Isaya 53:10 - KITAWO MALEŊ Catholic

¹⁰ Kucel obedo mito pa Rwoth ni go wolimi litho; to miyo go kumo, munyo olokere cowirok ma cwako reco, go laneno nyikwaye, go lamedo ndelo pere; aka luwo i go atoŋa pa Rwoth latundo i kare.

KITAWO MALEŊ

¹⁰ Kucel obedo mito pa Rwoth ni go wolimi litho; to miyo go kumo, munyo olokere cowirok ma cwako reco, go laneno nyikwaye, go lamedo ndelo pere; aka luwo i go atoŋa pa Rwoth latundo i kare.

Isaya 53:10 ပူးပေါင်းရင်းမြစ်များ

Zabuli 110:3

I ndelo ma meni perin onyuthere iye, ji perin wegi jolamiyere rin. Paka thoyo ma ŋamba, cwo perin ma nyaka joay jolabino, bongin i wi tendere maleŋ.

Zabuli 147:11

to Rwoth siemere i jono ma jolworo go, i jono ma jogeno i mar pere makiwire.

Zabuli 149:4

Kole Rwoth limo kisangala i ji pere, go miyo dwoŋ ri jomamwol gi loyo.

Zabuli 21:4

Go okwayin kwo, t'imiyo go, kwo mabor ma cil gi cil.

Zabuli 22:30

Luse ma yuwaŋe jobino tiyo rigo, jobino waco ri luse ma yuwaŋe kwoŋ Rwoth.

Zabuli 22:31

Ibino waco ri ji ma fodi k'onywol ni, “Rwoth obotho ji pere.”

Zabuli 69:26

Kole jomiyo litho ri jono m'itieko rwadho piny, aka ŋat'itieko miyo litho jomedo cando.

Zabuli 72:17

Weyi nyingi kere woyindira cil gi cil, ŋeyirok pere womedere paka waŋceŋ! Weyi ji jowonwaŋ silwany pa kere, nonin je jowolwoŋ go ni jasilwany!

Zabuli 72:7

I hongo pere weyi wotim gim'otire, to siem bedo, cuka dwe owey liel.

Zabuli 89:29

Dhum pere bino bedo cil gi cil, nyikwaye jobino bedo kere noknok.

Zabuli 89:36

Go bino bedo gi nyikwaye noknok, aka abino kuro keri pere kafodi ceŋ liel.

Isaya 42:1

Neni ŋeca paran ee, m'athielo, dhano paran m'ayero, ma cunyan sangala gine, atieko ketho cuny paran kwoŋe, go lakelo tiro ri nonin.

Isaya 46:10

Atuco gike wok i cakirok, aka wok cene atuco gima fodi k'otimere. Awaco ni, atoŋa paran latundo i kare, aka alatimo gim'amito.

Isaya 49:4

To awaco ni, “Atieko tic ma nono, atieko oro meni paran, m'ongoye gim'alimo gipilok, kucel adieri, tim paran Rwoth oneno, aka kemba paran nigi Were paran.”

Isaya 53:12

Riameno alapoko go migew gi jomadongo, go lapoko lim m'onyaga gi jom'ocwiny; rupiri okonjo woko kwo pere i tho, t'ikwano go gi joreco; kucel otiŋo reco pa ji kweth, to kwayo ri joreco.

Isaya 54:3

Ilayawo kew perin i thenge maracuc gi maracam, ji perin joladwoko i lowo, ma nonin man oyido jobed'iye. Ji jolabedo i tindin ma pama obedo gundin.

Isaya 61:9

Kisi nono laŋeyo nyikway jo, aka ji jolaŋeyo nyithindho pajo. Ji je ma joneno jolaŋeyo, ni jobedo ji ma Rwoth otieko miyo silwany.

Isaya 66:22

Rwoth waco ni, Paka polo manyen, gi piny manyen, m'abino timo, joladoŋ ruwaŋan, ameno apaka nyikway win gi nyingi win ladoŋ.

Isaya 9:7

Dhum pere k'orumi, aka siem labedo cil gi cil, i wi kom ma dhum pa Daudi gi ker pere, cako gi mako matek, gi tiro kodi timo gim'otire, wok i hongo me kadho yuwaŋe aka cil gi cil. Rwoth pa lwak jolweny omiyere timo gime.

Yeremia 32:41

Alafore i timo bero rijo, aka alapidho jo i lowo me iy'adieri, gi cunyan je kodi adundo paran je.

Ezekiel 33:11

Waci rijo ni, Paka akwo, Rwoth Were waco, angoye gi siem i tho pa jakidakana, to ni jakidakana wowire i yo pere marac to kwo. Wire wok i yo perin marac; raŋo iripo tho, awi ot pa Isiraili?

Ezekiel 37:25

Jolabedo i piny m'amiyo ŋeca paran Yakobo, ma kwarere pajo bed'iye; jo gi nyithindho pajo gi nyikway jo jobino bedo kenyo cil gi cil aka ŋeca paran Daudi labedo wod kere pajo cil gi cil.

