Isaya 5:16 - KITAWO MALEŊ Catholic

¹⁶ To Rwoth pa lwak jolweny, nyutho dwoŋ pere gi timo gim'otire, aka Were Maleŋ nyutho leŋo pere gi tiro.

KITAWO MALEŊ

¹⁶ To Rwoth pa lwak jolweny, nyutho dwoŋ pere gi timo gim'otire, aka Were Maleŋ nyutho leŋo pere gi tiro.

Isaya 5:16 ပူးပေါင်းရင်းမြစ်များ

1 Kigana kwoŋ Kerin 29:11

Aperin, awi Rwoth, obedo dwoŋo, meni, dwoŋ, loyo kodi dhum; kole gigipiny ma i polo kodi ma i piny obedo aperin; ibedo Kere, awi Rwoth, aka jadhum madwoŋ loyo kwoŋ gigipiny je.

Zabuli 21:13

Wapakin Rwoth, ro meni perin madwoŋ! Wabino wero ka wapako meni perin.

Zabuli 46:10

Go waco ni, “Liŋ, aka iŋey ni abedo Were, adwoŋ i dier nonin, adwoŋ i piny gibe.”

Zabuli 9:16

Rwoth omenyere thumo banja gi tiro, aka jokidakana jomoko gi tim pajo wegi.

Isaya 12:4

Wilawaco i ndelo no, miy win Rwoth foyo, lwoŋ win nyingi go, miy win tim pere woŋeyere i dier nonin, tuci win ni nyingi go dwoŋ.

Isaya 2:11

Waŋ ji ma pakirok iladwoko piny, aka delok pa kisi dhano ilamwolo aka Rwoth kende am'ila tiŋo malo i ndelo no.

Isaya 2:17

Pakirok pa ji ilamwolo, aka delok pa kisi dhano iladwoko piny aka Rwoth kende am'ila tiŋo malo i ndelo no.

Isaya 2:9

Ameno dhano mwole, aka kisi dhano dwokere piny, ikir'icwaki rijo!

Isaya 28:17

Alaketho tiro paka bol ma kipima, timo gim'otire paka gi bipo, pe layweyo woko kapondo ma twodo, aka pi lapoŋ i kabwok.

Isaya 29:23

Kole ka go onen nyithindho pere, tic ma cingan i dier go, jolatero nyingan maleŋ; jolamiyo Ŋataleŋ pa Yakobo dwoŋ, aka jolalworo Were pa Isiraili.

Isaya 30:18

Riameno Rwoth kuro nyutho win wor; go laay malo nyutho win wor. Kole Rwoth obedo Were ma timo tiro, josilwany a jono je ma jokuro go.

Isaya 33:10

Rwoth waco ni, “Onyo alaay malo, aka alatiŋere malo, onyo ilatiŋan malo.

Isaya 33:5

Rwoth oŋawere, go bedo malo; go opoŋo Zayon gi tiro kodi timo gim'otire.

Isaya 57:15

Kole Jamalo swa, ŋataleŋ waco, go makwo cil gi cil, ma nyinge Leŋ. Abedo kam'oŋawere, kamaleŋ, gi jono bende ma joŋuto aka jobwonere i cuny, dwoko cuny jomamwol, gi dwoko cuny joma ŋuto reco.

Isaya 6:3

Acel oyido lwoŋo nyawote to waco ni, “Maleŋ, Maleŋ, Maleŋ! Rwoth pa lwak jolweny! Dwoŋ pere opoŋ i piny gibe.”

Isaya 61:8

Kole an Rwoth, amaro tiro, adaki kwo gi timo gi komo; alamiyo ji paran kemba iy'adieri, aka alatimo gi jo cikirok ma cil gi cil.

Isaya 8:13

To Rwoth pa lwak jolweny kende ama iter paka ŋataleŋ, weyi go ama wobedi lworo gi bwok perin.

Ezekiel 20:41

Alayeyo win paka ŋwece kur ma sangala an, k'anowodhi win wok i dier nonin, aka alacoko win wok i piny kama wikedher'iye. Alanyutho leŋo paran i dier win ruwaŋ nonin.

Ezekiel 28:22

Waci ni, Rwoth Were waco ama: Acomere kodin, awi Sidon, aka alalimo dwoŋ i dier in, ji jolaŋeyo ni An abedo Rwoth, k'athumo banja i iye, t'anyutho leŋo paran.

Ezekiel 28:25

Rwoth Were waco ama: K'atieko coko ot pa Isiraili wok i dier nonin kama jokedher'iye, t'anyutho leŋo paran i jo ruwaŋ nonin, kenyo jolabedo i lowo pajo wegi m'amiyo ŋeca paran Yakobo.

Ezekiel 36:23

Alaloko nyingan madwoŋ maleŋ, m'otieko koco i dier nonin, ma bende witieko koco i dier jo; aka nonin jolaŋeyo nike Abedo Rwoth, Rwoth Were waco. Alaoro win ma nyutho nonin ni abedo ŋataleŋ.

Ezekiel 38:16

Ilabino lweny gi ji paran Isiraili, paka pondeponde ma umo piny. I hongo ma yuwaŋe, alakelin i cingan ŋey nonin jonyal ŋeyan, kareno joluwo kwoŋin, awi Gog, alanyutho leŋo ruwaŋ jo.

Ezekiel 38:23

Ameno alanyutho dwoŋ paran gi leŋo paran, t'anyuthere i waŋ nonin kweth. Nyaka to joŋeyo ni An Abedo Rwoth.

Jolevi 10:3

Musa owaco ri Aron ni, “Me a gima Rwoth owaco: ‘Luwo kwoŋ jono ma jocore bongan, alanyutho leŋo paran, aka ruwaŋ ji je, alalimo dwoŋ.’ ” Aka Aron oliŋaliŋa.

Kwan 20:13

Oyido obedo pi ma Meriba, kama ji ma Isiraili jodhaw'iye gi Rwoth, kodi kama go bende onyutho gine leŋo pere i dier jo.

Joroma 2:5

To initie gi wictek aka cunyin dicay. Am'omiyo iwon imiyo gir'acula perin labedo madwoŋ swa i ndelo ma keme pa Were bino nyuther'iye ma thumo banja mar'adieri.

1 Petero 1:16

rupiri ndiko waco ni, “Wiripo bedo maleŋ, rupiri aleŋ.”

1 Petero 2:15

Kole Were yenyo ni tim mewin mabeyo woum luwo masisiri mapa jomamiŋ.

1 Petero 3:15

To i cuny win, wor win Kristo paka Rwoth. Ndiri je yikere win ma dwoko ŋata lwoŋo win tito geno ma winigine.

Menyirok ri Yohana 3:7

Ri malaika ma kitipa pa jom'oyeyo ma Filadelifia ndiki ama: Me mikwenda ma wok bongi Ŋataleŋ kendo ŋat'obedo Mar'adieri, ma tiŋo rayaw pa Daudi, ma k'oyawo gimoro nyatoro kinyal cego, kendo gima go ocego nyatoro kinyal yawo.

Menyirok ri Yohana 4:8

Kis'acel kwoŋ cwec makwo no oyido nitie gi bwombe aucel, aka omore gi waŋe kwoŋe gipi kiri i pendi bwombe. Cwec no jowero ma jokiliŋ wor g'odieceŋ ni: “Maleŋ, maleŋ, maleŋ, obedo Rwoth Were Majameni je, m'obedo con, ma pama nitie, aka labino.”