Isaya 55:6 - KITAWO MALEŊ Catholic

⁶ Rangi Rwoth, ka go fodi nyalo nwaŋere, lwoŋ Rwoth, ka go fodi nicegin.

KITAWO MALEŊ

⁶ Rangi Rwoth, ka go fodi nyalo nwaŋere, lwoŋ Rwoth, ka go fodi nicegin.

Isaya 55:6 ပူးပေါင်းရင်းမြစ်များ

1 Kigana kwoŋ Kerin 28:9

“Aka in, wodan Solomon, yey Were pa benin aka tiyi rigo gi cunyin acel kodi paro perin je; kole Rwoth dwaro kisi nyaŋith, aka niaŋ kisi can kodi paro. K'inorangi go, ilanwaŋo go; to k'inojwangi go, go laweyin kicutho.

2 Kigana kwoŋ Kerin 19:3

To kad'ameno, nitie gimaber manitie kwoŋin, ireyo woko cal pa were madhako Asera i piny me, aka iketho adundo perin ma dwaro Were.”

Ezira 10:2

Kenyo Sekaniya wod Yehiel, aka nyakwar Elam, owaco ri Ezira ni, “Watuco ni wakibedo g'adieri ri Were mawan, kole wanywomo mon jopath me ma lowo me. To makada nende obedo ameno, Isiraili fodi nitie gi geno.

Yobu 8:5

K'inen inorangi Were, aka inoywakere ri Jameni Je,

Zabuli 14:2

Rwoth ŋiyo ji gi polo, neno ka nitie ji mogo ma jotimo gi rieko, ma jodwaro Were.

Zabuli 145:18

Rwoth bedo cegin gi ji je ma jolwoŋo go, ri joje ma jolwoŋo go iy'adieri.

Zabuli 148:14

Go otieko loko nono pere matek, ŋey ji pere jowonyal pako go Joisiraili ma go lithi gine. Rwoth wopak!

Zabuli 27:8

Munyo iwaco ni, “Biye laman,” Adwokin ni, “Alabino, Rwoth.”

Zabuli 32:6

Riameno weyi kisi ŋata winjin, wokwayin i hongo je ma kidamba, ka mikula madwoŋ ma teko oredi donjo, kilatundo bongi jo.

Zabuli 34:19

Jomaber joluwo i litho kweth, to Rwoth botho jo wok i je.

Zabuli 75:1

Wafoyin, Awi Were, wafoyin; walwoŋo nyingin to watuco tim ma gir'aura perin.

Zabuli 95:7

Kole go obedo Were mawan, wabedo ji pere ma go dewo rijo, rombo ma go kwayo. Kabedi konon oyido winyal winjo dwonde!

Agecin 8:17

Amaro jono ma jomaran, aka jono je ma jodwaran gi cuny gin acel jonwaŋan.

Isaya 12:6

Koki win malo, aka wer win ri kisangala ji ma Zayon, kole ŋatadwoŋ i dier win, obedo Ŋataleŋ pa Isiraili.

Isaya 26:9

An won awanya in wor gipi, cunyan i an koro dwarin adieri. Kole ka thumo banja perin nitie i piny, ji ma jobedo i piny jofonjere timo gim'otire.

Isaya 45:19

Akiluwo nyaliŋliŋ, i piny ma mudho, kosa akipano atoŋa paran. Akiwaco ri nyikway Yakobo, ni joworangan kam'othangere. An, Rwoth aluwo adieri, Atuco gim'otire.

Isaya 45:22

Wire win bongan aka wibothi, ji je ma piny gibe! Kole an abedo Were, aka ongoye man kendo.

Isaya 46:13

Akelo both paran cegin, ki nitie bor, aka both paran kilagalo; Alaketho both paran i Zayon, aka i Isiraili dwoŋ paran.

Isaya 49:8

Me apaka Rwoth waco, “I hongo ma ŋono atieko dwokin, itieko ndelo ma both akonyin, atieko kurin t'amiyin, paka cikirok ri ji, ma cako piny, ma poko lim m'ojwangere.

