Isaya 56:7 - KITAWO MALEŊ Catholic

⁷ Alakelo jo wi got paran maleŋ, t'amiyo jo kisangala i ot paran ma kwayo. Alajolo mic awaŋa pajo gi cowirok pajo i wi migam paran. Kole ot paran ilalwoŋo ni ot ma kwayo ri ji je.

KITAWO MALEŊ

⁷ Alakelo jo wi got paran maleŋ, t'amiyo jo kisangala i ot paran ma kwayo. Alajolo mic awaŋa pajo gi cowirok pajo i wi migam paran. Kole ot paran ilalwoŋo ni ot ma kwayo ri ji je.

Isaya 56:7 ပူးပေါင်းရင်းမြစ်များ

1 Kerin 8:41

“I nger acel ka japath, ma k'obedo acel kwoŋ ji perin owinji kwoŋ dwoŋ perin kodi gigipiny madongo m'itieko timo ri ji perin, to bino lamin kodi kwayin i Ot pa Were me,

Zabuli 2:6

Rwoth waco ni, “Atieko ketho kere paran wi got maleŋ Zayon.”

Kitawo mar'ario mapa Musa m'ilwoŋo ni Wok 28:38

Aron woruki i nyime, ŋey An Rwoth, abino jolo mic je ma Joisiraili jomiyan, makada nende ji jotimi raco ka jomiyan.”

Isaya 11:9

Jok'omiy litho kosa rerok wi got maleŋ paran je. Piny lapoŋ ŋeyo Rwoth paka pi umo nam.

Isaya 19:19

I ndelo no migam labedo ri Rwoth i dier lowo ma Misir, gi siro ri Rwoth i kew ma Misir.

Isaya 19:21

Rwoth lanyuthere to ŋeyere ri Jomisir, aka Jomisir jolaŋeyo Rwoth i ndelo no. Jolalamo go gi cowirok gi mic awaŋa, aka jolatimo cikirok ri Rwoth to joculo.

Isaya 25:6

Rwoth pa lwak jolweny latimo kalima ri nonin je wi got me, kalima ma cemo maleny, kalima ma vini ma loŋo, cemo maleny m'opoŋ'iye more, vini ma loŋo, m'okenera.

Isaya 56:5

alamiyo wopoy nyingi jo i ot paran, gi i dier ji paran, loyo k'oyido jonitie gi nyithindho mayac gi manyir. Alamiyo nyingi jo wopoy kicutho, ma kilarere woko.

Isaya 57:13

Ka winogoy koko, weyi cal makicar mewin ma wicoko jowobothi win! Koyo latiŋo woko, luya won lakudho jo. To ŋata pondo i an, lalimo lowo, to lunjo got paran maleŋ.

Isaya 60:11

Waŋkace perin layawere noknok, kilacego odieceŋ gi wor, ŋey piny jowokeli rin lim pajo, ka kerin pajo jotelo jo i woth.

Isaya 60:7

Ilacoko rin mwendi je ma Kedar, wot rombo ma Nebayoth je ilamiyin paka cowirok, alajolo jo i wi migam paran, aka Rwoth lamiyo ot pere wobedi gi dwoŋ loyo.

Isaya 61:10

Alafore tektek i Rwoth, adundo paran gipi layodere i Were paran; kole go otieko rukan gi law ma both, go otieko uman gi kanzu ma tiro, paka jamweha koda wiye sangaria, paka mweha kikere gi thiwino pere.

Isaya 65:11

To win, ma wijwango Rwoth, ma wiy win wil gi got paran maleŋ, aka wijengo meza ri Gad gi Meni, werin ma silwany gi lifol, to wipoŋo kikopere ma vini m'oruw.

Isaya 65:25

Arara gi nyathi rombo jolacemo kanyacel, simbwor lacamo kanja paka dhok, to cemo pa thwol labedo fukefuke! Jok'omiy litho kosa reyo, wi got paran maleŋ je, Rwoth waco.

Yeremia 7:11

Ot me m'ilwoŋo gi nyingan, onyo olokere kapondo pa jokwo ma wineno? Wiŋeyo ni an bende aneno, Rwoth waco.

Ezekiel 20:40

Kole wi got paran maleŋ, got mabor pa Isiraili, Rwoth Were waco, kenyo ot pa Isiraili gibe, joje, jolatic ran i lowo no. Koro alayeyo jo, aka koro alamito mic mewin kodi mic mewin maber loyo, kodi gigipiny mewin maleŋ je.

Ezekiel 47:22

Wilapoko paka lim mewin kodi ri jopath ma jobedo i dier win aka jotieko jonywolo nyithindho i dier win. Jolabedo riwin paka Joisiraili, aka wilapoko jo lim i dier nonin ma Isiraili.

Yowel 3:17

Wilaŋeyo nike An, Rwoth Were mewin, abedo i Zayon, got ma leŋo paran. Yerusalem labedo Kabedo Maleŋ, aka jokicar jok'oluw'iye kendo.

Zekaria 8:3

Me apaka Rwoth waco: Aladwoko i Zayon, aka alabedo i Yerusalem; Ilalwoŋo Yerusalem ni tindi madwoŋ ma genere, aka got pa Rwoth pa lwak jolweny, ilalwoŋo ni, got maleŋ.

Malaki 1:11

Ji wok i thenge ma piny tundo i gike jomiyo nyingan dwoŋ. Kisi kamoro jowaŋo ran buban aka jomiyan cowirok t'ajolo. Joje jomiyo nyingan dwoŋ, Rwoth pa lwak jolweny waco.

Matayo 21:13

To waco rijo ni, “Ondiki i Ndiko Maleŋ ni Were owaco ni, ‘Ot paran ibino lwoŋo ni ot ma kwayo.’ T'onyo pama wiloko ŋungu pa jokwo ayino!”

Mariko 11:17

Ofonjo jo ka waco ni, “K'ondiki i Ndiko Maleŋ ni Ot paran ibino lwoŋo ni Ot ma kwayo mapa nonin je? Ama win wiloko kapondo pa jokwo ayino!”

Luka 19:46

munyo waco rijo ni, “Ondiki ni, ‘Ot paran ibino lwoŋo ni Ot ma kwayo.’ Am'onyo wiloko ŋungu ma pondo pa jokwo ayin.”

Joroma 12:1

Am'omiyo, wutmera, ro wor pa Were m'oasere riwan, agoyo riwin koko me: Miy win delkwoŋ win ri Were paka cowirok makwo, maleŋ ma sangala go. Meno a lamo ma cuny ma wiripo cwayo rigo.

1 Timothe 2:8

Am'omiyo ayenyo ni kamoro je ji jowokway, ma jomiyere ri Were aka jotiŋo cingi gin malo i kwayo, m'ongoye nge kosa kiŋunyaŋunya.

Joebulaniya 12:22

Kucel, wibino wi Got Zayon kodi i tindi pa Were makwo, Yerusalem manyapolo, gi jomalaika mere gana gi gana.

Joebulaniya 13:15

Am'omiyo, weyi hongo je wacway pak ri Were paka cowirok mawan i Yesu Kristo, ma cal olemo ma nyak wok i dhok wan ka watuco nyinge.

1 Petero 2:5

Ato wibende wibedo telin makwo, m'onyo igero gine Ot pa Were ma cuny, kama wibino tiy'iye paka jocway ri Were i wi migam ma joleŋ, kareno wicwayo cowirok manyacuny ma Were jolo luwo kwoŋ Yesu Kristo.