Isaya 5:7 - KITAWO MALEŊ Catholic

⁷ Kole ndelo vini pa Rwoth pa lwak jolweny, obedo ot pa Isiraili, aka ji ma Yuda, jobedo yen vini ma go pidho gi kisangala. Go oyido mito tiro, to oneno jooyo remo! Go oyido mito jowotimi gim'otire, to owinjo ywak pa ji!

KITAWO MALEŊ

⁷ Kole ndelo vini pa Rwoth pa lwak jolweny, obedo ot pa Isiraili, aka ji ma Yuda, jobedo yen vini ma go pidho gi kisangala. Go oyido mito tiro, to oneno jooyo remo! Go oyido mito jowotimi gim'otire, to owinjo ywak pa ji!

Isaya 5:7 ပူးပေါင်းရင်းမြစ်များ

Cakirok 4:10

Kenyo Rwoth openjo ni, “Aŋo m'itimo? Remo p'omin in ywak ran wok i lowo.

2 Samwiri 7:10

Aka abino yero kabedo ri ji paran Isiraili, aka alapidho tiendi jo kenyo kapa jo wegi m'ongoye ŋata bino cando jo kendo; aka cwo ma jomaker jokibino miyo jo litho paka cango;

Yobu 34:28

Jomiyo jocandi ywak ri Were, aka Were owinjo ywak pa joma nitie i litho.

Zabuli 147:11

to Rwoth siemere i jono ma jolworo go, i jono ma jogeno i mar pere makiwire.

Zabuli 149:4

Kole Rwoth limo kisangala i ji pere, go miyo dwoŋ ri jomamwol gi loyo.

Zabuli 80:15

Biye both yath vini ma in won ipidho me, vini ma nyaka ay m'imiyo dongo matek!

Kitawo mar'ario mapa Musa m'ilwoŋo ni Wok 3:7

Kenyo Rwoth owaco ni, “Atieko neno litho pa ji paran ma jonitie i Misir, aka atieko winjo ywak pajo ro ji ma jodiyo jo; aŋeyo kidamba pajo,

Agecin 21:13

K'iculo ithin ri ywak pa jacandi, in bende ilaywak aka ongoye ŋata lawinjin.

Jafonji 4:1

Kenyo awire t'aneno adica je m'itimo i pendi waŋceŋ. Aka neni, pigi waŋ jom'idiyo, m'ongoye ŋat'odiy cuny jo! Kareno joma diyo jo, jonitie gi meni, to ngoye ŋat'odiy cuny jo.

Wer pa Solomon 7:6

Nga iŋon, aka iber anena, awi ŋat'omar, nyar kere m'ayodere gine.

Isaya 1:21

Tindi madwoŋ m'oyido timo adieri, olokere nedi malaya! Go m'oyido opoŋ gi tiro, m'oyido itim'iye gim'otire, onyo pama jonek!

Isaya 1:6

Wok i par tiendi win kiri i wiwin, ongoye kama ber, kwanyowoko alama gi dhethi, g'adholin macwer, ma k'obiy kosa k'otwey, ma kimadi kosa kirway gi mo.

Isaya 27:2

I ndelo no, wer win kwoŋ ndelo vini ma kisangala!

Isaya 3:14

Rwoth bino ri thumo banja, gi jodongo kodi jodhum pa ji pere. Win wiŋati winyaga ndelo vini, udi mewin opoŋ gigipiny pa jocandi.

Isaya 3:15

Winyutho aŋo ka wiŋinyo ji paran, ka wirego nyim jocandi? Rwoth pa lwak jolweny waco.

Isaya 3:17

Riameno Rwoth laketho situka, i wi mon ma Yerusalem, to lero wi jo gi pata.

Isaya 30:12

Riameno Were maleŋ pa Isiraili waco ama: Kwoŋbedo witieko kwero wac me, aka witieko ketho geno iy'akaka gi twodo, aka wigoŋere kwoŋe.

Isaya 46:12

Winjan win, win jowictek, win ma wibor gi both:

Isaya 5:2

Ofuro to dimo woko telin, to pidho yen vini maber loyo. Ogeto acurcur ma kuro i dier ndelo, aka okunyo bur ma biyo nyinge, ogeno ni lanyak olemo, to, onyak olemo makec ayino.

