Isaya 50:10 - KITAWO MALEŊ Catholic

¹⁰ Ŋa kwoŋ win ma lworo Rwoth, aka winjo dwondi ŋeca pere, ma wotho i mudho, aka ongoye gi lero, kucel ketho geno i nyingi Rwoth, aka goŋere kwoŋ Were?

KITAWO MALEŊ

¹⁰ Ŋa kwoŋ win ma lworo Rwoth, aka winjo dwondi ŋeca pere, ma wotho i mudho, aka ongoye gi lero, kucel ketho geno i nyingi Rwoth, aka goŋere kwoŋ Were?

Isaya 50:10 ပူးပေါင်းရင်းမြစ်များ

2 Samwiri 22:29

In Rwoth, ibedo tala paran, aka iloko mudho paran lero.

1 Kigana kwoŋ Kerin 5:20

Joketho geno pajo i Were aka jokwayo go kony, to Were dwoko kwayo pajo aka omiyo jo loyo kwoŋ jo Hagra kodi jokony pajo.

2 Kigana kwoŋ Kerin 20:12

Ibedo Were mawan, ik'othum rijo banja? Kole wangoye gi meni ma ciro ji kweth me je ma jobino monjo wan. Wakuya gir'atima to waketho waŋ wan kwoŋin.”

2 Kigana kwoŋ Kerin 20:20

Jocewi odikin i ndelo ma luwo, joay to jokadho i thim ma Tekowa, aka paka jokadho, Yehosafat ocungo to waco ni, “Winjan win ji ma Yuda kodi Yerusalem! Yey win Rwoth Were; aka wilacungo matek; yey win jotuci wac Were pere aka wilanwaŋo gima wimito.”

Yobu 13:15

Neni, onyo angoye gi geno, Were lanekan, to alakiosa ruwaŋ go.

Yobu 29:3

I hongo no Were oyido bedo kodan noknok, aka gi lero pere awotho i mudho.

Zabuli 111:10

Lworo Rwoth obedo cakirok ma rieko; jono ma joluwo Or pere jonigi niaŋ maber. Wopak go cil gi cil.

Zabuli 128:1

Jasilwany a ŋata lworo Rwoth, ma wotho i yo pere.

Zabuli 145:21

Dhokan laluwo kwoŋ pak pa Rwoth, aka weyi cwec pere je jowopaki nyinge maleŋ cil gi cil.

Zabuli 23:4

Makada nende awothi i milelo, i tipo ma tho, akilwor raco, kole initie kodan. Abiro gi luth perin ma kwath, kwonga an.

Zabuli 25:12

Ŋa ma lworo Rwoth? Ŋato ama Rwoth bino fonjo yo ma go ripo luwo.

Zabuli 25:14

Rwoth mako mere gi jono ma jolworo go, aka nyutho cikirok pere rijo.

Zabuli 28:7

Rwoth obedo meni paran aka kwot paran, aketho geno paran i go. Rwoth miyan kony aka sieman, apako go gi wer ma kisangala.

Zabuli 42:11

Adundo paran raŋo iŋedhere? Raŋo irembo? Kethi geno i Were; kole alapako go kendo, jakony paran aka Were paran.

Zabuli 62:8

Geni Were hongo je, ji paran, oy adundo perin ruwaŋe, Were obedo k'apondo mawan.

Jafonji 12:13

Me gike ma wac, kisi gimoro je otiek winjo. Lwor Were, aka ikuri or pere, kole me gima ji je joripo timo.

Isaya 10:20

I ndelo no Joisiraili gi Joyuda ma joboth kendo jokilagoŋere kwoŋ piny m'otemo reyo jo woko, to jolagoŋere kwoŋ Rwoth Maleŋ pa Isiraili, iy'adieri.

Isaya 12:2

Neni, Were obedo both paran, alageno go, aka akilabwok; kole Rwoth obedo meni paran gi wer paran, go otieko bedo both paran.

Isaya 26:9

An won awanya in wor gipi, cunyan i an koro dwarin adieri. Kole ka thumo banja perin nitie i piny, ji ma jobedo i piny jofonjere timo gim'otire.

Isaya 42:1

Neni ŋeca paran ee, m'athielo, dhano paran m'ayero, ma cunyan sangala gine, atieko ketho cuny paran kwoŋe, go lakelo tiro ri nonin.

Isaya 50:4

Rwoth otieko miyan, lew joma jofonjere, ŋey anyal ŋeyo nger ma miyo meni, ri ji ma jolacere. Kisi odikin go cewan, cewo ithan, winjo paka ji ma jofonjere.

Isaya 53:11

Rumacen ma kwo ma candirok, go laneno kisangala; go laŋeyo ni k'ocandere ma nono. Ŋeca paran m'omiyere, aka ma sangala an, latiŋo gir'acula pa ji kweth, aka ro go alacwako rijo.

Isaya 59:9

Riameno, tiro nitie bor gi wan, aka tiro kitundi riwan, wakuro lero, to neni, mudho ama nitie. Wakuro piny wocoti, to wawotho i mudho.

Isaya 8:17

Alakuro Rwoth, go ma pano waŋe kwoŋ ot pa Yakobo, aka alaketho geno paran i go.

Isaya 9:2

Ji m'oyido jowotho i mudho, jotieko neno lero madwoŋ, oyido jobedo i piny ma mudho, to lero omenyo jo.

Ywakirok 3:2

Go odhiran to kelan, wotho i mudho m'ongoye lero.

Nahum 1:7

Rwoth ber, go obedo kapondo i ndelo ma teko; go oŋeyo jono ma jorango kapondo i go.

Zefania 3:12

Kole alaweyo i dier win, ji ma jomwol aka jobwonere. Jolarango kapondo i nyingi Rwoth;

Hagay 1:12

Zerubabel wod Salitiel, Yesuwa wod Yehozadak, gi ji je m'oyido joboth, jowinjo dwondi Rwoth Were pajo, kodi wac pa Hagay jatuci wac Were, paka Rwoth Were pajo ooro go; aka ji jobedo gi lworo ruwaŋ Rwoth.

Malaki 3:16

Kenyo jom'oyido jolworo Rwoth joluwo wegi, aka Rwoth owinjo gima jowaco, aka kitawo pa ji ma jolworo Rwoth aka joworo go ondiki.

Yohana 12:46

Abino i piny ka paka lero ŋey nyatoro je ma yeyan, wokiri wodoŋ i mudho.

Yohana 8:12

Yesu odoko oluwo gi jo ni, “Abedo lero ma piny; ŋata luwan bino bedo gi lero ma kelo kwo aka k'owothi i mudho.”

Joefeso 5:8

Kole con oyido wibedo jomudho, to pama onyo wilokere joparo i Rwoth. Riameno woth win paka nyithindho ma lero.

Joebulaniya 5:9

Aka munyo otiek lonyo go kicutho, go olokere jakeli kwo makirum ri ji je ma jomako wac pere;

1 Petero 5:7

Kethi win rembo mewin je kwoŋ go, rupiri go dewo kwoŋ win.

1 Samwiri 30:6

Daudi oyido nitie i teko rupiri cwo pere oyido jonitie gi gwayo i cuny jo aka oyido joluwo kwoŋ goyo Daudi gi telin ro nyithindho pajo. To Rwoth Were pere miyo go miseni.