Isaya 48:12 - KITAWO MALEŊ Catholic

¹² Rwoth waco ni, Winjan win, Awi nyikway Yakobo, Isiraili, ji m'atieko lwoŋo jo! An ago, abedo marapena, aka abedo macowe.

KITAWO MALEŊ

¹² Rwoth waco ni, Winjan win, Awi nyikway Yakobo, Isiraili, ji m'atieko lwoŋo jo! An ago, abedo marapena, aka abedo macowe.

Isaya 48:12 ပူးပေါင်းရင်းမြစ်များ

Agecin 7:24

Riameno nyithindho paran, winjan win, aka ciki ithi win ri wac ma wok i dhokan.

Agecin 8:32

Riameno nyithindho, winjan win. Josilwany a jono ma jotimo gim'awaco.

Isaya 34:1

Core win cegin, awi nonin, wiwinji; cik ithi win, awi ji! Weyi piny gi cwec mere je jowowinji; piny gibe, gi gima bed'iye je.

Isaya 40:26

Tiŋi waŋin malo akinen, ŋa m'ocweyo gime? Go ma wodho woko lwak pajo to kwano jo, lwoŋo joje gi nyingi jo; rupiri go obedo ŋatadwoŋ i meni, meni pere oasere, ongoye kad'acel ma rem.

Isaya 41:4

Ŋa m'otimo to miyo gime timirok, lwoŋo lusin wok i cakirok? An, Rwoth, abedo marapena, aka alabedo macowe.

Isaya 43:10

Wibedo jokony paran, Rwoth waco, gi ŋeca paran m'atieko yero, ŋey winyal ŋeyo to wiyeyan to winiaŋ ni Abedo go. Ongoye were m'otelo bedo ran, aka ongoye moro je ma labino yuŋeyan.

Isaya 43:11

An, abedo Rwoth, aka makiweno an, ongoye jaboth.

Isaya 44:1

T'onyo pama winji, awi Yakobo ŋeca paran, Isiraili m'atieko yero!

Isaya 44:6

Rwoth, Kere pa Isiraili waco, Jaboth pere, Rwoth pa lwak jolweny ni “Abedo marapena aka macowe, aka ongoye were man kwanyowoko an.

Isaya 46:3

Winjan win, awi ot pa Yakobo, ji ma joboth je ma ot pa Isiraili, win m'atieko tiŋo wok i nywolirok, atiŋo win wok i ici.

Isaya 46:4

Kiri ka witi, abedo Were mewin, kiri ka witwi lwar, alatiŋo win. Atieko cweyo win, aka alabielo win, alatiŋo win t'abotho win.

Isaya 49:1

Winjan win, piny ma yuthengi nam, win ji ma wiwok bor! Rwoth olwoŋan mafodi k'onywolan, mafodi anitie i iy mama go ocwoko nyingan.

Isaya 51:1

Winjan win, win ma widwaro both, win ma wirango Rwoth. Ŋiy win tele kama wiwok'iye, kam'iŋiny'iye telin m'okuny'iye win.

Isaya 51:4

Winjan win, ji paran, winji win gim'awaco, nono paran. Amiyo piny fonji paran, aka tiro paran kelo lero ri ji.

Isaya 51:7

Winjan win, win ma wiŋeyo tiro, win ma winigi fonji paran i cuny win, wikiri wilwor yet pa ji man, aka wikiri wilwor ka jowaco riwin gima ŋedho cuny win.

Isaya 55:3

Ciki ithi win, aka wibin bongan, winji win, ŋey cuny win wonyali kwo. Alatimo gi win cikirok ma cil gi cil, mar paran makiwire, mar'adieri ri Daudi.

Matayo 20:16

Aka Yesu omedo ni, “Am'omiyo joma cowe ama jobino bedo marapena, aka joma bedo marapena jobino bedo macowe.”

Joroma 1:6

Me bende mako win ma winitie Roma, ma Were olwoŋo bedo ji pa Yesu Kristo.

Joroma 8:28

Kole waŋeyo ni gimoro je timere kanyacel ma bero ri joma jomaro Were, jono ma go olwoŋo r'atoŋa pere won.

1 Jokorintho 1:24

to ri jom'olwoŋ i dier Joyuda gi Jogris, obedo Kristo m'obedo meni pa Were gi rieko pa Were.

Kitawo mar'abic mapa Musa m'ilwoŋo ni Cik 32:39

Neni win pama ni An, Abedo go, ongoye were man kwanyowoko an, Aneko, aka amiyo kwo, amiyo litho, aka acango, aka ongoye ŋata nyalo botho dhano wok i cingan.

1 Petero 2:9

To wibedo ji m'oyer, jocway ri Kere wi migam, nono maleŋ, ji pa Were won, ŋey winyal pako tim pa Were ma urere, go m'olwoŋo win wok i mudho donjo i lero pere maŋon ma kiwacere.

Menyirok ri Yohana 1:11

“Ndiki gim'ineno je i kitawo, aka idhiri ri kitipin abirio mapa jom'oyeyo ma Efeso, Simirina, Perigamo, Thiatira, Saridi, Filadelifia kodi Lawodisia.”

Menyirok ri Yohana 1:8

“An a marapena kendo macowe,” Rwoth Were Majameni je waco; go manitie pama, m'obedo con, kendo bino bedo.

Menyirok ri Yohana 17:14

Jobino lwenyo gi Nyathi rombo, to Nyathi rombo bino loyo jo, rupiri go obedo Rwoth kodi Kere pa kerin, aka joma ni bonge jobedo jom'olwoŋ kendo m'oyer aka jogenere.”

Menyirok ri Yohana 2:8

Ri malaika ma kitipa pa jom'oyeyo ma Simirina ndiki ama: Me mikwenda ma wok bongi ŋati marapena kendo macowe, m'otho aka doko onyo kwo.

Menyirok ri Yohana 22:13

Abedo Alifa kodi Omega, marapena kodi macowe, cakirok kodi gike.”