Isaya 58:2 - KITAWO MALEŊ Catholic

² Kucel jorangan kisi ndelo, aka josangala mito ŋeyo yo paran, paŋini piny ma timo gim'otire, aka jok'ojwango cik pa Were pajo. Jokwayan thumo banja gi tiro, aka josangala bino cegin gi Were.

KITAWO MALEŊ

² Kucel jorangan kisi ndelo, aka josangala mito ŋeyo yo paran, paŋini piny ma timo gim'otire, aka jok'ojwango cik pa Were pajo. Jokwayan thumo banja gi tiro, aka josangala bino cegin gi Were.

Isaya 58:2 ပူးပေါင်းရင်းမြစ်များ

Zabuli 119:15

Afonjere cik perin, aluwo yo perin.

Zabuli 119:151

Kucel initie cegin kodan, Awi Rwoth, aka or perin je obedo adieri.

Zabuli 119:87

Oyido jocegin nekan, t'akijwango or perin.

Agecin 15:8

Cowirok pa jokidakana obedo amien ri Rwoth, to kwayo pa ŋataber obedo kisangala pere.

Isaya 1:28

To jogwenyirok gi joreco, ilareyo woko jo kanyacel, aka jono ma jokwero Rwoth jolarere woko.

Isaya 1:4

Awi, piny m'opoŋ gi reco, ji mareco pajo pek rijo. Kodhi ma jotimo gimarac, nyithindho ma jodakana, jotieko jwango Rwoth, jotieko cayo Were maleŋ pa Isiraili, jotieko rwenyo kicutho!

Isaya 29:13

Rwoth owaco ni: “Kwoŋbedo ji me jocore cegin adhok, joworan gi wac nono, kucel cuny jo nibor kodan, aka lworo pajo ran obedo or pa ji ma jopoyo.

Isaya 42:20

Go neno gigipiny kweth, to kikaŋasa; ithe oyawere, to kiwinji.

Isaya 57:12

Alakedho kamaler tiro mewin gi tic mewin, to jok'okony win.

Isaya 57:3

To win, core win ka, win nyithindho pa jothieth, nyithindho pajo jacot gi jakidakana.

Isaya 59:13

Wagwenyere to wakwedere kwoŋ Rwoth, aka wakwero luwo Were mawan. Waluwo wac mar'adica gi ma gwenyirok, waere gi wac ma twodo aka watuco jo wok iy'adundin mawan.

Yeremia 42:2

bongi Yeremia jatuci wac Were aka jowaco rigo ni, “Bedi ŋataber iwinji ywak mawan, ikway Rwoth Were mawan ri ji ma jodoŋ je. Kole wadoŋ nyaka manok kwoŋ kweth m'oyido wanitie, paka in bende ineno gi waŋin.

Yeremia 42:20

nike witimo gikomo madwoŋ. Wiwegi wioran bongi Rwoth Were mewin, ka wiwaco ni, kway riwan Rwoth Were mawan; aka gima Rwoth Were mawan owaci je, waci riwan walatimo.

Yeremia 7:10

nyaka to wibino to wicungo ruwaŋan i ot me, m'ilwoŋo gi nyingan, to wiwaco ni, “Wangoye gi teko!” Kareno wimedere gi timo amien me je?

Yeremia 7:9

Winokwal, winoneki, winotim cot, winokwoŋere nono, winomiy mic ri Bal, to wilamo werin man ma fodi wikuya,

Ezekiel 20:3

Awi wod dhano luw gi jodongo ma Isiraili aka iwaci rijo ni, me a gima Rwoth waco. Wibino penjan? Paka akwo Rwoth Were waco, wikilapenjan.

Amos 5:18

Kidamba riwin ma wikuro ndelo pa Rwoth. Raŋo ma wikuro ndelo pa Rwoth? Riwin bino bedo ndelo ma mudho makiweno lero.

Mariko 12:14

Jobino bonge to jowaco ni, “Jafonji, waŋeyo ni ibedo ŋat'otire, aka ikilwori nyatoro; ikidew kwoŋ dwoŋ pa nyatoro, to ifonjo gir'adieri kwoŋ gima Were yenyo ri dhano ayino. Ere waci riwan; yere i Cik mawan goyo misolo ri Kayisar, kosa be?”

Mariko 6:20

Herode onwaŋo lworo Yohana, rupiri oŋeyo ni Yohana obedo dhano maber kendo maleŋ. Am'omiyo oyido kuro go ma raco moro di k'onyalo podho kwoŋe. Herode onwaŋo omaro winjo luwo pa Yohana kada nende hongo je cunye onwaŋo waŋo go swa k'owinjo gima go waco.

Yohana 5:35

Yohana oyido obedo paka tala maliel ka miyo lero, aka wiyeyo kiri kisangala i lero pere nyaka hongo macek.

Tito 1:16

Joŋoyo ni joŋeyo Were, to tim pajo nyutho ni jodak go. Jobedo jodakirok kendo joma kiwinji or, ma jokinyal timo gimaber.

Yakobo 4:8

Core win cegin gi Were, aka go bende bino core cegin gi win. Joreco, logi win cingi win. Lony win cuny win, wijokiganagana!