Isaya 55:1 - KITAWO MALEŊ Catholic

¹ Rwoth waco ni, Biye, ŋata riyo neko je, biye i pi! Biye, ŋat'ongoye gi pesa, biye nyewere t'icemo! Biye, nyew vini gi cak, m'ongoye pesa kosa cul.

KITAWO MALEŊ

¹ Rwoth waco ni, Biye, ŋata riyo neko je, biye i pi! Biye, ŋat'ongoye gi pesa, biye nyewere t'icemo! Biye, nyew vini gi cak, m'ongoye pesa kosa cul.

Isaya 55:1 ပူးပေါင်းရင်းမြစ်များ

Zabuli 143:6

Ayaro rin cingan je woko, cunyan riyo neko rin paka piny m'opalipat.

Zabuli 63:1

Awi Were, ibedo Were paran, aka arangin. Kwo paran gipi gomba in; paka kam'othwo, m'olacere, m'ongoye pi, riyo neko cunyan rin.

Agecin 8:4

Ri wijoje, awi jome, alwoŋo, aka ywak paran obedo ri dhano je makwo.

Agecin 9:1

Rieko otieko geto ot pere, otieko gero sirin pere abirio.

Agecin 9:5

“Biye win, cami win mugat paran, to wimadho vini paran m'atieko ruwo.

Wer pa Solomon 1:2

Cwiy lemban gi dhokin, kwoŋbedo mar perin loyo ran vini.

Wer pa Solomon 1:4

Kadhi kodan, warweny woko, bedi kere paran aka iteran i kisika perin. Walakisangala to wasiemere, weyi wasiemere i mar perin loyo vini, kole am'omiyo mon je jomitin.

Wer pa Solomon 5:1

Atieko donjo i ndelo paran, nyamin an, mweha paran, atieko coko mo maŋwe kur paran gi binzar, atieko camo mo kic paran kiri g'apede mere, atieko madho vini paran gi cak paran. Cemi win, jomitirok, aka wimedhi, cuka winomer gi mitirok.

Isaya 1:19

K'inen wiyere aka winowinjan, wilacamo gimaber ma wok i lowo.

Isaya 44:3

Kole alakonjo pi i piny m'othwo, gi waŋ pi i lowo m'othwo, alakonjo cuny paran kwoŋ nyikwayin, gi silwany paran kwoŋ nyithindho perin.

Isaya 52:3

Kole me apaka Rwoth waco, “Otana win m'ongoye cul, aka ilabotho win m'ongoye pesa.

Ywakirok 5:4

Waripo kutho miyo cul ri pi ma wamadho, waripo nyewo yen ma tedo.

Ezekiel 47:1

Jacwo no odwokan i dhiot ma Ot pa Were, aka kenyo pi oyido mol wok piny ma dhiot ma Ot pa Were aka mol yuwok ceŋ, kama Ot pa Were oŋiyo. Pi oyido mol wok piny ma gike ma yupiny ma dhiot ma Ot pa Were, yupiny ma migam.

Ezekiel 47:9

Kisi kama pi mol'iye, kisi cwec makwo ma buko labed'iye, aka labedo rec kweth, tekin pi me tundo koro. Pi lalokere maber, aka kisi kama pi me lamol'iye lamiyo kwo.

Hoseya 14:4

Alacango kwo pajo m'ongoye adieri; alamiyo jo mar ma nono, kole nge paran owire woko kwoŋ jo.

Yowel 3:18

I ndelo no, gote jolathono vini mamit, tendere jolamol gi cak, aka jwombe je ma Yuda jolamol gi pi; pi ma mol lakitula wok i Ot pa Rwoth to dhieko milelo ma Sitim.

Zekaria 10:7

Efrayim labedo matek paka cwo ma jomeni, cuny jo lakisangala paka gi vini. Nyithindho pajo jolaneno to josangala, cuny jo lafore i Rwoth.

Zekaria 2:6

Awi, awi, ringi woko i lowo ma yumalo, Rwoth waco, kole paka koyin aŋwen ma polo, atieko kedhin woko, Rwoth waco.

Zekaria 9:15

Rwoth pa lwak jolweny lakikwonga jo, aka jolareyo to nyono piny telin ma asumulu, jolamadho remo paka jomadho vini, aka jolapoŋ paka acero, paka sondin ma migam.

Matayo 10:8

Bothi win jotwo, cerino win jom'otho, lony win jodhowo, riemi win jwogi. Wilimo ma bu cul, am'omiyo bende miy win ji ma bu cul.

Matayo 13:44

“Ker ma polo cale ŋaŋo m'opan i ndelo. Dhano moro ocombo kwoŋe, gikenyo to umo kendo. Go odok gi kisangala m'omiyo go okidho to tana woko gigipiny man je ma go oyido nitie gine, to gik nyewo ndelo no.”

Matayo 26:29

Awaco riwin, akibino madho vini me kendo cuka ndelo m'anomadh'iye vini manyen gi win i Ker pa Baba.”

Matayo 5:6

Josilwany a joma nitie g'awanya madwoŋ, ma timo gima Were yenyo, kole ibino yeŋo jo.

Tim pa Jomoor 8:20

To Petero odwoko ni, “Kadhi itho koro gi pesa perin, rupiri oyido iparo ni inyalo nyewo mic pa Were gi pesa!

Joroma 3:24

pama onyo ikwanyo woko banja kwoŋ ji je ro mic ma nema pa Were kareno igonyo jo woko kwoŋ reco i Kristo Yesu

1 Jokorintho 3:2

Apidho win gi cak makiweno cemo matek, rupiri oyido fodi wikiyikere, aka kada pama je fodi wikiyikere,

1 Petero 2:2

Bedi win paka nyithindho maŋic ma nyaka onywol jo, ma wiwinjo riyo ma cak m'olony ma cuny, aka ka wimadho wibino dongo i both mewin.

Menyirok ri Yohana 21:6

Aka owaco ran ni, “Otieko timere! An a Alifa kodi Omega, cakirok kodi gike. Ŋata riyo neko abino miyo pi amadha ma nono ma wok i waŋ pi ma kwo.

Menyirok ri Yohana 22:1

Malaika onyuthan bende jwom ma pi ma kelo kwo, maler pa ndewiro, ma mol kareno wok i kom ma dhum pa Were kodi apa Nyathi rombo,

Menyirok ri Yohana 22:17

Cuny kodi Mweha, jowaco ni, “Biye.” Aka weyi moro je ma winjo wowaci ni, “Biye.” Aka weyi moro je ma riyo neko wobin. Weyi nyatoro je ma mito, womadhi pi ma kwo ma nono.

Menyirok ri Yohana 3:18

Am'omiyo, amiyin rieko ni nyew zahabu bongan, m'oyik gi mac, aka inoŋaŋ. Nyew nangin matar bende iruki aka ium gine kinyoro perin ma kelo rin wickwot no. Nyew yen ma waŋ jo bende ikethi i waŋin, aka ŋey inyal neno.

Ruth 4:1

Bowaz okidho i waŋkac to bedo piny kenyo; to wat pere m'oyido go otieko luwo kwoŋe bende bino. Bowaz olwoŋo go ka waco ama: “Biye bedi kome jawodhan”.