Isaya 59:13

Wagwenyere to wakwedere kwoŋ Rwoth, aka wakwero luwo Were mawan. Waluwo wac mar'adica gi ma gwenyirok, waere gi wac ma twodo aka watuco jo wok iy'adundin mawan.

Isaya 59:14

Tiro odwoki yucen, aka ongoye gim'otire m'itimo. Kole adieri ongoye i kapido, aka genirok ongoye.

Isaya 59:4

Ongoye ŋata donjo i kapido g'adieri, aka wiluwo twodo i kapido; wigoŋere kwoŋ ywakirok ma twodo, joluwo twodo, witimo can mewin ma miyo joman litho.

Isaya 62:5

Kole paka jayac nywomo dhako mambula, ameno apaka yac perin lanywomin. Aka paka jamweha fore gi mweha pere, ameno apaka Were perin lafore kodin.

Yeremia 12:10

Jokwath kweth jotieko reyo woko ndelo vini paran, jotieko nyono piny ndelo paran, jotieko loko ndelo paran maŋon, thim m'ojwangi.

Yeremia 24:2

Adita marapena otiŋo nyandere maber tektek, nger nyandere ma pen cek; to adita man mere oyido otiŋo nyandere marac tektek, ma k'onyalo camere.

Yeremia 50:46

Piny lakirin to yengere ka Babilon opodho, aka ywak pere lawinjere i dier nonin.

Ezekiel 22:29

Ji ma lowo jotimo akor aka jokwalo, jotieko diyo jocandi kodi ji ma bu gimoro, aka jotieko tero jopath marac.

Hoseya 10:1

Isiraili obedo yath vini ma camo kwo, ma nyak olemo. Paka ranyak pere omedo bedo i thotho, apaka bende ogeto migame kweth; paka piny omedo dongo, go omedo dongo sirin pere.

Mika 6:12

Joŋaŋo mewin jopoŋ gi maker, joluwo twodo, aka lew gin opoŋ luwirok kicar.

Mika 6:8

Rwoth otieko nyuthin gimaber, in nyatoro, aŋo ma Rwoth mitin itim, ka k'obedo timo tiro, nyutho kisa, kodi woth gi mwolo iy'acel gi Were perin?

Habakuk 1:3

Raŋo imiyan aneno kidakana kodi teko? Rerok kodi akaka nitie ruwaŋan; kisi dhano ciro gorok kodi dhawirok.

Zefania 3:17

Rwoth Were perin nitie i dier win, jalweny ma miyo loyo, go lafore kwoŋin gi kisangala, go ladwoŋin gi mar pere; go lasiemere kwoŋin gi wer ma malo.

Matayo 23:23

“Kidamba otundi riwin, jondiko kodi Jofarisayo, jorendirok! Wimiyo Were acel kwoŋ apar ma gicelirok masisiri paka: Katungulu, binzar, kodi gigipiny maŋwe kur man, to wijala gigipiny madongo kwoŋ Cik paka: Bedo gi tiro, wor, kodi genirok ruwaŋ Were; gigipiny me onwaŋo wiripo ketho i tim, ma wikijala giman megi.

Luka 18:7

Onyo Were ama k'oneni gir'atima ri ji pere m'oyer, ma jogoyo rigo koko wor g'odieceŋ? Wiparo ni go bino galo tektek gi konyo jo?

Yohana 15:2

Go turo woko jangi yath moro je i an ma kinyak, aka sewila to yiko jangi yath je ma nyak ŋey womedi nyak madit.

Kitawo mar'abic mapa Musa m'ilwoŋo ni Cik 15:9

Gwokere bedo gi paro ma bukony i cunyin, t'iparo ni, “Oro mar'abirio, oro ma reyo woko banja nicegin.” T'itero jager perin gi gwayo, t'ibedo m'ikimiyo go gimoro. Jager perin nyalo ywak ri Rwoth to bedo reco rin.

Yakobo 5:4

Pawinji win! Kemba ma wikiculo jotic ma jotiyo i ndelin mewin icade koko ka osa win. Aka ywak pa jokeco riwin otieko tundo i ithi Were, Rwoth pa lwak jolweny!