Isaya 49:10 - KITAWO MALEŊ Catholic

¹⁰ Kec kosa riyo k'oneki jo, weyo malieth kosa ceŋ k'orwadhi jo piny, kole ŋata mako gi jo wor ama latelo jo, aka latelo jo kadho i waŋ pi ma mol.”

KITAWO MALEŊ

¹⁰ Kec kosa riyo k'oneki jo, weyo malieth kosa ceŋ k'orwadhi jo piny, kole ŋata mako gi jo wor ama latelo jo, aka latelo jo kadho i waŋ pi ma mol.”

Isaya 49:10 ပူးပေါင်းရင်းမြစ်များ

Isaya 14:1

To Rwoth latimo wor gi Yakobo to yero Isiraili kendo, laketho jo i lowo pajo wegi; aka jopath jolabino bedo gi jo to joriwere gi ot pa Yakobo.

Isaya 25:4

Kole itieko bedo kapondo ri jocandi, kapondo ri ŋata bu gimoro i teko pere, kabwok kwoŋ koth gi tipo kwoŋ lietho; ka derino pa jomaker cal asur ma cwir.

Isaya 32:2

Kisi acel kwoŋ jolabedo paka kapondo kwoŋ koyo, gi kabwok kwoŋ asur, paka waŋ pi kam'othwo, paka tipo tele madwoŋ i piny m'oloc.

Isaya 33:16

Jolabedo i kabedo ma malo, aka jolapondo i tele, jolabedo gi cemo kodi pi ma romo.

Isaya 35:6

Jor'aŋolo jolapor to jomielo aka obadhin jolakoko ri kisangala. Waŋ pi lamol i opalipat;

Isaya 35:7

kwoyo malieth lalokere kidiwa, aka lowo m'othwo lapoŋ gi pi. Kama ogwaŋe madudi cango jobed'iye lalokere samba, lum lalokere midole g'osege.

Isaya 4:6

Labedo tipo ma bwok kwoŋ lietho m'odieceŋ, kapondo gi kabwok kwoŋ asur gi koth.

Isaya 40:11

Go lapidho mwendi pere paka jakwath; go lacoko nyithindhi rombo i bade, to tiŋo jo i kore, to leko megi rombo m'odeda.

Isaya 41:17

Ka jocandi gi joma bu gimoro jorango pi, aka ongoye moro, aka lew jo othwo gi riyo, An Rwoth aladwoko jo, An Were pa Isiraili ak'ojwangi jo.

Isaya 43:19

Ere neni, atimo gimanyen; pama onyo tula, ikineni? Alatimo royo i thim, gi malawin iy'opalipat.

Isaya 48:17

Rwoth, Jaboth mewin, aka Were Maleŋ pa Isiraili waco, Abedo Rwoth, Were mewin, ma fonjo win ro bero mewin, aka telo win i yo ma wiripo luwo.

Isaya 48:21

Riyo k'oneko jo munyo jowotho i thim, go omiyo pi mol rijo wok i tele, go obaro woko tele to pi bayere woko.

Isaya 51:14

Jono m'idiyo ilagonyo jo piyo, jokilatho to jokadho piny i bur, kosa jok'ocandi cemo.

Isaya 52:12

Waŋin me wikilawok i kwakirok; wikilatemo kwalok. Kole Rwoth Were mewin latelo win, aka Were pa Isiraili lagwoko win gi yucen.

Isaya 54:10

Gote gi tendere jonyalo barok, to mar paran makiwire rin k'oeye kwoŋin; aka alakuro cikirok paran ma siem, Rwoth ma mako wor kodin waco.

Isaya 54:8

I keme paran m'opoŋ de oy ma hongo macek, apano rin waŋan, to alamako kodin wor gi mar makiwire, Rwoth, Jaboth perin waco.

Isaya 58:11

Rwoth latelo win noknok, to yeŋo mito mewin gi gigipiny mabeyo, to loko cokin mewin matek. Wilacale ndelo m'ikonj'iye pi, paka waŋ pi, ma pi mere kicwiy.

Isaya 65:13

Riameno me apaka Rwoth Were waco, ŋecin paran jolacemo, to kec laneko win, ŋecin paran jolabedo gi gir'amadha, to riyo laneko win, ŋecin paran jolafore, to wilabedo giwickwot.

Yeremia 31:9

Joladwoko kareno joywak, aka alatelo jo dwoko k'adiyo cuny jo. Alamiyo jo woth i thengi waŋ pi, i royo m'otire ma jokinyal cer, kwoŋbedo atieko bedo ba Isiraili, Efrayim obedo okayo paran.

Ezekiel 34:23

Alajengo kwoŋ jo jakwath acel, ŋeca paran Daudi go lakwayo jo, go lakwayo jo to bedo jakwath pajo.

Yona 4:8

To munyo ceŋ owok, Were odhiro koyo malieth swa wok yuthenge ma wok ceŋ. Lietho ma ceŋ owaŋo tipin wi Yona aka oloco go. Yona openjo ni, “Raŋo akitho! Ber atho woko loyo bedo makwo.”

Mika 7:14

Kway ji perin gi luth perin Rwoth, ji perin m'itieko yero ma jobedo i thim, nitie lowo maber thoko jo. Weyi doko jowopidhere i Basan kodi Giliad, paka oyido cango con.

Matayo 5:6

Josilwany a joma nitie g'awanya madwoŋ, ma timo gima Were yenyo, kole ibino yeŋo jo.

Yohana 6:35

Yesu owaco rijo ni, “Abedo mugat ma kelo kwo. Ŋata bino bongan kilawinjo kec, aka ŋata yeyan kilawinjo riyo.”