Isaya 52:8 - KITAWO MALEŊ Catholic

⁸ Winji win, jokur mewin jotiŋo dwondi gin malo, jowero kanyacel ro kisangala; kole joneno awaŋ g'awaŋ, dwoko pa Rwoth i Zayon.

KITAWO MALEŊ

⁸ Winji win, jokur mewin jotiŋo dwondi gin malo, jowero kanyacel ro kisangala; kole joneno awaŋ g'awaŋ, dwoko pa Rwoth i Zayon.

Isaya 52:8 ပူးပေါင်းရင်းမြစ်များ

Zabuli 102:22

ka nonin jocokere kanyacel, gi kerin lamo Rwoth.

Wer pa Solomon 3:3

Jokur jonwaŋan, munyo jowaya i tindi madwoŋ, aka apenjo jo ka joneno ran ye ŋata cunyan mito.

Wer pa Solomon 5:7

Jokur m'oyido jowaya i tindi madwoŋ jonwaŋan, jogoyan to jomiyan litho, jokur ma kor ot ma tindi madwoŋ jomayan junga paran.

Isaya 24:14

Ji jotiŋo dwondi gin malo aka jowero ri kisangala, jokoko malo ri dwoŋ pa Rwoth yupodho ceŋ.

Isaya 26:1

Ilawero wer me i ndelo no i lowo ma Yuda. Wanigi tindi madwoŋ matek, Were otieko kelo both, paka kor ot ma iye gi kor ot ma woko.

Isaya 27:2

I ndelo no, wer win kwoŋ ndelo vini ma kisangala!

Isaya 30:26

Dwe laliel paka waŋceŋ, aka waŋceŋ laliel dibirio loyo paka liel, paka ceŋ ma ndelo ario i ndelo acel, i ndelo ma Rwoth otwey to cango adhola m'omiyo ji pere gi goco pere.

Isaya 35:10

Aka jono ma Rwoth otieko botho joladok, to jobino i Zayon gi wer, kisangala ma cil gi cil labedo i wi jo; jolanwaŋo siem gi kisangala, kumo gi rem larumo woko.

Isaya 40:9

Yerusalem, idhi wi got mabor, jamikwenda ma wac maber ri Zayon tiŋi dwondin malo gi meni. Awi Yerusalem, jamikwenda ma wac maber, tiŋi dwondin malo, ikir'ilwor; wac ri tindin madongo ma Yuda ni, “Were mewin ee!”

Isaya 48:20

Wok win i Babilon, ngoye win kwoŋ Jokaldin! Koki win gi wac ma kisangala, tuci win, dhiri win wac kiri witum ma piny, wac win ni, “Rwoth otieko botho Yakobo ŋeca pere!”

Isaya 56:10

Jokur pa Isiraili waŋin otho joje jongoye gi ŋeyo; joje jobedo gwokere m'obadha, ma jokinyal gwe, jomaro swa rierok piny gi lek, jomaro swa nur.

Isaya 58:1

Koki malo, ikir'iliŋ! Tiŋi dwondin malo paka gwara, tuci ri ji paran reco pajo, ri ot pa Yakobo reco pajo.

Isaya 62:6

Awi Yerusalem, aketho jokur, i kor udi perin, odieceŋ gipi gi wor gipi; jokilaliŋ. Jono ma jopoyo Rwoth, jokiywomere.

Yeremia 31:12

Jolabino to jowero wi got Zayon, aka jolakisangala ri gigipiny maber pa Rwoth, ri ŋano kodi vini kodi mo, kodi mwendi kodi dhok. Kwo pajo labedo paka ndelo m'ikonjo iye pi, aka jokilanyapere kendo.

Yeremia 32:39

Alamiyo jo bedo gi cuny acel kodi yo acel, ŋey jowolworan i hongo je, ri bero pajo wegi kodi bero pa nyithindho pajo ma joluw jo

Yeremia 33:11

dwondi jo ma kisangala kodi forok. Lawinjere dwondi jamweha kodi mweha kodi dwondi ji ma jowero, ka jokelo foyo i Ot pa Rwoth ka jowaco ni, “Miy win Rwoth pa lwak jolweny foyo, kole Rwoth ber, aka mar pere makiwire bedo cil gi cil!” Kole aladwoko lim ma lowo paka marapena, Rwoth waco.

Yeremia 33:7

Aladwoko lim ma Yuda kodi lim ma Isiraili, t'ageto jo kendo paka cango con.

Yeremia 6:17

Aketho bende jokur riwin: Winji win dwondi gwara! To jowaco ni, “Wak'owinji.”

Ezekiel 3:17

Wod dhano, akethin bedo jakur i ot pa Isiraili, ilawinjo wac ma wok i dhokan, aka ilagwoko jo kwoŋan.

Ezekiel 33:7

Riameno, wod dhano, atieko lokin paka jakur ma ot pa Isiraili; kisi k'iwinjo wac ma wok i dhokan, iripo gwoko jo ma wok bongan.

Zefania 3:9

Kenyo alalonyo luwo pa nonin, ŋey jowolwoŋ nyingi Rwoth, aka jowotiy rigo iy'acel.

Zekaria 12:8

I ndelo no Rwoth lakikwonga ji ma jobedo i Yerusalem ŋey ŋata nyap kwoŋ jo i ndelo no wocale paka Daudi; aka ot pa Daudi labedo paka Were, paka malaika pa Rwoth ruwaŋ jo.

Tim pa Jomoor 2:1

Munyo ndelo ma Pentekost otundo, jom'oyeyo jocokere kanyacel i ot.

Tim pa Jomoor 4:32

Kitipa pa jom'oyeyo obedo acel i paro kodi i cuny gin. Ongoye ŋat'owaco ni lim pere obedo mar'aora pere kende, to apa ji je.

1 Jokorintho 1:10

Agoyo koko riwin wutmera i nyingi Rwodhiwan Yesu Kristo: Yere win wijoje, i gima wiwaco, aka nyaka tiakirok wokiri wobedi i dier win; riwere win swa munyo winitie gi paro acel kodi atoŋa acel.

1 Jokorintho 13:12

Kole pama fodi waneno gigipiny ma riprip pa ndewiro ma nimnim, to rumacen wabino neno gigipiny awaŋ g'awaŋ. Pama aŋeyo gigipiny adec kende; rumacen abino ŋeyo m'ocowere, aka m'ocowere paka Were oŋeyan.

Joebulaniya 13:17

Winji win jotel mewin, odoko bedi win ma wimwol rijo, rupiri jo jokuro win paka joma ripo tito ri Were kite ma jotiyo gine. Ka wiwinjo jo, aka jobino timo tic pajo gi kisangala; makiweno gi cuny jo m'ocile, aka meno kinyal konyo win.

Menyirok ri Yohana 18:20

Sangala ro podho pere, a polo! Sangala win, ji maleŋ pa Were kodi jomoor kodi jotuci wac Were pere! Kole Were otieko thumo banja rigo ro gima go oyido timo riwin!

Menyirok ri Yohana 19:4

Gikenyo, jodongo piero ario g'aŋwen no kodi cwec aŋwen no, je jogore piny to jolamo Were m'onwaŋo obedo wi kom pere ma dhum no, ka jowaco ni, “Ameno! Paki Were!”