Isaya 50:11 - KITAWO MALEŊ Catholic

¹¹ Ere neni, wijoje ma wimoko mac, to wiketho kasik mac. Woth win i lero ma mac mewin, gi kasik mac ma witieko moko! Me a gima wilanwaŋo wok i cingan, wilanindo piny i litho.

KITAWO MALEŊ

¹¹ Ere neni, wijoje ma wimoko mac, to wiketho kasik mac. Woth win i lero ma mac mewin, gi kasik mac ma witieko moko! Me a gima wilanwaŋo wok i cingan, wilanindo piny i litho.

Isaya 50:11 ပူးပေါင်းရင်းမြစ်များ

Zabuli 16:4

Jono ma joyero were man, jomedo rem pajo. Akibino kidho i cowirok pajo, kosa tuco nyingi jo gi dhokan.

Zabuli 32:10

Jokidakana jobino candirok, to jono ma jogeno Rwoth, mar pere makiwire kwonga jo.

Agecin 26:18

Paka janeko ma celo gilweny ma neki g'aserin cal,

Isaya 55:2

Raŋo wioro pesa ri gima k'obedo cemo, gi meni mewin ri gima kiyeŋ win? Winjan win maber, aka wicam gimaber, to wiyodere gi cemo ma dicwe.

Isaya 8:22

to joŋiyo piny, to jolaneno nyaka litho gi mudho, mudho ma nge, aka ilabolo jo i mudho mapek.

Isaya 9:18

Kole kidakana liel paka mac, aka waŋo okure gi kudhin, paka lul m'otwere maliel, aka dunyo malo siro yiro.

Yeremia 17:4

Gi tim mewin won wilakeŋ gir'alunja ma cango amiyo win, aka alamiyo witiy ri jokwor mewin i piny ma wikuya, kole i nge paran mac omoko ma laliel cil gi cil.

Ezekiel 20:39

Paka riwin, awi ot pa Isiraili, Rwoth Were waco. Kadhi witiy ri calin mewin kisi dhano kwoŋ win pama kodi rumacen k'inen wikilawinjan. To wikilakoco nyingan maleŋ kendo gi mic mewin kodi calin mewin.

Amos 4:10

“Adhiro kwoŋ win two nundu, paka ma cango adhiro ri Misir. Aneko yac mewin gi toŋ, atiŋo woko kayina mewin, t'amiyo ŋwece ma kambi mewin donjo i ywor um win, kucel wikidwoko bongan.

Amos 4:9

Adhiro koyo malieth thwo cemo mewin. Bonyo ocamo ndelin mewin gi ndelin vini mewin, makuyu gi nanzi mewin, to je wikidwoko bongan.

Yona 2:8

Joma jolamo cal ma bukony, jowiro ŋey jo rin.

Habakuk 2:13

Kiwoki bongi Rwoth pa lwak jolweny, nike nonin jotiyo nyaka ma pidhere gi mac, aka nonin jolacere ri gim'ongoye?

Matayo 22:13

Gikenyo kere owaco ri jotic ni, ‘Tweyi win cinge gi tiende wiboli go i mudho kama nitie iye ywakirok gi kayo lak.’ ”

Matayo 8:12

To jom'oyido joripo bedo i Ker ibino bolo jo woko i mudho kama jobino ywak'iye to jomwodo laki gin.”

Yohana 8:24

Am'omiyo awaco riwin nike wibino tho i reco mewin. Aka wibino tho i reco mewin rupiri wikiyey nike, ‘An ago ma atuco riwin.’ ”

Yohana 9:39

Yesu owaco ni, “Abino i piny ka thumo banja, ŋey joma waŋ gin otho jowoneni, aka joma neno jowolokere joma waŋ gin otho.”

Joroma 10:3

Fodi jok'oniaŋ royo ma Were keth'iye gi go ji i tiro gine, aka wegi jotieko temo cwogo royo pajo; am'omiyo jok'ojolo royo ma Were keth'iye gine ji i tiro.

Yakobo 3:6

Lew jo bende cale mac. Obedo dak reco manitie gi kabedo i delkwoŋ wan aka nyayo reco i kwo mawan gipi; go moko mac i kwo mawan gipi, aka go won bino waŋ i mac makitho.

Menyirok ri Yohana 19:20

To omako ogwaŋ no, kanyacel kodi jatuci wac Were ma twodo m'oyido jotimo gir'aura rigo. (Gir'aura no ama go owondo gine ji m'onwaŋo jonitie gi ranyuth p'ogwaŋ no to jolamo cal p'ogwaŋ no.) Ogwaŋ no kodi jotuci wac Were ma twodo je obol jo makwo i wakawaka ma mac kodi telin ma gamo mac mayot pa kibiriti.

Menyirok ri Yohana 20:15

aka nyatoro je ma k'onwaŋ nyinge i kitawo ma kwo, bende obol i wakawaka ma mac no.