Isaya 49:3 - KITAWO MALEŊ Catholic

³ Go owaco ran ni, “Ibedo ŋeca paran, Isiraili, ma lakelo ran dwoŋ.”

KITAWO MALEŊ

³ Go owaco ran ni, “Ibedo ŋeca paran, Isiraili, ma lakelo ran dwoŋ.”

Isaya 49:3 ပူးပေါင်းရင်းမြစ်များ

Isaya 41:8

To in, Isiraili, ŋeca paran, Yakobo, m'atieko yero, kodhi pa Abraham, mere paran,

Isaya 42:1

Neni ŋeca paran ee, m'athielo, dhano paran m'ayero, ma cunyan sangala gine, atieko ketho cuny paran kwoŋe, go lakelo tiro ri nonin.

Isaya 43:21

Ji m'atimo ri an won, ŋey jowotuci pak paran.

Isaya 44:23

Wer, awi polo, kole Rwoth otieko timo, koki awi thutho ma piny; bar dwondin gi wer, awi gote, awi lul, gi kisi yath ma iye! Kole Rwoth otieko botho Yakobo, aka go lalimo dwoŋ i Isiraili.

Isaya 50:10

Ŋa kwoŋ win ma lworo Rwoth, aka winjo dwondi ŋeca pere, ma wotho i mudho, aka ongoye gi lero, kucel ketho geno i nyingi Rwoth, aka goŋere kwoŋ Were?

Isaya 52:13

Neni, ŋeca paran labedo gi loyo i tic pere, ilaworo go t'imiyo go dwoŋ, aka labedo malo swa.

Isaya 53:10

Kucel obedo mito pa Rwoth ni go wolimi litho; to miyo go kumo, munyo olokere cowirok ma cwako reco, go laneno nyikwaye, go lamedo ndelo pere; aka luwo i go atoŋa pa Rwoth latundo i kare.

Jolevi 10:3

Musa owaco ri Aron ni, “Me a gima Rwoth owaco: ‘Luwo kwoŋ jono ma jocore bongan, alanyutho leŋo paran, aka ruwaŋ ji je, alalimo dwoŋ.’ ” Aka Aron oliŋaliŋa.

Zekaria 3:8

Mondo winji, Awi Yesuwa, in kodi wadin ma jobedo ruwaŋin, jobedo cwo ma gir'aura; kole neni, acegin kelo ri ŋeca paran jange.

Matayo 17:5

Munyo go oyido fodi luwo, pondeponde matar obino to thoko jo aka dwondi moro m'owok i pondeponde owaco ni, “Me Wodan m'amaro kendo asangala gine; winji win go!”

Yohana 12:28

Baba, miy nyingin dwoŋ.” Gikenyo dwondi jo moro oluwo wok i polo ni, “Atieko miyo nyingan dwoŋ, kendo abino medo timo ameno.”

Yohana 15:8

Me apaka Baba bino limo dwoŋ: Ka wiwodho gima nyak madit ma nyutho ni wibedo jofonjirok paran.

Yohana 17:1

Munyo Yesu otieko waco gime, oŋiyo polo to waco ni, “Baba, hongo otundo. Miy Wodin dwoŋ, aka ŋey Wodin womiyin dwoŋ.

Yohana 17:4

Atieko nyutho dwoŋ perin i piny; atieko timo tic m'imiyan timo.

Joefeso 1:6

Meno aka wopak dwoŋ ma nema pere, mic pere riwan, ma go omiyo wan ma nono i Wode ma migos.

2 Jothesalonika 1:10

munyo go bino Ndelo no limo dwoŋ wok bongi ji pere maleŋ je, kodi nwaŋo wor bongi jom'oyeyo je. Wibende wibino bedo i dier jo, rupiri witieko yeyo mikwenda ma wakelo riwin.

1 Petero 2:9

To wibedo ji m'oyer, jocway ri Kere wi migam, nono maleŋ, ji pa Were won, ŋey winyal pako tim pa Were ma urere, go m'olwoŋo win wok i mudho donjo i lero pere maŋon ma kiwacere.