Isaya 49:18 - KITAWO MALEŊ Catholic

¹⁸ Tiŋi waŋin malo thoko akinen, joje jocokere, jobino bongin. Rwoth waco ni, kafodi go kwo, ilaruko joje kwoŋin paka thiwino, paka ilatweyo jo kwoŋin paka mweha.

KITAWO MALEŊ

¹⁸ Tiŋi waŋin malo thoko akinen, joje jocokere, jobino bongin. Rwoth waco ni, kafodi go kwo, ilaruko joje kwoŋin paka thiwino, paka ilatweyo jo kwoŋin paka mweha.

Isaya 49:18 ပူးပေါင်းရင်းမြစ်များ

Cakirok 13:14

Rumacen munyo Loti otieko pokirok gi go, Rwoth owaco ri Abram ni, “Tiŋi waŋin malo, aka iŋiy maber gi kam'initie iye i kisi thenge.

Cakirok 22:16

aka owaco rigo ni, “An won akwoŋere, aka Rwoth waco ni, rupiri itimo gime aka ikithwonan wodin acel g'acel,

Agecin 17:6

Nyikway jo obedo dwoŋ pa jom'otegino, aka dwoŋ pa nyithindho obedo jonywol pajo.

Isaya 45:23

An won atieko kwoŋirok, aka atuco gi dhokan gim'otire, wac ma kilawire ni, “Kisi nyatoro laguro ran conge, to tuco gi lewe ni An abedo Rwoth.”

Isaya 49:12

Neni, ji paran jolawok bor swa, aka neni, jolawok yumalo gi yupodho ceŋ, gi wok i lowo ma Siyene yupiny.”

Isaya 49:22

Me apaka Rwoth Were waco ri ji pere. Acegin tiŋo cingan ri nonin, t'atiŋo ranyuth paran ri ji, ŋey jowokeli wotin i kor jo, aka nyiki win ilatiŋo i goki jo.

Isaya 52:1

Cew, cew, bedi matek kendo, Awi Zayon! Ruk nangin perin maŋon, awi Yerusalem, tindi madwoŋ maleŋ. Kole ji ma jok'othumere gi jomakoc jok'obin bongin.

Isaya 54:7

I hongo macek ajwangin, to, gi wor madwoŋ alacokin.

Isaya 54:9

Me cal hongo pa Nowa ran, m'akwoŋere ni pi ma hongo pa Nowa wokiri woum piny, ameno akwoŋere ni akilamako nge kodin kendo, aka akilabwokin kendo.

Isaya 61:10

Alafore tektek i Rwoth, adundo paran gipi layodere i Were paran; kole go otieko rukan gi law ma both, go otieko uman gi kanzu ma tiro, paka jamweha koda wiye sangaria, paka mweha kikere gi thiwino pere.

Isaya 66:20

Jolakelo wade perin je wok i piny man paka mic ri Rwoth, i wi kayinin gi cawilin, i ywel kodi i nyithindhi kayina, i wi ŋamia, to jotero wi got paran i Yerusalem, paka Joisiraili jokelo mic ma cemo manyinge iy'atawo m'olony i Ot pa Rwoth.

Yeremia 2:32

Wiy nyako nyalo wil gi pogo pere, kosa wiy mweha wil gi ruk pere? Kucel wiy ji paran owil kodan, ma hongo malac.

Yeremia 31:8

Neni, akidho kelo jo wok i lowo ma yumalo, t'acoko jo wok iy'adec mabor ma piny. Jo waŋtho kodi jor'aŋolo jolabino gi jo, mon ma minyur kodi ma ŋedi ramo jo, kanyacel, lwak madwoŋ ladwoko ka.

Yeremia 43:12

Go lacwinyo mac i udi pa werin ma Misir, aka lawaŋo to tero jo paka jotwec. Go layweyo piny Misir paka jakwath rombo dimo onywogo i nanga pere, to weyo kenyo m'olimo teko.

Ezekiel 33:11

Waci rijo ni, Paka akwo, Rwoth Were waco, angoye gi siem i tho pa jakidakana, to ni jakidakana wowire i yo pere marac to kwo. Wire wok i yo perin marac; raŋo iripo tho, awi ot pa Isiraili?

Kwan 14:21

to kad'ameno paka akwo, kendo paka piny gipi bino poŋ kodi dwoŋ pa Rwoth,

Yohana 4:35

“Wingoye gi ageca ma wimaro luwo ni, ‘Odoŋ dwe aŋwen to keco tundo?’ Awaco riwin, kaŋasa win ndelin maber: Gim'ocwoy pama otieko cek aka otundo akeca.

Menyirok ri Yohana 21:2

Gikenyo aneno Tindi Maleŋ, Yerusalem manyen, munyo loro piny wok i polo bongi Were, m'oyik maŋon paka mweha m'orukere maŋon ka yikere romo gi rwoth pere.

Menyirok ri Yohana 22:15

To woko koro nitie gwokere kodi jothieth, jocot kodi jonek, joma lamo cal makicar, kodi jotwodo je, i wac kodi i kwo pajo