Isaya 58:9

Kenyo ka wikwayo, Rwoth ladwoko win, wilaywak ri kony, aka go ladwoko ni, An e. Ka wikwanyo woko okol i dier win, cimirok gi lwet win, gi luwo gimarac,

Isaya 65:10

Saron labedo kakwath mwendi, aka milelin ma Akor kaywomirok ri dhok, ri ji paran ma jorangan.

Isaya 65:24

Kiri mafodi jok'olwoŋan, aladwoko jo, mafodi jok'ocowo luwo alawinjo.

Yeremia 25:5

ka jowaco ni, “Wire win, kisi dhano kwoŋ win, i royo mewin marac kodi tim ma kidakana, nyaka to widoŋ i piny ma Rwoth otieko miyo win kodi kwarere mewin macon kodi ma cil gi cil.

Yeremia 33:3

Lwoŋan aka aladwokin, alawaco rin gigipiny madongo m'opanere ma fodi ikiŋeyo.

Ezekiel 14:6

“Riameno wac ri Joisiraili ni, Rwoth Were waco ama: Ŋuti win aka wire win woko kwoŋ lamo cal mewin, wire win wiwey como waŋ win kwoŋ amien mewin je.”

Ezekiel 33:11

Waci rijo ni, Paka akwo, Rwoth Were waco, angoye gi siem i tho pa jakidakana, to ni jakidakana wowire i yo pere marac to kwo. Wire wok i yo perin marac; raŋo iripo tho, awi ot pa Isiraili?

Ezekiel 8:6

Go owaco ran ni, “Wod dhano, ineno wok kwoŋ gima jotimo, amien madwoŋ ma ot pa Isiraili ka, ma rieman woko i kabedo paran maleŋ. Wire kendo, aka ilaneno amien madwoŋ loyo.”

Hoseya 10:12

Cwoy ri wiwegi tiro; wifon mar makiwire; cak win furo lowo mewin m'oyido wikoyo; me hongo ma dwaro Rwoth, cuka go obin to cwe both kwoŋ win paka koth.

Amos 5:6

Rangi win Rwoth ŋey wibedi gi kwo. Ka wikirango go, go bino tur kwoŋ Joisiraili pa mac. Mac bino kisika woko ji ma Bethel, m'ongoye ŋata bino nyalo neko woko.

Yona 3:8

Ji je kodi ogwaŋe joripo ruko kutiya aka jokway Were gi cuny jo je. Jowoŋuti reco pajo, aka jowey kidakana pajo.

Matayo 5:25

Ka dhano nigi wac moro kodin aka mito terin kapido, yik gine wac no ma fodi hongo nitie, kafodi wikitundo kapido. Ka winotundi kenyo, go bino bolin i cingi jathum banja, ma bino kethin i cingi jolweny ma katwec t'itweyin.

Luka 13:25

“Ka won peco otieko ay malo to diyo thigo, kada winotem cungo woko kenyo to wigudo thigo munyo wiwaco ni, ‘Rwoth, yaw riwan.’ Go bino dwoko ni, ‘Akuya ran win kama wiwok'iye.’

Yohana 8:21

Yesu owaco rijo kendo ni, “Abino kadho ran; aka wibino rangan, to wilatho i reco mewin. Kam'akidh'iye wikinyal tundo.”

Joefeso 3:13

Am'omiyo, akwayo win ni wikiri wirembi, rupiri candirok paran riwin bino kelo riwin dwoŋ.

Kitawo mar'abic mapa Musa m'ilwoŋo ni Cik 4:29

Gi koro wilarango Rwoth Were mewin, aka wilanwaŋo go ka winorangi go gi cuny win je kodi adundo mewin je.

Kitawo mar'abic mapa Musa m'ilwoŋo ni Cik 4:7

To nono madwoŋ mene kendo manitie gi were manitie cegin gi jo paka Rwoth Were mawan kisi ka walwoŋo go?

Joebulaniya 2:3

onyo wanobothi nedi ka wacayo both madwoŋ me? Rwoth won gipi ama otelo luwo kwoŋ both me, aka nyaka joma jowinjo go joridho riwan ni obedo adieri.

Joebulaniya 3:13

Kucel, wiripo kweyo cuny wadi win kisi ndelo, tekin ilwoŋo ndelo no ni konon, ŋey moro kwoŋ win wokiri wowondi gi gimarac to lokere ŋata wiye tek.