Mika 7:18

Ongoye were man ma cale in Rwoth, icwako reco pa ji perin ma joboth, ikimaki nge kicutho, t'iwinjo maber i nyutho wan mar perin makiwire.

Zefania 3:17

Rwoth Were perin nitie i dier win, jalweny ma miyo loyo, go lafore kwoŋin gi kisangala, go ladwoŋin gi mar pere; go lasiemere kwoŋin gi wer ma malo.

Zekaria 13:7

Cew, Awi abor, kwoŋ jakwath rombo paran, kwoŋ jacwo ma cungo cegin kodan, Rwoth pa lwak jolweny waco. Neki Jakwath rombo, ŋey rombo jowokedhere, aka alawiro cingan kwoŋ mathindho mere.

Kwan 7:15

Rwath acel, wod rombo acel, nyathi rombo acel ma jaoro acel, ma mic awaŋa.

Matayo 17:5

Munyo go oyido fodi luwo, pondeponde matar obino to thoko jo aka dwondi moro m'owok i pondeponde owaco ni, “Me Wodan m'amaro kendo asangala gine; winji win go!”

Matayo 3:17

Gikenyo dwondi nyatoro oluwo wok i polo ni, “Me a Wodan won m'amaro, aka asangala gine.”

Luka 1:33

Go bino dhumo nyikway Yakobo cil gi cil aka Ker pere bino ngoye gike.”

Yohana 1:29

Yawere mere Yohana oneno Yesu munyo bino bonge to waco ni, “Neni Nyathi rombo pa Were ma kwanyo woko gimarac ma piny!

Yohana 12:24

Adieri awaco riwin, ka nyingi kal moro k'opidhi i lowo to tho, go doŋadoŋa acel mangil. To k'otho, nyaka nywolo nyingi kal kweth.

Yohana 13:32

K'inen Were onyo otieko limo dwoŋ i go, meno Were won gipi ama bino miyo Wode dwoŋ, aka bino timo ameno mayot.

Joroma 6:9

Kole waŋeyo ni Kristo ocerino kwoŋ jom'otho aka kilatho kendo; tho ongoye gi meni kwoŋe kende.

Joroma 8:32

K'inen Were k'ogwoko kiri Wode won, to omiyo go ri wajoje! Onyo go k'omiy wan gimoro je nono kanyacel gi Wode?

Joroma 8:8

Aka joma jotero kwo pajo i timo gima del yenyo jokinyal kisangala Were.

2 Jokorintho 5:21

Kristo oyido ongoye gi gimarac, to Were omiyo go riwirok gi wan i gimarac mawan, ŋey i Kristo, wanyal bedo paka tiro pa Were.

Jogalasia 3:13

Munyo Kristo olokere ŋat'okwoŋ ka waŋ wan, ogonyo wan woko kwoŋ ma Cik kelo, rupiri ndiko waco ni, “Nyatoro je m'olier wi yath meno ŋat'okwoŋ.”

Joefeso 1:5

Mar pa Were, omiyo go oridho con ni walokere nyithindho pere i Yesu Kristo. Me obedo foyo pere kodi atoŋa pere.

Joefeso 1:9

Were otimo gim'onwaŋo otieko cano, to miyo wan ŋeyo can pere manyaliŋliŋ ma go onwaŋo otieko yiko timo i Kristo.

Joefeso 5:2

Wiripo bedo gi mar paka Kristo omaro wan to miyo kwo pere ro wan paka cowirok maŋwe kur ri Were.

2 Jothesalonika 1:11

Me am'omiyo wakwayo riwin noknok, ni Were mawan wokonyi win winyal ripo gi kwo m'olwoŋ'iye win. Aka gi meni pere, woyeŋi cuny win iy'atoŋa maber ma winigine, kodi tic ma witimo wok kwoŋ yeyo.

Joebulaniya 2:13

Go odoko owaco ni, “Abino ketho geno paran i Were.” Aka owaco kendo ni, “E anika gi nyithindho ma Were omiyan.”

Joebulaniya 7:27

Go kicale jodongo pa jocway ri Were i wi migam man; go kiyenyere cowirok wi migam ndelo je: Ni kutho ri reco pere won, aka nyaka wocowere ri reco pa joman bende. Go ocowere wi migam dicel kende to makicutho, munyo go won omiyere paka cowirok.

Joebulaniya 9:14

Kosa to remo pa Kristo m'omiyere i leŋo cungo kwoŋ tic pa Cuny ma cil gi cil, nyalo lonyo paro ma cuny wan kalo kenyo didi, kwoŋ tim m'othotho, ŋey watiy ri Were makwo!

1 Petero 2:24

Go won otiŋo reco mawan i delkwoŋe wi musalaba, ŋey wabedi jom'otho ri gimarac to wakwo ri tiro; cungo kwoŋ adholin pere, witieko cango.

Menyirok ri Yohana 1:18

onwaŋo atho, to neni, onyo akwo cil gi cil. Anitie gi meni kwoŋ tho kodi piny pa jom'otho je.