Isaya 54:7 - KITAWO MALEŊ Catholic

⁷ I hongo macek ajwangin, to, gi wor madwoŋ alacokin.

KITAWO MALEŊ

⁷ I hongo macek ajwangin, to, gi wor madwoŋ alacokin.

Isaya 54:7 ပူးပေါင်းရင်းမြစ်များ

Zabuli 106:47

Both wan, Awi Rwoth, Were mawan, aka dwoki wan wok i dier nonin ŋey wafoyin, to wapako nyingin maleŋ.

Zabuli 107:3

aka ocoko wok i piny pa jopath, wok yuwok ceŋ gi yupodho ceŋ, wok yumalo gi yupiny.

Zabuli 30:5

Nge pere cek, to bero pere bedo i hongo je. Ywak yware wor gipi, to kisangala bino odikin.

Zabuli 30:6

Oyido akidew aka awaco ni, “Akibino yengirok.”

Isaya 11:11

I ndelo no Rwoth lacoro cinge kendo madirio dwoko peco ji pere ma joboth, wok i Asiria gi Misir, wok i Pathiros, wok i Ethopiya, wok i Elam, wok i Babilon, wok i Hamath, gi wok i kigoda ma nam.

Isaya 11:12

Go latiŋo ranyuth ri nonin aka lacoko Joisiraili ma jodamba, gi ji ma Yuda ma jokedhere, wok i sonda aŋwen ma piny.

Isaya 12:1

Wilawero i ndelo no ni: Alamiyin foyo, Awi Rwoth, kole kad'oyido imako nge kodan, nge perin owire woko, aka iyomo cunyan.

Isaya 14:1

To Rwoth latimo wor gi Yakobo to yero Isiraili kendo, laketho jo i lowo pajo wegi; aka jopath jolabino bedo gi jo to joriwere gi ot pa Yakobo.

Isaya 26:20

Biye win, ji paran donji win i udi mewin, aka wicegi thigo mewin yuŋey win; pondi win ma hongo moro, cuka keme pa Rwoth orum.

Isaya 27:12

I ndelo no, Rwoth layeko win wok i Yufrete tundo i kew ma Misir, aka ilacoko win kanyacel acel acele, awi Joisiraili.

Isaya 27:8

Gi gweyo woko, gi riemo woko, ilakiosa banja gine, go ogweyo woko gi koyo malieth, i ndelo ma koyo ma yuwok ceŋ.

Isaya 40:11

Go lapidho mwendi pere paka jakwath; go lacoko nyithindhi rombo i bade, to tiŋo jo i kore, to leko megi rombo m'odeda.

Isaya 49:13

Wer, Awi polo! Koki ro kisangala, Awi piny! Weyi gote jowomwoci gi wer, kole Rwoth otieko yomo cuny ji pere, aka lamako wor gi ji pere ma jocandere.

Isaya 49:18

Tiŋi waŋin malo thoko akinen, joje jocokere, jobino bongin. Rwoth waco ni, kafodi go kwo, ilaruko joje kwoŋin paka thiwino, paka ilatweyo jo kwoŋin paka mweha.

Isaya 49:21

Kenyo ilapenjere i cunyin ni, “Ŋa m'onywolo ran nyithindho me je? Oyido aywak aka akinywol, oyido ajawiloka aka obolan, to ŋa won m'opidho nyithindho me je? Oyido adoŋ kendan, onyo nyithindho me jowok kune?”

Isaya 50:1

Me apaka Rwoth waco, Wiparo ni ariemo woko ji paran, paka jacwo ma riemo woko cege? Nikune, ere papila ma turo nywomirok? Wiparo ni atana win i twec, paka jacwo tana nyithindho pere paka ŋecin? Neni, wikadho bedo i twec ro reco mewin; aka ro kibenga mewin oriem min win.

Isaya 56:8

Me apaka Rwoth Were waco ama: Go ma coko kanyacel Joisiraili ma jonitie woko. Alamedo coko joman rijo, medo kwoŋ jono m'atieko coko.

Isaya 60:10

Rwoth waco ri Yerusalem ni, “Jopath jolageto cel perin kendo, aka kerin pajo jolatic rin. Amiyo win gir'acula i keme paran, to i mar paran, atieko timo gi win ŋono.

Isaya 60:4

Tiŋi waŋin malo iŋiy korin gi korin, jo je jocokere kanyacel, jobino bongin, wotin jolabino wok bor, ilakideda nyikin i cingin.

Isaya 62:4

Kilalwoŋin kendo ni m'ojwangi, kosa lowo perin ni Gunda. To ilalwoŋin ni Kisangala paran ni go, gi lowo perin ni m'onywomere. Kole Rwoth sangala kodin, aka lowo perin lanywomo.

Isaya 63:7

Alaluwo kwoŋ tim ma mar pa Rwoth makiwire, pak pa Rwoth, cungo kwoŋ gimoro je ma Rwoth otieko miyo wan, gi bero pere madwoŋ ri ot pa Isiraili m'otieko miyo jo ro ŋono pere, cungo kwoŋ mar pere mathoth makiwire.

Isaya 66:18

Kole aŋeyo tim pajo gi paro pajo, aka abino coko ji ma joluwo dhodhok m'opokere opokere gi nonin nyutho jo dwoŋ paran.

Yeremia 51:5

Were, Rwoth pa lwak jolweny, fodi k'ojwango Isiraili kodi Yuda, makada nende lowo pajo opoŋ reco, ruwaŋ Ŋataleŋ pa Isiraili.

Ywakirok 3:31

Kole Rwoth, kilajwango kicutho.

Ywakirok 3:32

Makada nende go kelo rem, go labedo gi wor, cungo kwoŋ mar pere makiwire m'oasere.

Ezekiel 36:24

Alakwanyo win wok i nonin, t'acoko win wok i piny je, t'adwoko win i piny mewin won.

Mika 4:6

I ndelo no, Rwoth waco, abino coko kanyacel jor'aŋolo, jono ma riemo jo woko, kodi jono m'atieko miyo litho.

Matayo 23:37

“A ji ma Yerusalem, ma joneko jotuci wac Were m'odhir rijo aka jocadho megi gi telin! Didi m'atieko temo coko win bongan aum win pa min gweno ma umo nyithindhe i bwombe, to wikwero?

2 Jokorintho 4:17

Aka teko mathin ma hongo macek me bino kelo riwan dwoŋ m'oasere ma cil gi cil, maloyo teko no bor.

Joefeso 1:10

Can pa Were ma go bino cowo timo ka ndir otundo, ma kelo cwec je kanyacel, gi gimoro je man polo kodi man piny, kareno Kristo a jatel mere.

Kitawo mar'abic mapa Musa m'ilwoŋo ni Cik 30:3

Aka Rwoth Were mewin ladwoko win wok i twec mewin, to mako gi win wor, aka go lawire to coko win wok i dier nonin kama Rwoth Were mewin okedh'iye win koro.

Yakobo 4:6

To Were nyutho wan nema mathoth loyo. Am'omiyo ndiko waco ni, “Were ciro japakirok, to nyutho ŋata mwol ayino nema.”

2 Petero 3:8

To jowotan, wiy win wokiri wowili gi gimoro acel! Ri Were pokirok ongoye i dier ndelo acel kodi oro gana acel; rigo gigipiny me romaroma.