Isaya 5:13 - KITAWO MALEŊ Catholic

¹³ Riameno ji paran jokadho bedo jopath ro ngoye gi niaŋ; cwo pajo m'iworo jotho kec, aka ji ma kisi ndelo jolatho ro riyo pi.

KITAWO MALEŊ

¹³ Riameno ji paran jokadho bedo jopath ro ngoye gi niaŋ; cwo pajo m'iworo jotho kec, aka ji ma kisi ndelo jolatho ro riyo pi.

Isaya 5:13 ပူးပေါင်းရင်းမြစ်များ

2 Kerin 17:6

I oro mar'abuŋwen ma dhum pa Hoseya, kere ma Asiria omako Samaria, aka otero Joisiraili i Asiria paka jotwec lweny. Oketho jo bedo i tindi madwoŋ Hala, megi cegin gi malawa Habor iy'adec ma Gozan, aka megi i tindin madongo ma Madiya.

Agecin 10:21

Wac pa jom'otire pidho ji kweth, to jomamiŋ jotho ro miŋo.

Isaya 1:3

Merikwa oŋeyo won mere, aka punda ma roya oŋeyo wer ma cemo pa jadwoŋ pere, to Isiraili okuya an, ji paran jokiniaŋ.

Isaya 1:7

Piny mewin ojwangere, tindin mewin madongo iwaŋo gi mac, kareno wineno ama. Jokicar josika lowo mewin, ojwangere paka jopath jomako.

Isaya 23:9

Obedo atoŋa pa Rwoth pa lwak jolweny, nyeko kwoto ma ŋono je, kelo cay kwoŋ jom'iworo je i piny.

Isaya 27:11

Ka jangi yen jothwo, ituro, mon jobino dimo aka jomoko gine mac. Kole me ji ma jongoye gi niaŋ, riameno jacwec pajo kilamako gi jo wor, go m'ocweyo jo k'onyutho jo ŋono.

Isaya 3:1

Kole neni, Rwoth, Rwoth pa lwak jolweny, kwanyo wok i Yerusalem gi Yuda, kony gi luth ma kwath, kony je ma cemo, gi kony je ma pi.

Isaya 3:3

jatel ma piero abic, gi ŋat'iworo, jamic rieko gi jandijo ma timo gir'aura ma curcur, kodi jandijo ma kingirok.

Isaya 44:19

Ongoye ŋata par, ongoye ŋeyo je kosa poko bero kwoŋ raco, ma waco ni, “Adec mere awaŋo i mac; atedo bende mugat i cuk mere, abulo riŋo t'acamo. Onyo anoloki m'odoŋ mere gir'amien? Anoriere piny ruwaŋ kidhur yen?”

Isaya 49:21

Kenyo ilapenjere i cunyin ni, “Ŋa m'onywolo ran nyithindho me je? Oyido aywak aka akinywol, oyido ajawiloka aka obolan, to ŋa won m'opidho nyithindho me je? Oyido adoŋ kendan, onyo nyithindho me jowok kune?”

Isaya 65:13

Riameno me apaka Rwoth Were waco, ŋecin paran jolacemo, to kec laneko win, ŋecin paran jolabedo gi gir'amadha, to riyo laneko win, ŋecin paran jolafore, to wilabedo giwickwot.

Yeremia 14:18

K'akidho woko i ndelo, aneno ji m'oneki jo g'abor! K'adonjo i tindi madwoŋ, aneno ji ma jotho kec! Kole jatuci wac Were kodi jacway ri Were i wi migam jotieko ŋweyo piny, aka jongoye gi ŋeyo.

Yeremia 14:3

Joŋaŋo jodhiro ŋecin pajo twomo pi; jotundo i waŋ pi, to jokinwaŋ pi, jodok gi degi pajo m'ongoye gimoro iye. Wickwot gi lworo mako jo aka joumo waŋ jo,

Yeremia 8:7

Kiri obusi ma koyo oŋeyo sawa ma dok; aka akuru, obico, kodi owel jokuro sawa ma dwoko pajo; to ji paran jokuya cik pa Rwoth.

Ywakirok 4:9

Ji m'oneki jo g'abor, jober loyo joma kec oneko jo, ma kwo pajo orere woko, ro ngoye pa cemo m'omiy jo kwo.

Ezekiel 7:12

Hongo obino, aka ndelo otundo, janyew wokiri wosangala, aka jamitan wokiri woywaki, kole keme nitie kwoŋ lwak pajo je.

Hoseya 4:6

Ireyo woko ji paran ro ngoye gi ŋeyo, kwoŋbedo wikwero ŋeyo, akwero win bedo ran jacway ri Were i wi migam. Aka paka wiyin owil gi cik pa Were perin, wiyan bende lawil gi nyithindho perin.

Amos 8:13

I ndelo no yac gi nyir ma fodi jothindho, jobino fodirok piny ro riyo.

Luka 19:44

Jobino reyin woko kicutho gi ji manitie i cel perin; ongoye tele kad'acel ma jowey i wiy nyawote, rupiri ikinyalo ŋeyo ndir ma Were owend'iye rin.”

Joroma 1:28

Paka ji jokwero ketho i paro pajo rieko mar'adieri ma mako kwoŋ Were, go onyo ojala jo ri paro m'otop, ma miyo jo timo gim'oyido jokiripi timo.

2 Petero 3:5

Jotimo atoŋa paŋini jokuya ni cango con Were oluwo aka polo gi piny ocwey, aka piny ocwey wok i pi, aka gi pi.