Isaya 49:2 - KITAWO MALEŊ Catholic

² Otimo dhokan paka abor mabith, opanan i tipo ma par cinge; ocweyan paka asere m'owidhere, i mikoro pere okanan.

KITAWO MALEŊ

² Otimo dhokan paka abor mabith, opanan i tipo ma par cinge; ocweyan paka asere m'owidhere, i mikoro pere okanan.

Isaya 49:2 ပူးပေါင်းရင်းမြစ်များ

Zabuli 91:1

Ŋata bwok bongi Jamalo swa, ŋata nindo i bwombi Jameni je,

Kitawo mar'ario mapa Musa m'ilwoŋo ni Wok 33:22

Aka ka dwoŋ paran luwo, abino kethin kam'oyawere i got t'aumin gi cingan cuka aluwo.

Isaya 11:4

to gi tiro go lathumo banja ri jocandi, to yero gir'atima marom ri jomamwol i piny. Go lamiyo piny gir'acula gi luth ma nyweny ma dhoke, aka laneko jokidakana gi luya ma dhoke.

Isaya 42:1

Neni ŋeca paran ee, m'athielo, dhano paran m'ayero, ma cunyan sangala gine, atieko ketho cuny paran kwoŋe, go lakelo tiro ri nonin.

Isaya 50:10

Ŋa kwoŋ win ma lworo Rwoth, aka winjo dwondi ŋeca pere, ma wotho i mudho, aka ongoye gi lero, kucel ketho geno i nyingi Rwoth, aka goŋere kwoŋ Were?

Isaya 50:4

Rwoth otieko miyan, lew joma jofonjere, ŋey anyal ŋeyo nger ma miyo meni, ri ji ma jolacere. Kisi odikin go cewan, cewo ithan, winjo paka ji ma jofonjere.

Isaya 51:16

Atieko ketho wac paran i dhok win, t'akano win i tipo ma cingan, arieyo polo, t'ageto kindi piny, k'awaco ri Zayon ni, “Wibedo ji paran.”

Yeremia 1:18

An konon alokin paka tindi madwoŋ m'otinda, siro ma nyweny, gi kor ot ma ywel, i wi lowo je, ri kerin ma Yuda, jotel mere, jocway ri Were mere, kodi ji ma piny.

Hoseya 6:5

Riameno atieko dhiro jotuci wac Were thumo rijo banja ma rerok. Atieko neko jo gi wac ma dhokan, aka thumo banja paran kadho pa lero.

Habakuk 3:11

Waŋceŋ kodi dwe jocungo liŋ i kabedo pajo ma malo, i lero mar'asere perin jokadho, i lero ma lithkoth mar'abor perin.

Luka 23:46

Yesu okoko gi derino madwoŋ ni, “Baba! Aketho cunyan i cingin!” Munyo otieko waco ameno to nyaka tho.

Joefeso 6:17

Kethi win both paka junga ma gwoko wiy win, aka wac pa Were paka abor ma Cuny Maleŋ miyo win.

Joebulaniya 4:12

Kole wac pa Were kwo aka tiyo. Bith loyo abor ma nyalewe ario. Thumo kiri kama paro kodi cuny jorom'iye, gi kama kumbo kodi more joriwer'iye. Niaŋ kwoŋ awanya kodi paro pa ji ma iy'adundo.

Menyirok ri Yohana 1:16

I cinge maracuc, go oyido otiŋo micalin abirio, aka abor mabith ma nyalewe ario owok i dhoke, aka nyime onwaŋo cale waŋceŋ maliel gi meni mere je.

Menyirok ri Yohana 19:15

Abor mabith owok i dhoke, ma go bino toŋo woko gine nonin. Go bino dhumo jo kodi luth ma nyweny, aka go bino biyo vini i gibiyo vini ma keme mager mapa Were Majameni je.

Menyirok ri Yohana 2:12

Ri malaika ma kitipa pa jom'oyeyo ma Perigamo ndiki ama: Me mikwenda ma wok bongi ŋata nitie g'abor mabith ma nyalewe ario.

Menyirok ri Yohana 2:16

Am'omiyo ŋuti win kwoŋ reco mewin! Kak'ameno alabino bongi win mayot t'alwenyo gi jono kodi abor ma wok i dhokan.