe nyingi Were paran, kodi nyingi tindi pa Were paran, Yerusalem manyen, ma bino loro piny wok i polo bongi Were paran; kodi nyingan manyen won bende.

Menyirok ri Yohana 3:9

Ere onyo akidho kelo kitipa ma ji pa Sitan, ma jotwodo aka joŋoyo nike jobedo Joyuda, ma to jok'obedo; abino kelo jo bongin to jogoyo congi gin piny ruwaŋin to joniaŋ ni kere amarin.