Isaya 54:13 - KITAWO MALEŊ Catholic

¹³ “Rwoth lafonjo nyithindho perin je, aka nyithindho perin jolabedo joŋaŋo madwoŋ.

KITAWO MALEŊ

¹³ “Rwoth lafonjo nyithindho perin je, aka nyithindho perin jolabedo joŋaŋo madwoŋ.

Isaya 54:13 ပူးပေါင်းရင်းမြစ်များ

Zabuli 119:165

Jono ma jomaro cik perin jonitie gi siem madwoŋ, ongoye gima miyo jo cer.

Zabuli 119:33

Fonjan, Rwoth, gima cik perin nyutho, aka alakuro jo noknok.

Zabuli 147:14

Go timo siem i kewere mewin, go yeŋo win gi ŋano m'onuŋere.

Zabuli 71:17

Awi Were, itieko fonjan wok i thino paran, aka fodi atuco tim perin ma gir'aura.

Isaya 11:9

Jok'omiy litho kosa rerok wi got maleŋ paran je. Piny lapoŋ ŋeyo Rwoth paka pi umo nam.

Isaya 2:3

Nonin kweth jolabino to jowaco ni, “Biye, weyi wakadhi win malo wi got pa Rwoth, i Ot pa Were pa Yakobo; ŋey go wofonji wan royo pere aka ŋey wawothi i yo pere. Kole fonji pa Rwoth wok i Zayon aka wac pa Rwoth wok i Yerusalem.”

Isaya 26:3

Rwoth, ikuro go i siem ma gibe, ri ŋata ketho paro i in, kwoŋbedo oketho geno pere i in.

Isaya 28:9

Ŋa ma go ofonji ŋeyo, kosa ŋa ma go otiti rigo mikwenda? Kono nyithindho ma nyaka ocieri jo dhoth, ma joweyo thundho.

Isaya 29:24

Aka jono je ma jotimo gi komo i cuny jolaniaŋ, jono je ma joŋunyaŋunya, jolayeyo fonji.

Isaya 48:18

Kabedi oyido wiwinji or paran! Dinyo siem mewin omol ma kicwiy, paka malawa! Dinyo loyo obino riwin paka ulok ma nam

Isaya 50:4

Rwoth otieko miyan, lew joma jofonjere, ŋey anyal ŋeyo nger ma miyo meni, ri ji ma jolacere. Kisi odikin go cewan, cewo ithan, winjo paka ji ma jofonjere.

Isaya 54:12

Alageto acurcur perin gi telin ma welo, waŋkace perin gi telin maliel paka mac, kodi cel perin je gi telin ma welo.

Isaya 55:12

Kole wilaweyo Babilon gi kisangala, aka ilatelo win ka widok i siem. Gote gi tendere jolamwoc gi wer, aka yen madudi jolagoyo adhoŋ.

Isaya 66:12

Kole me apaka Rwoth waco, Alacoro ri Yerusalem silwany paka malawa, gi lim ma piny man paka jwom ma mol. Zayon lapido win, larendo win i tiende.

Yeremia 31:34

Kendo jokilafonjere kosa waco wegi gi wegi ni, “Ŋey Rwoth.” Kole jolaŋeyan, wok i mathin tundo kwoŋ madwoŋ, Rwoth waco. Alacwako reco pajo, aka akilapoyo kendo.

Yeremia 33:6

To aladwoko jo t'acango jo. Alacango two ma tindi madwoŋ me, alanyutho jo siem, t'akweyo piny rijo.

Ezekiel 34:25

Alatimo gi jo cikirok ma siem t'awaro woko ogwaŋe mager wok i piny, ŋey jowonyal bedo i thim to jonindo i lule m'ongoye teko.

Ezekiel 34:28

Jok'olokere gikinyaga ri nonin kendo, kosa ogwaŋe ma piny k'ocami jo; jolabedo ma bu teko, aka ŋati mogo k'oloki jo malwor.

Ezekiel 37:26

Alatimo cikirok ma siem gi jo; labedo cikirok ma cil gi cil gi jo; aka alamiyo jo silwany to jonyay, aka alaketho kamaleŋ paran i dier jo cil gi cil.

