Isaya 54:8 - KITAWO MALEŊ Catholic

⁸ I keme paran m'opoŋ de oy ma hongo macek, apano rin waŋan, to alamako kodin wor gi mar makiwire, Rwoth, Jaboth perin waco.

KITAWO MALEŊ

⁸ I keme paran m'opoŋ de oy ma hongo macek, apano rin waŋan, to alamako kodin wor gi mar makiwire, Rwoth, Jaboth perin waco.

Isaya 54:8 ပူးပေါင်းရင်းမြစ်များ

Zabuli 103:17

To mar pa Rwoth makiwire bedo cil gi cil, kwoŋ jono ma jolworo go, aka bero pere bedo i luse je,

Zabuli 103:4

Go botho kwo paran wok i bur, aka miyan silwany gi mar pere makiwire gi wor.

Zabuli 13:1

Awi Rwoth, wiyin owil kodan kicutho kiri keraŋo? Inopan ran waŋin kiri keraŋo?

Zabuli 27:9

Ikir'ipondi ran! Ikir'imaki kodan nge, ikir'iriem ŋeca perin, iŋati oyido ibedo jakony paran, ikir'iweyan, ikir'ijwangan, Awi Were, jaboth paran.

Zabuli 30:5

Nge pere cek, to bero pere bedo i hongo je. Ywak yware wor gipi, to kisangala bino odikin.

Isaya 14:1

To Rwoth latimo wor gi Yakobo to yero Isiraili kendo, laketho jo i lowo pajo wegi; aka jopath jolabino bedo gi jo to joriwere gi ot pa Yakobo.

Isaya 26:20

Biye win, ji paran donji win i udi mewin, aka wicegi thigo mewin yuŋey win; pondi win ma hongo moro, cuka keme pa Rwoth orum.

Isaya 40:27

Raŋo wiwaco, Awi Yakobo, aka wiluwo, Awi Isiraili ni, “Royo paran opanere kwoŋ Rwoth, aka Were paran kidew kwoŋ gima ripo kodan.”

Isaya 45:15

Adieri, ibedo Were ma panere, Awi Were pa Isiraili, Jaboth.

Isaya 47:6

Oyido amako nge gi ji paran, t'akoco alunja paran, aketho jo i cingin, aka ikinyutho jo ŋono, kiri jom'oti je iketho kwoŋ jo okol mapek ma kiwacere.

Isaya 48:17

Rwoth, Jaboth mewin, aka Were Maleŋ pa Isiraili waco, Abedo Rwoth, Were mewin, ma fonjo win ro bero mewin, aka telo win i yo ma wiripo luwo.

Isaya 49:10

Kec kosa riyo k'oneki jo, weyo malieth kosa ceŋ k'orwadhi jo piny, kole ŋata mako gi jo wor ama latelo jo, aka latelo jo kadho i waŋ pi ma mol.”

Isaya 49:13

Wer, Awi polo! Koki ro kisangala, Awi piny! Weyi gote jowomwoci gi wer, kole Rwoth otieko yomo cuny ji pere, aka lamako wor gi ji pere ma jocandere.

Isaya 49:26

Alamiyo jono ma jodiyin camo delkwoŋ jo, aka jolamer gi remo pajo paka jomer gi vini. Kenyo ji je jolaŋeyo ni, Abedo Rwoth, Jaboth perin, aka Jagony perin, Jameni pa Yakobo.

Isaya 54:10

Gote gi tendere jonyalo barok, to mar paran makiwire rin k'oeye kwoŋin; aka alakuro cikirok paran ma siem, Rwoth ma mako wor kodin waco.

Isaya 54:5

Kole jacwec perin obedo cworin, Rwoth pa lwak jolweny obedo nyinge; Were Maleŋ pa Isiraili obedo Jaboth perin, ilwoŋo go ni Were ma piny gibe.

Isaya 55:3

Ciki ithi win, aka wibin bongan, winji win, ŋey cuny win wonyali kwo. Alatimo gi win cikirok ma cil gi cil, mar paran makiwire, mar'adieri ri Daudi.

Isaya 55:7

Weyi jokidakana jowojwangi yo pajo, jowowey paro pajo marac; weyi jowogiki bongi Rwoth, ŋey wonyali timo gi jo ŋono kodi bongi Were mawan, kole go lacwako i thotho.

Isaya 60:10

Rwoth waco ri Yerusalem ni, “Jopath jolageto cel perin kendo, aka kerin pajo jolatic rin. Amiyo win gir'acula i keme paran, to i mar paran, atieko timo gi win ŋono.

Isaya 63:7

Alaluwo kwoŋ tim ma mar pa Rwoth makiwire, pak pa Rwoth, cungo kwoŋ gimoro je ma Rwoth otieko miyo wan, gi bero pere madwoŋ ri ot pa Isiraili m'otieko miyo jo ro ŋono pere, cungo kwoŋ mar pere mathoth makiwire.

Isaya 64:7

Ongoye ŋata lwoŋo nyingin, kosa ma temo goŋirok kwoŋin; kole ipano riwan waŋin, aka iolo wan i cingi reco mawan.

Isaya 8:17

Alakuro Rwoth, go ma pano waŋe kwoŋ ot pa Yakobo, aka alaketho geno paran i go.

Yeremia 31:3

Rwoth onenere ran wok bor. Atieko marin gi mar ma cil gi cil, riameno amedo timo rin adieri.

Yeremia 33:26

dinyo akwero nyikway Yakobo kodi ŋeca paran Daudi m'akiyeyo moro kwoŋ nyikwaye paka jadhum kwoŋ nyikway Abraham, Isaka kodi Yakobo. Kole aladwoko lim pajo, aka alamako wor gi jo.

Yeremia 51:5

Were, Rwoth pa lwak jolweny, fodi k'ojwango Isiraili kodi Yuda, makada nende lowo pajo opoŋ reco, ruwaŋ Ŋataleŋ pa Isiraili.

Ezekiel 39:29

Ak'opan waŋan rijo kendo, k'akonjo woko cuny paran kwoŋ Joisiraili, Rwoth Were waco.

Habakuk 3:2

Awi Rwoth, atieko winjo radwok perin, aka lworo omakan, awi Rwoth, kwoŋ tic perin, dwoki i dier oro, weyi imiy woŋeyere i dier oro, i keme mondo poyi timo ŋono.

Zekaria 1:15

Amako nge swa gi nonin ma jowinjo m'ogonyere; kole munyo oyido amako nge manok jomedo konyo timo raco.”

Zekaria 1:16

Riameno Rwoth pa lwak jolweny waco, atieko dwoko i Yerusalem gi wor m'oasere, ot paran ilaget'iye, Rwoth pa lwak jolweny waco, aka ilacero bol ma kipima i Yerusalem.

Zekaria 10:6

Alaloko matek ot pa Yuda kodi ot pa Yozefu, alabotho jo, t'adwoko jo, anitie gi wor rijo, paŋini oyido akijwango jo, An, Rwoth Were pajo, aladwoko jo.

2 Jothesalonika 2:16

Weyi Rwodhiwan Yesu Kristo won gipi, kodi Were Bawan, m'omaro wan aka i nema pere omiyo wan miseni makirum kodi geno maber,

1 Timothe 1:16

to ro wac me Were onyuthan wor, ŋey Kristo Yesu wonyuthi diyo ici pere i tiyo kwoŋan, ŋatarac maloyo joreco je, paka ranen ri joma rumacen di joyeyo go to jolimo kwo makirum.