Isaya 54:14 - KITAWO MALEŊ Catholic

¹⁴ Ilagetere m'ocwiny i tiro, ilabedo bor g'adica, aka lworo k'omakin, gi kwoŋ acanda, rupiri k'ocore cegin bongin.

KITAWO MALEŊ

¹⁴ Ilagetere m'ocwiny i tiro, ilabedo bor g'adica, aka lworo k'omakin, gi kwoŋ acanda, rupiri k'ocore cegin bongin.

Isaya 54:14 ပူးပေါင်းရင်းမြစ်များ

Agecin 3:24

K'inoriere piny, ik'obedi gi lworo, k'inonindi piny, nindo perin labedo mamit.

Isaya 1:26

Aladwoko riwin jothum banja paka marapena, jomic rieko paka i cakirok. Rumacen ilalwoŋo win ni tindi madwoŋ ma timo tiro, tindi madwoŋ ma timo adieri.”

Isaya 1:27

Zayon laboth gi tiro, aka jono ma jobed'iye ma joŋuti reco, gi timo gim'otire.

Isaya 14:4

jolaoro ageca me ma ŋalo kere ma Babilon: Jadic orumo nedi! Mbaka oloyo jagero nedi!

Isaya 16:4

Weyi ji paran ma jodamba jowobedi kodin, Mowab bedi kapondo rijo, kwoŋ jono ma jomito reyo jo.” Jadiy jo gi jarey jo orumo, janyon ji gi tiende orumo i piny,

Isaya 2:4

Go lathumo banja i dier nonin, aka lakiosa ri ji kweth. Jolathedho abor pajo wolokere kwe dhok ma fur, aka tonge pajo wolokere apala nyangoda. Ongoye nono ma latiŋo abor kwoŋ nono man kendo, kosa fonjere lweny kendo.

Isaya 26:2

Yaw waŋkace, ŋey piny ma timo gim'otire, aka kuro adieri wodonji.

Isaya 32:17

Timo gim'otire lakelo siem, lawok kudirok gi kwe piny cil gi cil.

Isaya 33:18

Kenyo wilapenjere ni: Nikune jodhum no, ma jobwoko wan to joromo wan culo misolo mapek.

Isaya 45:24

Jolawaco ni i Rwoth kende, ama gim'otire gi meni wok'iye. To jono je ma jodakan, wickwot lamako jo.

Isaya 49:26

Alamiyo jono ma jodiyin camo delkwoŋ jo, aka jolamer gi remo pajo paka jomer gi vini. Kenyo ji je jolaŋeyo ni, Abedo Rwoth, Jaboth perin, aka Jagony perin, Jameni pa Yakobo.

Isaya 51:13

Wiwin owil gi Rwoth, jacwec mewin, m'oyaro polo, to geto misingi ma piny. Wimedo bedo gi lworo ndelo gipi, ro nge pa jono ma jodiyo win, jono ma joyikere reyo win woko? Nikune keme pa joma jodiyo win?

Isaya 52:1

Cew, cew, bedi matek kendo, Awi Zayon! Ruk nangin perin maŋon, awi Yerusalem, tindi madwoŋ maleŋ. Kole ji ma jok'othumere gi jomakoc jok'obin bongin.

Isaya 54:4

Ikir'ibedi gi lworo, kole wickwot kilamakin; Ikir'ilacere, wickwot kilamakin. Wiyin lawil gi wickwot ma soye perin, aka ikilawinjo wickwot ro bedo citho.

Isaya 60:18

Akaka k'obedi kendo i lowo perin, rerok gi kisika gigipiny langoye. Wilalwoŋo kor udi mewin ni both, waŋkace mewin ni pak.

Isaya 60:21

Ji perin je jolabedo jom'otire, aka jolabedo gi lowo cil gi cil. Jobedo kolo m'apidho, tic ma cingan, ŋey anyal limo dwoŋ.

Isaya 61:10

Alafore tektek i Rwoth, adundo paran gipi layodere i Were paran; kole go otieko rukan gi law ma both, go otieko uman gi kanzu ma tiro, paka jamweha koda wiye sangaria, paka mweha kikere gi thiwino pere.

Isaya 62:1

Ro Zayon, akilaliŋ, akilaywomere ro Yerusalem; cuka tiro pere oliel paka ŋamba, aka both pere paka tala m'ocwiny maliel.

Isaya 9:4

Kole okol ma bieto pere, gi luth ma goke, luth ma nyweny pa ŋata diyo go, itieko turo paka i ndelo pa Midian.

Isaya 9:7

Dhum pere k'orumi, aka siem labedo cil gi cil, i wi kom ma dhum pa Daudi gi ker pere, cako gi mako matek, gi tiro kodi timo gim'otire, wok i hongo me kadho yuwaŋe aka cil gi cil. Rwoth pa lwak jolweny omiyere timo gime.

Yeremia 30:10

To paka riwin, ji paran, wikiri wibedi gi lworo, Rwoth waco, kosa wikiri wibwoki, awi Isiraili; kole akidho botho win wok bor, kodi nyikway win wok i lowo ma twec pajo. Wiladwoko peco to wibedo i siem; wilabedo m'ongoye teko, aka langoye ŋata bino miyo win lworo.

Yeremia 30:20

Nyithindho pajo jolabedo paka cango, kweth pajo lacungo matek ruwaŋan; aka alamiyo gir'acula ri jono ma jodiy jo.

Yeremia 31:23

Me apaka Rwoth waco pa lwak jolweny, Were pa Isiraili waco ama: Ibino oro kendo wac me i piny Yuda kodi i tindin mere ka adwoko lim pajo. Rwoth womiyin silwany, Awi Kabedo Maleŋ got maleŋ kama go bed'iye.

Hoseya 10:12

Cwoy ri wiwegi tiro; wifon mar makiwire; cak win furo lowo mewin m'oyido wikoyo; me hongo ma dwaro Rwoth, cuka go obin to cwe both kwoŋ win paka koth.

Zekaria 8:3

Me apaka Rwoth waco: Aladwoko i Zayon, aka alabedo i Yerusalem; Ilalwoŋo Yerusalem ni tindi madwoŋ ma genere, aka got pa Rwoth pa lwak jolweny, ilalwoŋo ni, got maleŋ.

Zekaria 9:8

Alathoko ot paran gi jokur, ŋey wongoye ŋata nyalo donjo kosa wok, ongoye jar'adica ma ladiyo jo kendo, kole pama atieko neno gi waŋan.

2 Petero 3:13

To wakuro gima Were otieko ciko; polo manyen gi piny manyen, kama tiro bino bed'iye pa peco pere.