Hoseya 2:18

Alatimo riwin cikirok i ndelo no g'ogwaŋe mager, winyin ma koyo, kodi gigipiny ma lak piny; alaturo woko asere, abor kodi lweny i piny; t'amiyo win nindo ma bu teko.

Mika 4:2

Aka nonin kweth jolabino to jowaco ni, “Biye win, weyi wakadhi wi got pa Rwoth, i Ot pa Were pa Yakobo ŋey go wofonji wan yo pere, aka wawothi i yo pere.” Kole cik wok i Zayon, aka wac pa Rwoth wok i Yerusalem.

Zekaria 10:7

Efrayim labedo matek paka cwo ma jomeni, cuny jo lakisangala paka gi vini. Nyithindho pajo jolaneno to josangala, cuny jo lafore i Rwoth.

Matayo 16:17

Yesu odwoko ni, “Simon wod pa Yona, ijasilwany swa! Adieri me k'obino rin wok bongi dhano moro, to Baba mani polo am'onyuthin.

Luka 24:45

Aka oyawo paro pajo ma niaŋ kwoŋ Ndiko Maleŋ,

Yohana 16:33

Atieko waco riwin gime ŋey wibedi i siem i riwirok kodan. Piny bino miyo wicandere. To bedi win miseni! Atieko loyo candirok ma piny!”

Yohana 6:45

Kole ondiki i kitawo pa jotuci wac Were ni, ‘Were bino fonjo ji je.’ Moro je ma winjo Baba aka fonjere bonge bino bongan.

Tim pa Jomoor 2:39

Kole cikirok me obedo riwin kodi nyithindho mewin kodi ji je ma jonitie bor, ji je ma Were lwoŋo bonge.”

Joroma 14:17

Kole Ker pa Were k'obedo nyaka cemo gi oro gir'amadha, t'obedo tiro kodi siem kodi kisangala i Cuny Maleŋ.

Joroma 15:13

Were ma geno wok bonge wonyali poŋo win gi kisangala je kodi siem cungo kwoŋ yeyo mewin, ŋey geno mewin womedere dongo gi meni pa Cuny Maleŋ.

Joroma 5:1

Paka onyo okethi wan i tiro gi Were cungo kwoŋ yeyo, onyo wanitie i siem gi Were kwoŋ Rwodhiwan Yesu Kristo.

1 Jokorintho 2:10

To Were onyutho wan nyaliŋliŋ me luwo i Cuny Maleŋ pere. Ato Cuny Maleŋ udo gimoro je, kada gimoro m'opanere kamadiny i Were.

Jogalasia 5:22

To Cuny Maleŋ nyak gigipiny me: Mar, kisangala, siem, diyo cuny, wor, bero, genirok,

Joefeso 4:21

Ipoyo kosa wikiwinjo adieri manitie i Yesu maber odoco.

Jofilipi 4:7

Aka siem pa Were ma kalo kama dhano oŋey'iye je, bino kuro paro mewin gi cuny win maber, i Kristo Yesu.

1 Jothesalonika 4:9

Ki yenyere ndiko riwin kwoŋ marok ma wiripo bedo gine ri jowot win ma bende joyeyo. Kole wiwegi Were otieko fonjo win paka wiripo marok.

Joebulaniya 8:10

Onyo me a cikirok m'abino timo gi ji ma Isiraili ka ndelo no okadho, abino ketho cik paran i paro pajo, odoko abino ndiko cik no i cuny jo to abedo Were pajo, aka jobino bedo ji paran.

Joebulaniya 8:11

Ongoye moro kwoŋ jo ma bino fonjo nyawote kendo kosa waco ri nyawote ni, “Ŋey Rwoth.” Me kwoŋbedo joje jobino ŋeyan, wok kwoŋ ŋatathin loyo, tundo kwoŋ ŋatadwoŋ loyo.

1 Yohana 2:20

To Kristo otieko wiro kwoŋ win mo ma Cuny Maleŋ am'omiyo wiŋeyo adieri.

1 Yohana 2:27

To ma mako kwoŋ win, Kristo otieko wiro kwoŋ win mo ma Cuny Maleŋ pere. Ka tekin Cuny Maleŋ pere nitie i win, odoko wikiyeny moro wofonji win. Kole wir ma Cuny no won fonjo win kwoŋ gimoro je, aka gima go fonjo obedo adieri makiweno twodo, onyo doŋ win i Kristo.